Хуули дабталга 1:30 - Библи

³⁰ Эзэн Бурхантнай таанадые хүтэлэн урдатнай ябана. Египедтэ байхада хараһаар байтарнай манда туһалһандал адляар, Тэрэ манай түлөө тэмсэхэ.

Хуули дабталга 1:30 ပူးပေါင်းရင်းမြစ်များ

2 Угай бэшэг 32:8

Тэрэ хүнэй талаар хүсэтэй, харин маанадтай хамта Эзэн Бурхамнай! Тэрэ бидэндэ туһалха, байлдаануудта маанадтай хамта дайлалдаха. Арад зон хаанайнгаа үгэнүүдые шагнаад, шанга зоригтой болобо.

Нэхэмьяа 4:14

Би бултыень хараһанай һүүлээр ноёд һайдта, дарганарта, бусад зондо иигэжэ хэлэбэб: – Бү һүрдэн айгты! Агууехэ, аймшагтай Эзэнээ һанан дурдагты, мүн тиигээд, өөһэдынгөө гэрнүүдэй, өөһэдынгөө һамгадай, өөһэдынгөө хүбүүд, басагадай, өөһэдынгөө аха дүүнэрэй түлөө тэмсэн бодогты!

Нэхэмьяа 4:20

Таанад эбэр бүреэгэй абяа хаанашье дуулахадаа, тэрэ абяан руу гүйжэ, манда суглархат. Манай Бурхан манай түлөө тэмсэлдэ зогсохо!

Египедһээ гаралга 10:21

– Тэнгэри өөдэ гараа дэлгэн дэехэдэш, Египедэй газарта тэмтэржэ ябамаар шэб харанхы болохо, – гэжэ Эзэн Моисейдэ айладаба.

Египедһээ гаралга 14:14

Танай түлөө Эзэн дайлалданал, зүрхөө дарыт.

Египедһээ гаралга 14:25

Дайшалхы тэргэнүүдэйнь мөөрнүүд тэргэһээ мултаран гаража, египет сэрэг тэдэниие арай-шамай шэрэжэ ябабад. «Израиль угсаатанһаа зугадая! – гэжэ египет сэрэгшэд гэмэр-гутар гэлдэбэ. – Эзэн тэдээндэ туһална: Тэрэ Өөрөө Египедтэй дайлалдана ха даа».

Египедһээ гаралга 19:4

«Египедшүүдтэ хэһэн үйлыем хараба гээшэт. Бүргэдэй дали дээрэ һуулгаһандал шуумар ябуулжа, таанадые Өөртөө асарба гээшэб.

Римэйхиндэ 8:31

Эдэ бүхэн тухай бидэ юун гэжэ хэлэхэбибди? Хэрбээ Бурханай манай талада байбал, маанадта эсэргүүсэһэн хүн байха аал?

Римэйхиндэ 8:37

Эдэ бүхы ушарнуудта бидэ маанадта дуратай байһан Христоосой ашаар илалта туйлан гаранабди.

Хуули дабталга 1:29

Би таанадта иигэжэ хэлээ һэм: «Тэдэнһээ бү сошогты, бү айгты.

Хуули дабталга 11:3

Тэрэнэй дүлгэ тэмдэгүүдые, Египедэй фараонтой, бүхы газар оронтойнь хэһэн гайхамшагта үйлэ хэрэгүүдые;

Хуули дабталга 29:2

Моисей Израилиин улад зониие дуудажа, иигэжэ тэдээндэ хэлэбэ: – Египедэй газар нютагта фараондо, тэрэнэй бүхы түшэмэлнүүдтэ, бүхы газар дайдадань Эзэнэй юу хэһыень өөһэдөө нюдөөрөө хараа бэлэйт.

Хуули дабталга 3:22

Тэдэнһээ бү айгты, юуб гэхэдэ, Эзэн Бурхантнай Өөрөө танай түлөө оролдон тэмсэжэ байна».

Хуули дабталга 31:3

Эзэн Бурхантнай урдатнай Өөрөө гол гаталан, таанадые хүтэлэн ябаха. Тэрэ арадуудые таанадай түлөө үгы хэхэ, тиигээд газар, уһыень эзэмдэхэт. Эзэнэй айладаһанай ёһоор, таанадые Иисүүс хүтэлхэ.

Хуули дабталга 34:11

Дүлгэ тэмдэгүүдые, гайхамшагта үзэгдэлнүүдые хэхыень Моисей гэгшые Эзэн Египет руу эльгээгээ. Тэрэ үзэгдэлнүүдые фараон, түшэмэлнүүдынь, Египедэй бүхы улад зон өөр дээрэ үзэһэн, хараһан байна.

Хуули дабталга 4:34

Ошожо, ондоо арад зоной дундаһаа Өөртөө арадые шэлэн абаха гэжэ һэдэһэн үшөө ямар бурхан байгааб? Египедтэ танай хараһаар байтар Эзэн Бурхантнай элдэб хэһээлтэ, дүлгэ тэмдэгүүдые, гайхамшагта үзэгдэлнүүдые харуулан, дайн дажарааршье, бар хүсөөршье, агууехэ шадалааршье, аймшагтай үзэгдэлнүүдээршье эдэ бүгэдые таанадай түлөө хээ ха юм.

Хуули дабталга 7:18

Теэд тэдээнһээ бү айгты! Фараондо, мүн бүхы улад зондонь Эзэн Бурханайтнай юу хэһые һанаад үзыт.

Нүүнэй Иисүүс 10:14

Эзэнэй хүнэй үгэ иигэжэ дуулаһан үдэр урданшье, хожомыньшье байгаагүй. Юундэб гэхэдэ, Эзэн Израилиин түлөө тэмсээ.

Нүүнэй Иисүүс 10:42

Эдэ газарнуудай бүхы хаашуулые, тэдээнэй газарые Иисүүс нэгэл ябадалаар эзэлэн усадхаа; юундэб гэхэдэ, Эзэн, Израилиин Бурхан Израилиин түлөө тэмсээ.

Нүүнэй Иисүүс 23:3

Эзэнэй, танай Бурханай танай урда дайлалдаһан арадуудыетнай таанар хараат, юуб гэхэдэ, Эзэн, танай Бурхан, Өөрөө танай урда дайлалдаа.