Хуули дабталга 12:25 - Библи

²⁵ Эзэнэй захирһаар бүхы юумэ хээд байбалшни, шамда ба һүүлдэнь шинии уг удамда һайн байха. Шуһа бү эдеэрэй.

Хуули дабталга 12:25 ပူးပေါင်းရင်းမြစ်များ

3 Хаан түрэнүүд 11:38

Минии захин заабарилһан бүхы юумэ сахижа, Минии хойноһоо дахан ябажа, Давид богоолдом адляар Намда таатай хэрэг үйлэдэн, хуули ёһонуудыем, һургаалнуудыем сахин байгаа һааш, Би шамтай байхаб, Давидай түлөө хэһэндэл адляар Израилиин хаан түрэ шамда, үринэртэш хододоо үгэн байхаб.

Псалманууд 112:2

Энэ сагһаа эхилээд, хэтэ мүнхэдөө Эзэнэй нэрэ үреэгдэхэ болтогой!

Египедһээ гаралга 15:26

Эзэн айладхаба: – Танай Бурхан болохо Эзэнэй үгэ дуулажа, Тэрээндэ таатай юумэ үйлэдэжэ, хэлэһэн зарлигынь соносожо, буулгаһан хуулииень тогтоожо байбалтнай, египет угсаатанда хүргэһэн үбшэн тахал таанадта хэзээдэшье хүргэхэгүйб. Би эмшэлэгшэ Эзэн гээшэб!

Экклезиаст 2:26

Нюдэндөө һайшаагдаһан хүндэ Тэрэ мэргэн ухаа, мэдэлгэ, баяр жаргал үгэдэг. Тиихэдээ Өөрынгөө урда гэмгүй нэгэндэ үгэхын тулада суглуулха, нөөсэлхэ ажалые нүгэлтэй хүнөөр хүүлэдэг байна. Энэньшье дэмы хүлгөөн, һалхи намнаһантай адли.

Экклезиаст 8:12

Нүгэлтэ зуу дахин нүгэл үйлэдөөшье һаа, ута наһа наһалдаг ушар байдаг, гэбэшье Бурханһаа түбэгшөөн, Тэрээндэ һүгэдэгшэнь юунһээшье үлүү гэжэ мэдэнэм.

Исай 3:10

Зүб шударга ябадалтай зон үйлэдэһэн хэрэгэйнгээ буян эдлэхэ, энэ болбол ехэ зүб гээд дэмжыт.

Эзэкээл 33:25

Эзэкээл, тэдээндэ Минии, Эзэн Бурханай, иимэ айладхал дуулга: таанад мяха шуһатайнь хамта эдинэт, онгонуудта мүргэнэт, алалсаа, хүсэрхэлгэ үйлэдэнэт. Иимэ байхадатнай, газар яагаад танай байха юм?!

Хуули дабталга 12:24

Шуһа бү эди, уһан мэтээр тэрэниие газарта адха.

Хуули дабталга 12:28

Минии захин хэлэһэн үгэнүүдые дуулажа, сахин дүүргэгты. Эзэн Бурхандаа аятай, һайн юумэ хэжэ байбалтнай, таанадта, мүн үри һадаһандатнай хэтын хэтэдэ һайн байхал.

Хуули дабталга 13:18

Эзэн Бурханайнгаа үгыень дуулажа, минии мүнөө дамжуулжа байһан Тэрэнэй захяа заабаринуудые сахин, Эзэн Бурхандатнай таатай, һайн юумэ хэжэ байбалтнай, эдэ бүгэдэ гүйсэд бүтэхэ.

Хуули дабталга 21:9

Иигэжэ таанад гэм зэмэгүй хүнэй шуһа урдахуулһанһаа гэмээ арюудхахат. Энэ болбол Эзэндэ таатай.

Хуули дабталга 4:40

Таанадта, үхи хүүгэдтэтнай танай һүүлээр һайн байхын тула, Эзэнэй хэтэ мүнхэдөө үгэжэ байгааша газарта удаан сагта таанадай ажаһуухын тула минии мүнөөдэр энэ дамжуулан хэлэһэн Тэрэнэй хуули ёһо, захяа заабариие сахин дүүргэн ябагты.

Хуули дабталга 5:16

Эзэн Бурханайнгаа үршөөһэн газарта үлзытэй һайн, ута наһатай һуухын тулада Эзэн Бурханайшни шамда захиһан ёһоор эхэ, эсэгэеэ хүндэлжэ ябаарай.

Хуули дабталга 5:33

Амиды мэндэ ябахын тула, эзэлхэ газартаа удаан сагта ажаһуужа, та бүгэдэндэ һайн байхын тула Эзэн Бурханайнгаа захирһан юумэ сахин дүүргэгты.

Хуули дабталга 6:18

Үнэн зүб, һайн хэрэгүүдые, Эзэнэй һанаанда таарама юумэ хэжэ байгты. Тиигэбэл, таанадта һайн байха, үбгэ эсэгэнэртэтнай Эзэнэй тангариглаһан тэрэ үрэжэлтэ һайхан газар нютагта ошожо, эзэмдэн ажаһуухат.