Хуули дабталга 14:22 - Библи

²² Жэл бүри ургуулдаг ургасынгаа арбанай нэгэ хубиие амяарлан орхи.

Хуули дабталга 14:22 ပူးပေါင်းရင်းမြစ်များ

Эхин 28:22

Хүшөө гэжэ минии табиһан энэ шулуун арад зоной Бурханда мүргэдэг газар болохо. Бурхамни! Танай үршөөһэн бүхы юумэнһээ арбанай нэгэ хубиие би Танда зорюулан бусаажа үгэдэг байхаб.

Эхин 47:24

Харин таанад ургаса хуряахадаа, табанай нэгэ хубииень хаанда үгэдэг байхат, табанай дүрбэн хубииень тариха үрэһэн, мүн гэр бүлөө тэжээхэ хоол болгон өөһэдтөө үлөөдэг байхат.

Эхин 47:26

Иигэжэ Иосиф газар тухай зарлиг гаргажа, мүнөө хүрэтэр Египедэй зон хуряаһан ургасынгаа табанай нэгые эзэн хаандаа татабари болгон түлэдэг юм. Гансал Египедэй тахилшад үмсэ газараа хаанда үгөөгүй, өөһэдтөө үлөөнхэй.

Нэхэмьяа 10:37

Манай Бурханай гэрэй хадагаламжада, санаартадта, хилээмэнэй, алим жэмэсүүдэй, үзэмэй дараһан архиин, ургамалай тоһоной дээжэнүүдые бидэ үргэжэ байхабди, харин ургасын арбанай нэгэ хубиие – левидүүдтэ (тэдэ левидүүд газар элдүүрилдэг манай бүхы хотонууд бүриһөө арбанайнь нэгые суглуулна).

Нэхэмьяа 10:38

Арбанай нэгэ хуби суглуулдаг левидүүдтэй хамта Аһарооной үри санаартан байха ёһотой, левидүүд манай Бурханай гэр руу, хадагаламжын таһалганууд руу, бүхыдөө суглуулһанай арбанайнь нэгэ хубиие оруулха.

Малаахи 3:10

«Минии үргөөдэ зөөриингөө арбанай нэгэ хубиие асаржа ерэгты. Тиигэжэ Намайе туршагты. Би таанадай түлөө тэнгэриин сонхо нээжэ, эбигээл үршөөл халитар хүртөөхэб» гэжэ Түмэн Сэрэгтэ Эзэн айладажа байна.

Тоололго 15:20

Таряагаа суглуулан хуряажа, тэрэнээ тээрмэдэжэ гурил болгоод, хилээмэ баряад, шэнэ ургасын дээжые Эзэндэ үргэгты. Энэтнай таряалангайтнай дээжэһээ үргэл болоно.

Тоололго 18:21

Арад зон бүхы олзынгоо арбанай нэгэ хубиие Намда үгэхэ. Тэрэ үгэгшэ хубииень майхан һүмын албанда ажаллаһанайнь түлөө Би Левиин үри бэенэртэ үгэнэб.

Тоололго 18:31

Таанад, гэр бүлынхидтнай үлөөшыень хаанашье эдихэдэтнай болохо. Энэ хадаа майхан һүмын албанда таанадай хэһэн ажалай түлбэри гээшэ.

Хуули дабталга 12:17

Бурханда үргэхэ үргэлөө – орооһо таряанайнгаа, үзэмэй дараһан архиингаа, мүн оливын тоһонойнгоо Бурханда үргэгдэхэ арбанай нэгэ хубиие, томо болон жэжэ малайнгаа түрүүшын түл, шахаа тангаригаартнай хараалагдаһан үргэл, өөһэдын һайн дуранай үргэл, хубиин үргэл ажаһуудаг газартаа бү эдигты.

Хуули дабталга 12:6

Түгэс шатаалта үргэлөө, үргэлөө, ургасынгаа болон малай арбанай нэгэ хубиие, өөһэдынгөө хубиин үргэл, шахаа тангаригаартнай хараалагдаһан үргэл, өөһэдын һайн дуранай үргэл, томо болон жэжэ малай түрүүшын түл тиишээ асарагты.