Хуули дабталга 16:16 - Библи

¹⁶ Танай үндэһэ яһанай бүхы эрэ зон Эзэн Бурханайнгаа нангин үргөөдэ жэлдээ гурба дахин ерэхэ ёһотой: Паасхын, Ургаса хуряалгын һайндэр болон Майхангуудай һайндэрнүүдэй үедэ. Ерэхэдээ, Эзэнэй урда гар хооһон бү ерэгты.

Хуули дабталга 16:16 ပူးပေါင်းရင်းမြစ်များ

3 Хаан түрэнүүд 9:25

Соломоон түгэс шатаалта болон амгалан байдалай түлөө үргэлнүүдые Эзэндэ зорюулан бариһан үргэлэй шэрээ дээрэ жэлдээ гурба дахин үргэдэг байгаа. Эзэнэй урда тэрээн дээрээ уталгануудыешье ууюулдаг бэлэй. Иигэжэ тэрэ Һүмэ барижа дүүргэбэ.

2 Угай бэшэг 8:13

Моисейн ёһо һургаалнуудые сахин, түгэс шатаалта үргэлнүүдые тусхай үдэрнүүдтэ – амаралтын үдэртэ, Һарын шэнэдэ, жэлэй гурбан ехэ һайндэрнүүдтэ: Эһээбэригүй хилээмэнэй һайндэртэ, Түрүүшын ургаса хуряалгын һайндэртэ ба Отогуудай һайндэртэ – үргэдэг байха гэжэ тэрэ дурадхаа һэн.

Эзраа 3:1

Долоодохи һара гараба. Израильшууд өөһэд өөһэдынгөө хотонуудта ажаһуужа байгаа. Тиихэдээл нэгэн хүн шэнги эбтэйгээр булта Иерусалим хотодо сугларбад.

Нэхэмьяа 8:15

тэдэнэр өөһэдынгөө бүхы хотонуудта, Иерусалимда иигэжэ дуулган мэдээсэхэ: «Гүбээ, үндэр добо дээрэһээ таримал, мүн зэрлиг оливын, мииртын, паальмын, мүн бэшэшье набшаһата модонуудай мүшэрнүүдые асараад, эндэ заагдаһанай ёһоор һарабшануудые түхеэрхэ ёһотойт».

Псалманууд 122:4

Манай сэдьхэл садхалан зоной дээрэлхэлгээр, бардам зоной доромжололоор ехэ дүүрэнхэй.

Псалманууд 84:7

Танай өөһэдтэйнь байһанда арад түмэнэйнгөө баясахын тула маанадые дахин һэргээхэгүй юм гүт?!

Псалманууд 84:8

Эзэн, Өөрын энэрэл хайрые маанадта үзүүлжэ, абаралаа бидэндэ үршөөгыт.

Псалманууд 96:8

Эзэн, Танай зарга шүүбэриһээ боложо, Сион дуулаад, баясана, Иудын басагад баярлана.

Египедһээ гаралга 34:20

Элжэгэнэй түрүүшын тугалай түлбэри хонёор үгэхэт, абаха үгы һаа, амаргал хүзүүень булгалха ушартай. Ууган хүбүүдэйнгөө түлөө түлбэри оруулдаг байхат. Хэншье Минии урда хооһон гартай ерэхэ ёһогүй!

Египедһээ гаралга 34:24

Жэлдээ гурба дахин Минии, Эзэн Бурханайнгаа, урда зогсон, бэеэ харуулбалтнай, Би хари угсаатанай газар дайда таанадта үгэхэб, танай байһан газар дэбисхэрые үргэдхэхэб, хэншье танай газар булимтаран буляахагүй.

Исай 23:18

Худалдаа наймаагаар олоһон олзонь Эзэнэй болохо. Тиир хото тэрэ олзоёо нөөсэлжэ-хадагалжа байхагүй. Эзэндэ һүгэдэн зальбардаг зон тэрэ мүнгөөрнь һайн хоол, һайхан хубсаһа өөһэдтөө худалдан абадаг байхал.

Исай 33:20

Сион руу харыт! Найр наадаяа һайндэрлэдэг хото руугаа харыт! Иерусалим руу анхаралаа хандуулан ажаглыт! Ямар энхэ амгалан газар, хэзээшье хухархагүй гадаһануудтай, нэгэшье аргамжань таһархагүй майхандал адли тэрэ гээшэб!

Эзэкээл 36:38

Мүнөө һандараад байгааша хотонууд Иерусалимдахи һайндэрнүүдэй үедэ үргэлэй хонидой олон байдагтал, улад зоноор дүүрэн болохо. Тиихэдэ таанад Намайе Эзэн гээд ойлгохот.

Левит 23:34

– Израильшуудта хэлэ: Долоодохи һарын арбан табанай үдэртэ бургааһаар хэһэн майхангуудай һайндэр гээшэ, долоон үдэрэй Эзэнэй һайндэр.

Хаггай 1:9

Ехэ юумэ хүлеэнэт, теэд бага юумэн болоно. Гэртээ асарһан юумыетнай Би хумхаа тооһон болгохоб. «Ямар ушарһаа?» – гээд асуухадатнай, Би, Түмэн Сэрэгтэ Эзэн, иигэжэ харюу үгэхэб: «Хүн бүхэнтнай өөрын гэр шэмэглэн сүлөөгүй ажаллана, харин Минии Гэр хооһон, һандархай байна. Энээнэй түлөө!»

Матвей 2:11

Сэсэшүүл гэртэ ороод, хүбүүнэй Мария эхэтэйгээ байхыень хараба, тиигээд газар хүрэтэр дохин Тэрээндэ мүргэбэ. Асарһан бэлэгүүдээ дэлгэжэ, хүбүүндэ алта мүнгэ, сан санзай, һайхан үнэртэй ургамалай тоһо үргэбэ.

Марк 12:3

Теэд үзэмшэд зарасыень барижа зада сохёод, һөөргэнь хооһоор бусаагаа һэн.

Иоанн 7:2

Еврейнүүдэй Отог урса табилгын һайндэрэй найр болохоёо байба.

Хуули дабталга 16:15

Эзэнэй нангин үргөөдэ долоон хоногой туршада Тэрэниие магтан һайндэрлэгты. Ургасыетнай, бүхы ажал хэрэгүүдыетнай Эзэн Бурханай үреэһэн ушарһаа таанад сэдьхэл дүүрэн сэнгэгты.

Хуули дабталга 16:17

Эзэн Бурханайнгаа үршөөн үгэһэнэй хэмээр, шадалайнгаа аяар хүн бүхэн бэлэг асараг лэ.

Хуули дабталга 31:11

бүхы Израилиин зоной Эзэн Бурханайнгаа урда мүргэхэеэ нангин үргөөдэнь суглархадань, энэ һургаал заабариие бүхы зоной дуулахаар шангаар уншагты.

1 Хаан түрэнүүд 1:3

Энэ хүн жэл бүри түрэл хотоһоо гаража, Түмэн Сэрэгтэ Эзэндэ мүргэхэеэ, үргэл хэхэеэ Шилоо руу ошодог бэлэй. Тэндэ Элии гэгшын хоёр хүбүүд – Хопнии ба Пинэһаас Эзэнэй санаартад байгаа.

1 Хаан түрэнүүд 6:3

Тэдэнь харюусаба: – Хэрбээ таанад Израилиин Бурханай ханзые бусааха гэбэл, хооһоор бү эльгээгты. Таанад гэм зэмээ сагааруулхын тула заабол бэлэг эльгээлсэгты. Тиигэбэл, эдэгэхэт, Тэрэ таанадые юундэ даража байнаб гэжэ мэдэхэт.