Хуули дабталга 16:14 - Библи

¹⁴ Таанад үхи хүүгэдээрээ, богоолнуудтаяа, левидүүдтэй, ерүүл зонтой, танай хотын үншэн хэнзэнүүдтэй, бэлбэһэн эхэнэрнүүдтэй хамта һайндэрэй үедэ хүхилдэгты.

Хуули дабталга 16:14 ပူးပေါင်းရင်းမြစ်များ

Эстээр 9:22

Ушар гэбэл, иудейнүүд тэдэ үдэрнүүдтэ дайсанай гарһаа мултаржа, уйдхар гашуудалынь баяр наадан боложо, гашуудалайнь үдэр баярай үдэр болон хубилаа бшуу. Тиимэһээ Мордохайн эльгээгшэ захяагай ёһоор иудей зон тэрэ үдэрые баярай үдэр болгон тэмдэглэжэ, найр наада дэлгэн, бэе бэеэ амтан эдеэгээр хүндэлжэ, ядаруу зондо бэлэг баридаг болонхой.

Экклезиаст 9:7

Зай иигээд яба, үйлэ хэрэгүүдыш Бурханай һайшаажа байгаа хадань, эдеэ талхаяа дорюун зоогло, сэдьхэл сэнгэлэн үзэмэй дараһан архияа уу.

Исай 30:29

Харин таанад нангин һайндэрэй һүнидэл дуу дуулахат. Эзэнэй хада руу, Израилиин хабсагай руу лимбээр хүгжэмлэн ябаашадтал адли сэдьхэлтнай баясан байха.

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Ёһээл 1:16

Хараһаар байтарнай хоол хүнэһэн һалгагдажа, Бурханай Һүмэдэ баясхаланта үгэ хүүр замхаба.

Хуули дабталга 12:12

Таанад үхи хүүгэдтэеэ хамта, зарасанартнай, хото һуурин соотнай байдаг левидүүд тэндэ ошожо, бултадаа Эзэн Бурханайнгаа урда хүхилдэгты. Левидүүд өөрын хуби газаргүй гээшые бү мартагты.

Хуули дабталга 14:29

Тиихэдэш өөрын хубиин газаргүй левидүүд, ерүүл зон, шинии хотын үншэн хэнзэнүүд, бэлбэһэн эхэнэрнүүд ерэжэ, садатараа эдеэлжэ байг. Иигээд байгаа һаашни, Эзэн Бурханшни хэһэн хэрэг бүхэнииеш үреэхэл.

Хуули дабталга 16:11

Эзэнэй нангин үргөөдэ таанад үхи хүүгэдтэеэ, зарасанараараа, левидүүдтэй, ерүүл зонтой, танай хотын үншэн хэнзэнүүдтэй, бэлбэһэн эхэнэрнүүдтэй хамта Эзэн Бурханайнгаа урда хүхилдэгты.

Хуули дабталга 16:15

Эзэнэй нангин үргөөдэ долоон хоногой туршада Тэрэниие магтан һайндэрлэгты. Ургасыетнай, бүхы ажал хэрэгүүдыетнай Эзэн Бурханай үреэһэн ушарһаа таанад сэдьхэл дүүрэн сэнгэгты.

Хуули дабталга 26:11

Шамда, мүн гэр бүлэдэшни Эзэн Бурханайтнай үршөөһэн ашаг шэмээр бахаа ханан, баясан байгаарай. Левидүүдтэй, танай дунда ажаһуудаг ерүүл зонтой баяраа хубаалда.

Фессалоникиинхидтэ 1-дэхи 5:16

Ходо баяртай байгты.