Хуули дабталга 1:31 - Библи

³¹ Түрэһэн хүбүүгээ гар дээрээ үргөөд ябаһан хүндэл адли Эзэн Бурхантнай элһэн сүл губидашье таанадые үргөөд ябана гэжэ ажаглаа бэлэйт. Бүхы аян замдатнай, энэ газар хүрэтэртнай Тэрэ таанадые абажа ябаа бшуу».

Хуули дабталга 1:31 ပူးပေါင်းရင်းမြစ်များ

Псалманууд 28:9

Эзэнэй дуу хоолойһоо һогоон тугалладаг, ой модон нюсэгэртэрөө хуу татагдадаг. Нангин үргөөнь Өөртэнь соло магтаалаар дүүрэнхэй.

Египедһээ гаралга 19:4

«Египедшүүдтэ хэһэн үйлыем хараба гээшэт. Бүргэдэй дали дээрэ һуулгаһандал шуумар ябуулжа, таанадые Өөртөө асарба гээшэб.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Исай 63:9

Бүхы зоболонһоо Тэрэ тэдэниие абараа. Тэнгэриин Эльгээмэл бэшэ, Өөрөө Эзэн тэдэниие абараа һэн. Өөрын хайраар, үршөөлөөр Тэрэ тэдэниие абараа. Үнгэрһэн сагуудта Тэрэ хододоо тэдэниие үргэн, һанаагаа табин ябаа һэн.

Ерэмияа 31:32

Энэ хэлсээн тэдэнэрэй үбгэ эсэгэнэрые гарһаань хүтэлэн Египедһээ гаргаха гэһэн үдэр тэдэнтэй баталһан хэлсээндэл адли бэшэ байха. Минии тэдээндэ нүхэр байһан байгаашье һаам, тэдэ хэлсээ эбдээ һэн.

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Тоололго 11:14

Ори гансаараа би энэ олиггүй хүндэ арадые даажа ябажа шадахагүйб.

Хэрэгүүд 13:18

дүшэн жэлэй туршада сүл губида тэдэнтэй тэсэбэритэй байгаа.

Хуули дабталга 32:6

Эзэндээ юундэ иигэжэ ханданабта, тэнэг, ухаагүй арад? Тэрэ – танай Эсэгэ, таанадые байгуулаа, үндэһэ яһатан болгоо.

Хуули дабталга 8:5

Хүбүүгээ һургаһан эсэгэдэл адляар Эзэн Бурхантнай таанадые хүмүүжүүлнэ гээд ойлгожо байгты.