Хуули дабталга 1:32 - Библи

^32-33 Таанадай урда Тэрэ ябажа, бууса табиха газарыетнай бэдэрээ. Харгыетнай гэрэлтүүлжэ, һүниндөө гал дүлэн соо, үдэртөө үүлэн соо урдатнай ябажа байһан Эзэн Бурхандаа таанад минии хэлэһэнэйшье удаа этигээгүй байнат.

Хуули дабталга 1:32 ပူးပေါင်းရင်းမြစ်များ

2 Угай бэшэг 20:20

Нүгөө үглөө тэдэ эртэ бодожо, Тэкооһа гэдэг зэлүүд хооһон газар руу зорибо. Зорихын урда тээ Ёшапаат хаан зогсожо, иигэжэ бултанда хэлэбэ: – Иудын болон Иерусалимай улад зон, намайе шагныта! Эзэн Бурхандаа үнэнхэ зүрхэнһөө этигэн байгты! Тэрэнэй лүндэншэдтэ этигэгты! Тиигэбэл, амжалта туйлахат.

Псалманууд 106:24

Эзэнэй хэрэгүүдые харана, гүн уһан дундуур үйлэдэгшэ гайхамшагта хэрэгүүдынь үзэнэ.

Исай 7:9

Эпрааимые Самари зонхилно, Самариие – Рэмаалияагай хүбүүн. Танай этигэл бата бэшэ һаа, таанад бата бэхи зогсоногүй гээшэт!

Тоололго 14:11

Эзэн Моисейдэ иигэжэ айладаба: – Хэды болотор энэ арад Намһаа буруу харахаб? Хэды болотор эдэнэр Намда этигэхэгүйб? Эдээндэ оло дахин дүлгэ үзэгдэл боложо Минии харагдаашье һаа, эдэнэр Намда этигэнэгүйл.

Еврейнүүдтэ 3:12

Аха дүүнэрни, амиды Бурханһаа холодохогүйн тула таанад булта нүгэлгүй, этигэлтэй байхые оролдожо байгты.

Еврейнүүдтэ 4:2

Сүл губяар ябаһан зондол тон адли бидэ Һайн Мэдээсэл дуулаабди. Тэдэнэр Бурханай үгые дуулаһаншье һаа, һайн болоогүй. Ушарынь хэлэхэдэ, тэдэ Бурханай үгые шагнажа байхадаа, тэрэ үгыень этигэл һүзэгтэйгээр тогтоожо абаагүй.

Иудын хандалга 1:5

Эзэнэй Өөрынгөө арадые Египедһээ гаргажа абарһан тухайнь, тиигээд Тэрээндэ һүзэглэдэггүй зониие үгы хэһэн тухайнь һанагты.