Хуули дабталга 18:10 - Библи

¹⁰ Хүбүүгээ гү, али басагаяа гал дээрэ шатаажа үргэхэ ёһогүйт. Ерээдүйе айладагша, тааха шэдитэн, юумэ харадаг хүн, эльбэ жэльбэтэй нэгэн таанадай дунда бү байг,

Хуули дабталга 18:10 ပူးပေါင်းရင်းမြစ်များ

Эхин 44:5

Эзэнэймни мүнгэн аягые юундэ хулгайлбат? Минии эзэн тэрэ аягаһаа уудаг, тэрээгээрээ мэдэл үзэдэг. Ехэл муу юумэ хэбэт» гэжэ хэлэхэш.

4 Хаан түрэнүүд 16:3

Тэрэ Израилиин хаашуулай жэшээ даган ябаа. Израилиин арадай хараһаар байтар Эзэнэй үлдэһэн арадуудай жэгшүүритэй муухай үйлэ хэрэгүүдые һажаалдан, тэрэ өөрынгөө хүбүүе галда шатаан бурхадта үргэдэг байба.

4 Хаан түрэнүүд 17:15

Израильшууд Тэрэнэй хуулинуудые, үбгэ эсэгэнэртэйнь баталһан үнэн сэхэ байха тухай хэлсээе, тэдээндэ захиһан захяае мартажа, оршон тойронхи арадуудые һажаалдажа, онгон бурхадтань шүтэн мүргэдэг болобо. Эзэн тэдэниие бү һажаалдагты, тэдээнһээ жэшээ бү абагты гэжэ израильшуудта хэлэһэн байгаа.

4 Хаан түрэнүүд 17:17

хүбүүд басагадаа үргэл болгожо галда шатаадаг, үзэл үзэжэ, эльбэ жадха хэжэ һурахые оролдодог болобо. Тиигэжэ тэдэнэр Эзэндэ таарамжагүй хэрэгүүдтэ ба нүгэлдэ дарагдаба.

4 Хаан түрэнүүд 21:6

Тэрэ хүбүүгээ галда шатаан үргэһэн байна. Мэдэлшэн, үзэлшэн, эльбэ жэльбэшэн болон тэрэ байгаа, үхэһэн зониие дуудадаг, эльбэ жэльбэ харуулдаг зонтой зүбшэдэг һэн. Эзэндэ таагүй юумэ олоор тэрэ хэжэ, Эзэнэй уур сухал хүдэлгэбэ.

4 Хаан түрэнүүд 23:24

Ёшияа Иерусалимдахи иудынхидай дунда заншал боложо дэлгэрһэн, онгонуудай һүрэгүүдтэ шүтэн мүргэлгые, үхэгшэдэй хуурмаг хии үзэгдэлнүүдые болон һүнэһэ һүлдэнүүдые дуудалгануудые үгы хэбэ. Тиигэжэ тэрэ Хилкияа санаартын Эзэнэй һүмэдэ ологшо ном соохи Хуулинуудые бэелүүлэн гүйсэдхэбэ.

1 Угай бэшэг 10:13

Эзэндэ үнэн сэхэ байгаагүй, Эзэнэй үгэ дуулаагүй, үхэһэн зоной һүнэһэ дуудагшада хандаһанайнгаа түлөө Саул иигэжэ наһа бараба.

2 Угай бэшэг 28:3

Һинноом хүндыдэ Ахааз уталгануудые ууюулдаг, Израилиин арадай хараһаар байтар Эзэнэй үлдэһэн арадуудай жэгшүүритэй муухай үйлэ хэрэгүүдые һажаалдан, хүбүүдээ галда шатаан бурхадта үргэдэг байба.

2 Угай бэшэг 33:6

Бэн-Һинноомой хүндыдэ тэрэ хүбүүдээ галда шатаан үргэһэн байна. Мэдэлшэн, үзэлшэн, эльбэ жэльбэшэн болон тэрэ байгаа, үхэһэн зониие дуудадаг, эльбэ жэльбэ харуулдаг зонтой зүбшэдэг һэн. Эзэндэ таагүй юумэ олоор тэрэ хэжэ, Эзэнэй уур сухал хүдэлгэбэ.

Египедһээ гаралга 22:17

Эрэ хүн залуу басаганай толгойень эрьюулжэ хурисабал, тэрэнэй түлөө анза түлэхэ ба һамган болгожо абаха ёһотой.

Египедһээ гаралга 22:18

Басаганай эсэгын басагаяа хадамда үгэхэ дурагүй һаань, хурисагша эрэ басаганай түлөө хэдые түлэхэ ёһотойень түлэхэ уялгатай.

Исай 47:13

Олон зүбшэл шагнабашье, ши хүсэ шадалгүйгөө мэдэрнэш. Зурхайшад – одо мүшэдөөр үзэл хэлэгшэд, шэнэ һараар юумэ таагшад шамайе болохо байгаа юумэнһээ абараг лэ.

Ерэмияа 27:10

Тэдэ таанадые мэхэлнэ, орон нютагһаа танай холодуулагдахые хүсэнэ. Би та бүгэдые үлдэн гаргахаб, тиигээд таанад үхэхэт.

Ерэмияа 27:9

«Таанад Вавилооной хаанай мэдэлдэ бү орогты» гэжэ хэлэдэг лүндэншэдөө, үзэлшэдөө, зүүдэ тайлбарилагшадаа, эди шэдитэнээ, эльбэтэйшүүлээ бү дуулагты.

Ерэмияа 32:35

Тэдэ хүбүүд, басагадаа Моолохто үргэн шатаахын тула Бэн-Һинноомой хүндыдэ Баалда зорюулан, үргэлэй газарнуудые байгуулаа. Энээниие үйлэдэхэ тухай Би тэдээндэ захираа бэшэб, иимэ юумэ хэхэ, Иудын хан түрын бүхы зониие нүгэлтэй болгохо гэжэ һанаандамнишье орохогүй байгаа.

Ерэмияа 7:31

Басагад, хүбүүдээ галда шатаахаяа Бэн-Һинноомой хүндыдэ Тоопэт гэжэ нэрэтэй мүргэлэй обоо зохёон тэдэ түхеэрбэ.

Левит 19:26

Шуһатай юумэ бү эдигты, үзэл бү үзүүлэгты.

Левит 19:31

Үхэһэн хүнүүдые уригшадта бү хандагты, эльбэ шэжэ хэдэг хүнүүдтэ бү харгылагты. Таанад тэдээнһээ бузартахат. Би Эзэн, танай Бурхантнайб.

Левит 20:6

Хэрбээ хэн нэгэнэй үхэһэн хүниие дуудадаг хүндэ, эльбэ шэжэ хэдэг хүндэ хандаа һаань, Би тэрээндэ уурлажа усадхахаб, арад зонойнгоо дундаһаа тэрэ үгы болохо.

Михей 5:12

Эльбэ жэльбэтэйшүүлые, үзэлшэ зурхайшадые шинии хажууһаа үгы хэхэб.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Хэрэгүүд 19:19

Эльбэ жэльбэ хэрэглэдэг зарим зон номуудаа асаржа, зоной урда галда шатааба. Тэдэ номуудай сэнгыень тоолоходо, тэдэнь таби мянган мүнгэнэй сэнтэй байшаба.

Хэрэгүүд 8:9

Тэрэ хотодо эльбэ шэдиеэ харуулжа, бүхы самариин зониие гайхуулдаг Симон гэжэ нэрэтэй хүн ажаһуугаа. Тэрэ өөрыгөө агууехэб гэдэг,

Галадуудта 5:20

онгонуудта мүргэхэ, эльбэ жадха хэхэ, зэбүүрхэхэ, хэрүүл ама гаргаха, атаархаха, уурлаха, дээрэлхүү зантай байха, арсалдаха ба хэрэлдэхэ, буруу үзэл номнохо,

Хуули дабталга 12:31

Эзэн Бурхандаа тэдээндэл адляар бү хандагты. Эзэнэй жэрхэдэг, үзэн ядадаг юумые эдэнэр хэдэг, үхи хүүгэдээшье бурхадтаа үргэн, гал дээрэ шатаадаг байгаал!

1 Хаан түрэнүүд 15:23

Юуб гэхэдэ, тэршэлхэ гээшэ эди шэдиин нүгэлтэй адли. Һөөргэдэхэ гээшэ онгондо мүргэхэтэй адли. Эзэнэй үгэһөө шинии татагасаһан тула Эзэн мүн лэ шамайе хаан байлгахаһаа татагасаа, – гэжэ үгүүлбэ.

1 Хаан түрэнүүд 28:3

Самуилай наһа бараһанда бүхы Израиль гашуудажа, тэрэниие өөрынь хото болохо Рамаада хүдөөлүүлбэ. Саул эльбэ жэльбэтэйшүүлые ба үзэлшэдые орон нютагһаа үлдэн гаргаба.

1 Хаан түрэнүүд 28:7

Тиихэдэнь Саул өөрынгөө зарасанарта: – Эльбэ жэльбэтэй эхэнэрые намда бэдэржэ ологты. Би тэрээндэ ошожо, юумэ асуухамни, – гэбэ. Зарасанарынь: – Эн-Доорто эльбэ жэльбэтэй нэгэ эхэнэр бии, – гэлдэбэ.

1 Хаан түрэнүүд 28:8

Саул хубсаһаяа һэлгэжэ, зүһэеэ хубилгаад, хоёр хүнтэй хамта ябажа, тэрэ эхэнэртэ һүниндөө ерэбэд. Саул: – Намда үзэл хаража, минии нэрлэһэн хүниие дуудажа үгыш, – гэбэ.

1 Хаан түрэнүүд 28:9

Эхэнэр тэрээндэ: – Энэ орон нютагһаа эльбэ жэльбэтэйшүүлые, үзэлшэдые Саулай үлдэн гаргаһые ши мэдэнэш. Тиин юундэ ши намда урьха табижа, намайе алуулха гээбши? – гэжэ хэлэн байба ха.