Хуули дабталга 17:20 - Библи

²⁰ Тиигэбэл, хаан арад зондоо дээрэлхэжэ байхагүй, захяа заабаринуудһаа баруун, зүүн тээшээ хазагайржа байхагүй. Тиимэл хаан ба тэрэнэй уг изагуур удаан саг соо Израилиин хаанта засагые гартаа баряад зонхилхол.

Хуули дабталга 17:20 ပူးပေါင်းရင်းမြစ်များ

2 Хаан түрэнүүд 22:23

Тэрэнэй бүхы тогтоолнууд урдамни, хуулинуудһаань, юрэдөө, буруу хараагүйб.

3 Хаан түрэнүүд 11:34

Гэбэшье Соломоонһоо бүхы хаан түрые хуряан абахагүйб, Минии һургаалнуудые, хуули ёһонуудые сахидаг байһан Давидай, Минии шэлэн абагша богоолой, аша габьяагай түлөө Соломоониие амиды мэндэ сагтань хаан зандань байлгахаб.

3 Хаан түрэнүүд 11:36

Хүбүүндэнь нэгэ обог үлөөхэб. Тиихэдэм Намда мүргэдэг байхын тула Минии шэлэн абаһан Иерусалимда Давид богоолойм үри һадаһан хододоо хааншалан байха.

3 Хаан түрэнүүд 15:3

Абияам эсэгынгээ урид үйлэдэһэн нүгэлнүүдые дабтажа, элинсэг эсэгэ Давидтал адляар Эзэн Бурхандаа үнэн сэхэ байгаагүй.

3 Хаан түрэнүүд 15:5

Ушар юуб гэбэл, Давид Эзэндэ таатай хэрэг үйлэдэдэг, һургаал заабаринуудыень амиды мэндэ сагтаа хододоо сахин ябаа. Нэгэл дахин тэрэ хээт хүн Урияа гэгшэтэй муу юумэ хэһэн ааб даа.

3 Хаан түрэнүүд 2:3

Юушье хэбэл, хаанашье ябабал, амжалта туйлахын тула Өөрын Эзэн Бурханиие шүтэн ябаарай. Моисейн хуули соо бэшэгдэһэн Эзэнэй хуули ёһо, зарлигуудые, тогтоол, һургаалнуудые сахин байгаарай.

4 Хаан түрэнүүд 10:30

Эзэн Еһүүдэ хандажа: – Ши Намда таарамжатай ба һайн хэрэг ябуулгануудые Минии һанагшаар, Ахаабай бүхы уг удамуудые зүбөөр үгы хэбэш. Тиимэһээ шинии уг гарбал дүрбэдэхи үе хүрэтэр Израилиин хан шэрээдэ һууха болтогой! – гэжэ айладаба.

4 Хаан түрэнүүд 14:10

Эдоомые диилэһэн илалта шинии толгойе эрьюулээ. Сэдьхэлдээ гансал энэ илалтаараа омогорхо. Юундэ өөртөө гай тодхор бэдэрбэш? Магад, өөрөө хүлөө алдажа, Иудатай хамта унажа болохош!

2 Угай бэшэг 25:19

Эдоомые диилэһэн илалта шинии толгойе эрьюулээ. Сэдьхэлдээ гансал энэ илалтаараа омогорхо. Юундэ өөртөө гай тодхор бэдэрбэш? Магад, өөрөө хүлөө алдажа, Иудатай хамта унажа болохош!

2 Угай бэшэг 26:16

Уззияа хүсэ шадалтай болоходоо, бардамлажа эхилбэ, энэнь тэрэниие хосоруулаа. Нэгэ үдэр тэрэ Эзэнэй Һүмэ руу орожо, үргэлэй шэрээ дээрэ уталга ууюулба. Иигэжэ тэрэ нүгэл хээ һэн.

2 Угай бэшэг 33:12

Мэнашшээ зобохын ехээр зобожо, үбгэ эсэгэнэрэйнгээ Бурханай урда угаа даруу номхон боложо, Эзэн Бурхандаа эрьежэ, туһа эрижэ эхилбэ.

2 Угай бэшэг 33:19

Тэрэнэй зальбаралга, Бурханай тэрэниие анхарһаниинь, бүхы нүгэл, гэм зэмынь, номхон даруу болохын урда тээ үргэлэй газарнуудые түхеэрһэниинь, Ашэраа бурханай болон онгонуудай дүрсэнүүдые табиһан газарнуудынь Хозай гэгшын бэшэгүүд соо зураглагданхай.

2 Угай бэшэг 33:23

Харин эсэгэдээ орходоо тэрэ Эзэнэй урда номхон даруу болоогүй, бүри ехэ нүгэлнүүдые хээ.

2 Угай бэшэг 34:27

Гэмээ мэдэрһэнэйш түлөө, энэ газар болон ажаһуугшад тушаань Бурханай үгэнүүдые дуулахадаа, даруу номгон болоһонойш түлөө, гашуудан, хубсаһа хунараа удара татаһанайш, Минии урда бархирһанайш түлөө Би шамайе анхарааб гэжэ Эзэн айладхана.

Һургаал 10:27

Эзэнһээ бэшэрэлгэ ами наһа утадхадаг, хара һанаатанай он жэлнүүд богони болодог.

Һургаал 27:24

Энэ баялиг мүнхэ бэшэ, хаанайшье титим уг дамжан үгтэхэгүй ушар байха.

Экклезиаст 8:13

Нүгэлтэ хүн өөдэлхэ гэжэ байгаагүй, Бурханиие тоодоггүй тэрэнэй үдэрнүүд һүүдэр мэтэ ходоржо, наранай ороходо һүнэдэг.

Исай 2:12

Энэ хадаа бардам ба дээрэлхүү, биб гэһэн хүн бүхэниие панхаруутуулха үдэр – Түмэн Сэрэгтэ Эзэнэй үдэр!

Аввакуум 2:4

Зай, бардам зантай хэн нэгэниие Би тоохогүйб. Үнэн сэдьхэлтэн этигэл һүзэгэйнгөөл ашаар амидарха.

Хуули дабталга 12:25

Эзэнэй захирһаар бүхы юумэ хээд байбалшни, шамда ба һүүлдэнь шинии уг удамда һайн байха. Шуһа бү эдеэрэй.

Хуули дабталга 12:28

Минии захин хэлэһэн үгэнүүдые дуулажа, сахин дүүргэгты. Эзэн Бурхандаа аятай, һайн юумэ хэжэ байбалтнай, таанадта, мүн үри һадаһандатнай хэтын хэтэдэ һайн байхал.

Хуули дабталга 12:32

Минии таанадта захиһан юумэ бултыень дүүргэхэеэ оролдогты, хэлэһэндэм юушье бү нэмэгты, бү хороогты!

Хуули дабталга 17:11

Тэдэнэй таанадта заабарилһан һургаалай ёһоор лэ, хэлэһэн соонь лэ хэрэг бүтээгээрэйгты. Шиидхэбэрииень бү хазагайруулагты, нарибшалаарайгты.

Хуули дабталга 4:2

Минии заабарилан захирһан үгэнүүдтэ бү нэмэгты, тэдээнһээ хороожошье бү байгты. Эзэн Бурханайтнай захяа заабаринуудые дамжуулхадамни, сахин ябагты.

Хуули дабталга 5:32

Эзэн Бурханайнгаа захирһанай ёһоор, жэншэдгүй үйлэ хэрэг ябуулагты, нэгэшье хуулииень бү хазагайруулагты, хажуу тээшэ халба бү һүрэгты.

Хуули дабталга 8:2

Дүшэн жэлэй туршада элһэн сүл губяар таанадые Эзэнэй хүтэлөөд ябаһан бүхы аян зам бү мартагты. Досоогоо юу сэдьхэжэ байһыетнай, захяа заабарииень сахиха гүт, али үгы гүт гэжэ мэдэхын тула, таанадые номгоруулхын тула Тэрэ туршажа байгаа.

Пётрой 1-дэхи хандалга 5:5

Залуушуул, таанад баһал бүлгэмэй хүтэлэгшэдэй үгөөр байгты. Бэе бэедээ булта номгон даруугаар хандагты. «Бурхан омог зантай зониие буруушаадаг, харин даруу номгон зондо үршөөлтэйгөөр хандадаг», – гэжэ Нангин Бэшэг соо хэлэгдэнэ.

1 Хаан түрэнүүд 10:25

Самуил арад зондо хаанай эрхэ, уялгануудые ойлгуулжа, хуйламал ном соо бэшэжэ, тэрэ номоо Эзэнэй оршодог нангин газарта табиба. Удаань тэрэ бүхы арад зониие гэр гэртээ бусахыень захирба.

1 Хаан түрэнүүд 15:23

Юуб гэхэдэ, тэршэлхэ гээшэ эди шэдиин нүгэлтэй адли. Һөөргэдэхэ гээшэ онгондо мүргэхэтэй адли. Эзэнэй үгэһөө шинии татагасаһан тула Эзэн мүн лэ шамайе хаан байлгахаһаа татагасаа, – гэжэ үгүүлбэ.