Хуули дабталга 14:29 - Библи

²⁹ Тиихэдэш өөрын хубиин газаргүй левидүүд, ерүүл зон, шинии хотын үншэн хэнзэнүүд, бэлбэһэн эхэнэрнүүд ерэжэ, садатараа эдеэлжэ байг. Иигээд байгаа һаашни, Эзэн Бурханшни хэһэн хэрэг бүхэнииеш үреэхэл.

Хуули дабталга 14:29 ပူးပေါင်းရင်းမြစ်များ

Псалманууд 41:1

[Дуунай бүлэгэй хүтэлбэрилэгшэдэ: Коорахай уг удамай ирагуу үгэнүүд.]

Псалманууд 41:2

Ангаһан бугын урасхал уһан руу эрмэлзэдэгтэл минии сэдьхэл Тан руу эрмэлзэнэ, Бурхан!

Псалманууд 94:6

Ерэгты, мүргэе, доро дохиё, бидэниие бүтээгшэ Эзэнэй урда унан мүргэе.

Һургаал 11:24

Зөөриеэ хубаан тараажа байдаг хүнэй зөөри нэмэжэ байха, тиихэдэнь харамнадаг хүн үгырхэ ушар байха.

Һургаал 19:17

Үгытэй хүндэ харамнангүй үгэхэнь Эзэндэ зээлеэр үгэһэнтэй адли. Тэрэ хүнэй һайн үйлын түлөө Эзэн бусаажа түлэнэ.

Исай 1:17

Һайн хэрэгүүдые хэжэ һурагты. Үнэн зүбөөр хэрэг ябуулагты: дарлалта доро байгаашада туһалагты, үншэн хэнзые аршалагты, бэлбэһэн эхэнэрые үмэглэгты».

Левит 19:34

Танай нютагта байрлаһан ерүүл хүн танай газарай хүн болоно. Өөртөө дуратай байгшадал мэтэ, тэрээндэ дуратай бай. Таанадшье Египедэй газарта ерүүл зон байгаа ха юмта. Би Эзэн, танай Бурхантнай гээшэб.

Тоололго 18:20

Эзэн Аһароондо иигэжэ айладаба: – Ши ямаршье газар абахагүйш. Шамда хубиин зөөри байха ёһогүй. Израильшуудай дунда шинии хуби бол Би мүн. Би уг залгамжалан дамжуулагдаха шинии заяан гээшэб.

Лука 11:41

Зүгөөр аяга табаг соогоо байһан юумэнһээ үгытэйшүүлтэй хубаалсажа үгэлсэжэ байбал, таанадые газаа досоогүй арюун сэбэр болоо гэжэ Бурхан тоолохо һэн!

Лука 6:35

Харин таанад дайсадаа энхэрэгты, һайниие хэгты, харюудань юушье хүлеэнгүй урьһаар үгэгты. Тэрэнэйнгээ түлөө агууехэ шагналда хүртэхэт, Дээдэ Бурханай үхибүүд байхат. Ашые харюулдаггүй, муу һанаатай хүнүүдтэшье Бурхан энэрхы һайн байдаг бшуу.

Хуули дабталга 10:9

Бусад уг гарбалнуудта орходоо Левиин обогой зон өөрын хуби газаргүй. Юуб гэхэдэ, Эзэн Өөрөө тэдэнэй хуби болоно. Эзэн Бурхантнай тэдээндэ тиигэжэ айладаа бэлэйл.)

Хуули дабталга 12:12

Таанад үхи хүүгэдтэеэ хамта, зарасанартнай, хото һуурин соотнай байдаг левидүүд тэндэ ошожо, бултадаа Эзэн Бурханайнгаа урда хүхилдэгты. Левидүүд өөрын хуби газаргүй гээшые бү мартагты.

Хуули дабталга 14:27

Гэбэшье шинии хотодо ажаһуудаг левидүүд тухай бү марта. Юундэб гэхэдэ, шамда орходоо тэдээндэ газарай хуби үгы ха юм.

Хуули дабталга 15:10

Тэрээндэ эриһэн юумыень үгэ, үгэжэ байхадаа сэдьхэлдэшни бүглэржэ бү байг. Юуб гэхэдэ, энэ хэрэгэй түлөө Эзэн Бурханшни бүхы ажал хэрэгүүдыеш, бүтээжэ байгаа бүхы юумыеш үреэхэ.

Хуули дабталга 16:11

Эзэнэй нангин үргөөдэ таанад үхи хүүгэдтэеэ, зарасанараараа, левидүүдтэй, ерүүл зонтой, танай хотын үншэн хэнзэнүүдтэй, бэлбэһэн эхэнэрнүүдтэй хамта Эзэн Бурханайнгаа урда хүхилдэгты.

Хуули дабталга 16:14

Таанад үхи хүүгэдээрээ, богоолнуудтаяа, левидүүдтэй, ерүүл зонтой, танай хотын үншэн хэнзэнүүдтэй, бэлбэһэн эхэнэрнүүдтэй хамта һайндэрэй үедэ хүхилдэгты.

Хуули дабталга 23:21

Эзэн Бурхандаа дашаа тангариг үгөө хадаа тэрэниие удаан болгонгүй бэелүүлэ. Юуб гэхэдэ, Эзэн Бурхантнай заабол тэрэниие шамһаа нэхэхэ, дүргээгүй һаа, нүгэлтэй болохош.

Хуули дабталга 28:8

Амбаараар дүүрэн таряа талхатай байхыетнай, хэһэн бүхы хэрэгүүдыетнай Эзэн юрөөхэ. Үгэжэ байһан газар дээрээ Тэрэ таанадые юрөөхэ.

Хуули дабталга 6:11

таанадай суглуулаагүй элдэб һайн зөөри зөөшөөр дүүрэн гэрнүүдые, таанадай малтаагүй худагуудые, таанадай һуулгаагүй үзэмэй модоной ба олива модоной сэсэрлигүүдые үгэхэдэнь, иимэ газарта Эзэнэй таанадые асархадань, эдеэ хоолоор элбэг болоходоо,

Еврейнүүдтэ 13:2

Аяншадые гэртээ угтан оруулхаяа бү мартагты. Тиигэжэ зарим хүнүүд өөһэдөөшье мэдэнгүй Эльгээмэлнүүдые гэртээ айлшалуулһан байна.

Яковай хандалга 1:27

Үншэн үхибүүдтэ, бэлбэһэн эхэнэрнүүдтэ туһалха, юрын байдалаар өөрыгөө бузарлахаһаа болгоомжолхонь лэ Эсэгэ Бурханда һайшаагдадаг һүзэг һүлдэ мүн.