Хуули дабталга 12:27 - Библи

²⁷ Тэндэ Эзэн Бурханайнгаа үргэлэй шэрээ дээрэ түгэс шатаалта үргэлэй мяха болон шуһые шатаан үргөөрэй; харин амгалан байдалай түлөө үргэлэй шуһа Эзэн Бурханайнгаа үргэлэй шэрээ дээрэ адхаад, мяхыень эдеэрэй.

Хуули дабталга 12:27 ပူးပေါင်းရင်းမြစ်များ

Ерэмияа 7:21

Израилиин Бурхан, Түмэн Сэрэгтэ Эзэн иигэжэ айладана: Израилиин арад түмэн, таанад түгэс шатаалта үргэл хэдэгта, тиихэдэ үшөө үлэһыень өөһэдөө эдихэдэ хамаагүй үргэл гэдэг байнат. Бултыеньшье эдиит!

Левит 1:13

Гэдэһэ доторыень, тагалсагуудыень уһаар угааха хэрэгтэй. Санаартан үргэлэй шэрээ дээрэ бултыень дэлгээгээд, шатааг. Энэ хадаа түгэс шатаалта үргэл гээшэ. Эзэндэ таатай һайхан үргэл, хуншуу үнэр гээшэ.

Левит 1:5

Тиигээд тэрэ Эзэнэй урда тус бухын амиинь таһалаг, санаарта Аһарооной хүбүүд шуһыень абаад, майхан һүмын үүдэндэ байһан үргэлэй шэрээгэй зүг бүхэниие сабдан сүршэхэ ёһотой.

Левит 1:9

Тагалсагуудыень, гэдэһэ доторыень уһаар угааха хэрэгтэй. Тиигээд санаартан эдэ бүгэдые үргэлэй шэрээ дээрэ шатаан үргэг. Энэ хадаа түгэс шатаалта үргэл гээшэ. Эзэндэ таатай һайхан үргэл, хуншуу үнэр гээшэ.

Левит 17:11

Юундэб гэхэдэ, амитанай ами наһан шуһан соонь юм. Тэдэнэй шуһаар үргэл хэхыетнай Би танда захинаб, юундэб гэхэдэ, тэрэ шуһан танай нүгэл сагааруулгын үргэлэй түлбэри болоно гээшэ. Тэрэ шуһан танай нүгэл арюудхана.

Левит 3:1

Хэрбээ амгалан байдалай түлөө үргэл үргэхөө һанабал, эрэ гү, али эмэ эбэртэ бодо малһаа зэмдэг дутагдалгүйень шэлээд, Эзэнэй урда асараад,

Левит 4:30

Тиигээд санаарта түгэс шатаалта үргэлэй шэрээгэй эбэрнүүдтэнь шуһыень хургаараа сүршөөд, бэшэ шуһыень үргэлэй шэрээгэй хаяа руунь адхаг.