Хуули дабталга 18:12 - Библи

¹² Эдэ бүгэдые хэдэг зониие Эзэн үзэн ядадаг. Иимэ жэгшүүритэй муухай хэрэгүүдэй түлөө Эзэн Бурхантнай тэдэ арадуудһаа газарыень абажа, таанадта үгэхэ.

Хуули дабталга 18:12 ပူးပေါင်းရင်းမြစ်များ

4 Хаан түрэнүүд 23:24

Ёшияа Иерусалимдахи иудынхидай дунда заншал боложо дэлгэрһэн, онгонуудай һүрэгүүдтэ шүтэн мүргэлгые, үхэгшэдэй хуурмаг хии үзэгдэлнүүдые болон һүнэһэ һүлдэнүүдые дуудалгануудые үгы хэбэ. Тиигэжэ тэрэ Хилкияа санаартын Эзэнэй һүмэдэ ологшо ном соохи Хуулинуудые бэелүүлэн гүйсэдхэбэ.

Эзэкээл 31:11

Тиимэһээ Би тэрэниие буруу гэжэ гэмнээд, муу муухай ябадалайнь түлөө хэһээхыень хариин хаанда дамжуулааб.

Левит 18:24

Таанад энэ мэтээр аашалаад, өөрыгөө бү бузарлагты, юундэб гэхэдэ, энэ мэтэ забхайралга үйлэдэһэн энэ нютагай хүн зониие Би эндэһээ орогүй үлдөөб.

Левит 18:25

Тэрэ газарай бузарлагдахадань, тэрээниие нүгэл хилэнсынь түлөө хэһээгээб: тэрэ газар дээрэнь һуугшадые бөөлжөөд гаргажархибаб.

Левит 18:27

Эдэ элдэбын жэгшүүринүүдые танһаа урид энэ газарта һууһан арад зоной үйлэдэһэндэл адли таанадай тэрэ газарые бузарлаа һаатнай,

Хуули дабталга 14:27

Гэбэшье шинии хотодо ажаһуудаг левидүүд тухай бү марта. Юундэб гэхэдэ, шамда орходоо тэдээндэ газарай хуби үгы ха юм.

Хуули дабталга 22:5

Эхэнэр хүн эрэ хүнэй хубсаһа бү үмдэг, эрэ хүн эхэнэрэй хубсаһа бү үмдэг. Юуб гэхэдэ, Эзэн Бурхандатнай энэ ехэ муухай үйлэ хэрэг гээшэ.

Хуули дабталга 9:4

Эзэн Бурханайтнай тэдэниие үлдэн гаргахада, «Бидэнэй сэбэр сэхэ ябадалтай байһанда Эзэн энэ газар эзэмдэхыемнай асарба» гээд досоогоо сэдьхэжэ бү байгты. Тэдэ арадуудай буруу ябадалтай байхадань Эзэн үлдэнэ бшуу.

Хуули дабталга 9:5

Тэдэнэй газар дайда үнэн сэхэ байһанайтнай түлөө бэшэ, сэбэр сэхээр ажаһууһанайтнай түлөө бэшэ таанадта хүртэхэ. Тэдэ арадуудай буруу ябадалтай һэн тула, мүн танай үбгэ эсэгэнэр болохо Абраһаам, Исаак, Яков гэгшэдтэ тангариглаһан үгэеэ дүүргэхын тула Эзэн Бурхантнай тэдэниие хажууһаатнай үлдэхэл.