Хуули дабталга 12:18 - Библи

¹⁸ Эдэ бүгэдые Эзэн Бурханайнгаа урда, Тэрэнэй шэлэһэн газарта эдеэрэйт. Таанад хүбүүд, басагадтаяа, бүхы зарасанартаяа, хото соотнай байдаг левидүүдтэй хамта эдэниие эдижэ, Эзэн Бурханайнгаа урда хүхилдэн, хэһэн ажалаараа сэдьхэлээ ханан байгты.

Хуули дабталга 12:18 ပူးပေါင်းရင်းမြစ်များ

Псалманууд 32:11

Эзэнэй шиидхэбэри хэтэ мүнхэдөө хубилхагүй, тогтоолынь үеын үедэ байхал.

Псалманууд 68:3

Би гүнзэгы намагта шабагдааб, хүлөө табиха газар үгы. Гүнзэгы уһанда орооб, түргэн урасхалда абтааб.

Һургаал 3:17

Сэсэн мэргэнэй харгынууд – баяр баясхаланай ба энхэ тайбанай харгынууд юм.

Экклезиаст 3:12

Хүнэй хубида һайниие үйлэдэхэ ба баярлан бахаа ханахаһаа үлүү юумэн үгы гэжэ мэдээб.

Экклезиаст 5:18

Бурханһаа эд хогшол ба зөөри баялиг абаһан хүн бүхэндэ тэрэнээ эдлэхэ, хэрэглэхэ эрхэ олгожо, мүн өөрын ажалһаа баярлаха хуби хүртөөхэ гээшэ Бурханай бэлэг болоно.

Исай 12:3

Абаралай булагһаа баяртайгаар уһа удхан байхат!

Хэрэгүүд 16:34

Тэрэ харуулшан Павел Сила хоёрые гэртээ асаржа, урдань хоол табиба. Бурханда һүзэглэһэндөө бүхы гэр бүлөөрөө баяртай байбад.

Хэрэгүүд 2:46

Тэдэнэр үдэр бүри һанал нэгэдэн Һүмэдэ сугларжа, гэр бүхэндэ хамта хоол баридаг, баяр баясхалангаар дүүрэн, сэдьхэл тэнюун хоолоо барижа,

Коринфынхидтэ 1-дэхи 10:31

Тиихэдээ эдинэ гүт, али ууна гүт, али ямаршьеб даа ондоо юумэ хэнэ гүт, бүхы юумые Бурханай алдарай түлөө хэжэ байгты.

Галадуудта 5:22

Арюун Һүлдын үрэ дүн болбол иимэ: хайра дуран, баяр, энхэ тайбан, тэсэбэри, һайн һанаан, ниигүүлэсхы сэдьхэл, үнэн сэхэ ябадал,

Хуули дабталга 12:14

Харин танай али нэгэн обогуудай эзэлдэг дайдын нэгэ газар Эзэнэй заахада, тэндэ түгэс шатаалта үргэл хэгты, мүн минии хэлэһэн юумые бултыень дүүргэгты.

Хуули дабталга 12:19

Ойлгогты, өөрынгөө газар дайда дээрэ байгаа бүхы үе сагтаа левидүүдтэй бүхы юумээрээ хубаалдажа байгты.

Хуули дабталга 12:5

Эзэн Бурхантнай бүхы обогуудайтнай газар дайдада Өөрынгөө һуури шэлэн тодорхойлжо, тэндэ Өөрынгөө нэрэ баталха. Мүргэхэеэ таанад гансал тиишээ ерэхэ ёһотойт.

Хуули дабталга 12:7

Тэндэ Эзэн Бурханайнгаа урда гэр хотоноороо эдеэ хоол баригты. Ямар ажал хэһэнээ, ямар үрэ дүн туйлаһанаа баяртайгаар мэдээсэн, Эзэн Бурхантнай таанадта эдэ бүгэдые үршөөгөө гээд һанан дурсан байхат.

Хуули дабталга 14:23

Тиигээд Эзэн Бурханайнгаа нангин үргөөдэ ошожо, Тэрэнэй урда таряанайнгаа, үзэмэй дараһан архиингаа, оливын тоһоной арбанай нэгэ хубииень, мал һүрэгэйнгөө түрүүшын түл эдеэрэй. Иигэжэ ши Эзэн Бурханаа хододоо хүндэлжэ, түбэгшөөжэ һурахаш.

Хуули дабталга 15:20

Эзэн Бурханайнгаа урда, нангин үргөөдэ жэл бүри гэр бүлөөрөө тэрэниие эдеэрэй.

1 Хаан түрэнүүд 1:4

Элканаа үргэл хэһэн үдэртөө Пэниннаа һамгандаа, хүбүүд, басагадтаа үргэлһөө хубинуудые хүртөөдэг һэн.