Хуули дабталга 10:21 - Библи

²¹ Тэрэ – танай алдар соло, Тэрэ – танай Бурхан. Танай түлөө агууехэ, һүрдэмөөр хэрэгүүдые хэһыень өөһэдынгөө нюдөөр хараа ха юмта.

Хуули дабталга 10:21 ပူးပေါင်းရင်းမြစ်များ

2 Хаан түрэнүүд 7:23

Танай арад түмэн Израильдал адли үшөө ямар үндэһэтэн газар дээрэ байнаб? Та, Бурхан, Израилиие абаржа, Өөрын арад түмэн болгоод, Өөрынгөө нэрэ алдаршуулаа бэлэйт. Египедһээ гаргажа, ондоо арадуудһаа болон тэдэнэй бурхадһаа сүлөөлэн, арад түмэнэйнгөө түлөө Та агууехэ, һүрдэмөөр үйлэ хэрэгүүдые хээ бэлэйт.

Псалманууд 109:1

[Давидай магтаал дуун.] «Бузар дайсадыеш хүл дорош дэбһүүлэн табитарни баруун гар таладам һуугаарай», – гэжэ Эзэн минии Эзэндэ хэлээ.

Псалманууд 145:6

Тэрэ огторгой, газар, далай бүтээгээд, досоонь байгааша бүхы юумэ байгуулаа. Тэрэ үнэн сэхэеэ хэтэ мүнхэдөө сахин,

Псалманууд 148:14

Тэрэ Өөрын арадай эбэрые дээгүүр үргөө. Энэнь Тэрэнэй бүхы үнэн сэхэ зоной, Тэрээндэ ойро болохо Израилиин арад түмэнэй түлөө магтаал бэлэй. Эзэниие магтагты!

Псалманууд 22:3

Тэрэ минии урма зоригые бадараадаг. Тэрэ найдуулһанайнгаа ёһоор, зүб замаар намайе хүтэлдэг.

Египедһээ гаралга 15:2

Хүсэн түгэлдэр Эзэн минии Бурхан, Алдар соломни, абарални бологшо Ашата Бурхамни! Элинсэгэйм, эсэгым Бурхан болоо. Эгүүридэ Тэрэнэй соло дуудахалби!

Египедһээ гаралга 34:10

Эзэн харюу үгэбэ: – Би тантай хэлсээ баталнам. Угсаата арадайш хараһаар байтар ямаршье газарта, ямаршье арадта үзэгдөөгүй гайхамшаг үзэгдэлнүүдые харуулхам! Шамайе тойроһон зон Минии, Эзэнэй, шинии түлөө хэдэг үйлэ хэрэгүүдые хаража, һүрдэн байг лэ!

Исай 60:19

Энээнһээ хойшо үдэртөө наранай гэрэл, һүниндөө һарын туяа шамда хэрэгтэй бэшэ болохо, Би, Эзэн, шинии хэтэ мүнхын гэрэл туяа болохоб, Минии алдар солын гэрэл таанадые гэрэлтүүлхэ.

Исай 64:3

Манай хүлеэгөөгүй үйлэ хэрэгүүдые Та хэзээ нэгэтэ хээ бэлэйт. Уруудан буухадатнай, хада ууланууд энээниие хаража, айн шэшэрээ һэн.

Ерэмияа 17:14

Оо, Эзэн, намайе аргалыт, тиихэдэтнай би эдэгэхэб; намайе абарыт, тиихэдэтнай би абарагдахаб. Та – минии магтаал гээшэт!

Лука 2:32

Тэрэтнай бүхы угсаатаниие гэгээрүүлхэ гэрэл болохол, Израилиинтнай арадта алдар соло асархал.

Нүүнэй Иисүүс 24:18

Эзэн манһаа бүхы арадуудые ба энэ газарта байһан эмооршуудые үлдөө. Тиимэһээ бидэ Эзэндэ алба хэхэбди, юундэб гэхэдэ, Тэрэ – манай Бурхан мүн.

Гэршэлгэ 21:23

Хотын һаруул гэрэлтэй байхын тула нара, һарашье хэрэггүй байгаа, юундэб гэбэл, Бурханай алдар солонь хотые гэрэлтүүлээ. Хурьган Тэрэнэй дэнгынь мүн.

1 Хаан түрэнүүд 12:24

Гансал Эзэнһээ айжа, Тэрээндэ бүхы зүрхэ сэдьхэлээрээ, үнэн сэхээр алба хэгты. Эзэн таанарта ямар агууехэ юумэ хээ гээшэб, һанан байгты!