Хуули дабталга 1:17 - Библи

¹⁷ Нюур илгаруулжа бү байгты, шадалтай, шадалгүйшье зониие адли анхаран шагнагты. Хэнһээшье бү айгты, юуб гэхэдэ, шүүбэрилхэ гээшэ Бурханай хэрэг. Өөһэдөө шиидхэжэ шадахагүй хэсүү хэрэгээ намда даалгагты, би тэрэниие шиидхэхэб».

Хуули дабталга 1:17 ပူးပေါင်းရင်းမြစ်များ

Эхин 18:25

Би үнэншэхэгүйб – тиимэ байхагүй! Та иимэ юумэ хэхэгүйт! Зүб шударга зониие дорой ябадалтай золигуудтай хамта хосороохогүйт. Зүб шударга хүнүүд муу муухай хэрэг үүсхэгшэдтэй хамта хэһээлтэдэ хүртэхэ ёһогүй. Тиимэ байхагүй! Хамаг дэлхэйн Үйлэ шиидхэгшэ алдуута шиидхэбэри гаргаха ёһогүйл! – гэбэ.

2 Хаан түрэнүүд 14:14

Бидэ бултадаа наһа барахабди, газарта адхагдаад, дахин суглуулжа шадахаар бэшэ уһан мэтэ болохобди. Буйсадуулһан хүниие гэртэнь бусааха арга зам ологшые Бурхан хэһээхэгүйл.

2 Угай бэшэг 19:5

Иудын хэрэм ханануудтай бүхы хотонуудаар шүүбэрилэгшэдые табижа,

2 Угай бэшэг 19:6

тэдээндэ иигэжэ хэлээ һэн: – Юу хэжэ байһанаа мэдэржэ байгты. Таанад зоной бэшэ, Эзэнэй зарга шүүбэри хэжэ байна гээшэт. Эзэн таанадай хэрэгтэтнай оролсоно.

Иоов 31:34

Зоной муу хэлэ аманһаа зайлажа, угсаатанайнгаа зоной зэбүүрхэлһээ айжа гэртээ хороогүйб.

Псалманууд 82:2

Бурхан! Дуугүй бү байгыт! Абяагүй бү байгыт, бү бэеэ хуряагаад байгыта!

Египедһээ гаралга 18:18

Ши өөрөө зобонош, зоншье зобоно. Шамда хүндэ, гансаараа диилэхэгүйш.

Египедһээ гаралга 18:22

Тэдэ зоной зарга хэрэгүүдые шиидхэжэ, хододоо улад зонтой байха. Шухала хэрэгүүдые шамда дамжуулдаг байна ааб даа. Харин шухала бэшэ, жэжэ хэрэгүүдые өөһэдөө шиидхэнэ бэзэ. Тиигэжэ шинии ашаан нэгэ бага хүнгэн болохо, тэрэниие шамтай хамта тэдэ хубаалсаха.

Египедһээ гаралга 18:26

Тэдэ хододоо зонтой хамта байжа, зоной зарга шиидхэдэг болобо. Жэжэ хэрэгүүдые өөһэдөө хаража үзэдэг, шухалыень Моисейдэ дамжуулдаг гуримтай болобо.

Һургаал 18:5

Нүгэлтэнэй тала бариха гээшэ хэрэг шүүлгэ дээрэ гэмгүй хүниие хардаһантай адли муухай хэрэг.

Һургаал 24:23

Сэсэшүүл иигэжэ хэлэдэг. Хэрэг шүүлгэдэ али нэгэнэй тала бариха гээшэ һайн хэрэг бэшэ.

Һургаал 28:21

Нэгэнэй тала бариха гээшэ һайтай бэшэ хэрэг: тиимэ хүн зүһэм хилээмэнэй түлөө нүгэл үйлэдэдэг.

Һургаал 29:25

Хүнһөө айха гээшэ занга юм. Харин Эзэндэ этигэдэг хүн аюулда орохогүй.

Ерэмияа 1:17

Ши одоо бэеэ зэһээд, Минии захирһан бүхы юумэ тэдээндэ ошожо дуулга. Тэдээнһээ бү ай, үгы һааш, Би шамайе тэдэнэй урда бүри ехээр айлгахаб!

Левит 19:15

Зарга шүүбэридэ ороходоо, худалаар бү хэлэгты. Үгытэй хүнэй нюур бү сахигты. Ехэ хүндэ бү һүгэдэгты. Хажуудахи хүнэйнгөө үйлэ хэрэг үнэн сэхээр шүүбэрилэгты.

Малаахи 2:9

– Тиигэжэ таанад Минии зам сахинагүйт, харин заабари элдэбээр тайлбарилан гуйбуулжа байнат. Тэрээнэйтнай түлөө Би таанадые арад түмэнэй урда хүндэгүй болгожо, баһамжалуулхаб.

Матвей 22:16

Фарисейнүүд өөрынгөө шабинарые Иродэй талынхидтай хамта Иисүүстэ эльгээжэ: – Багша аа! Та үнэн сэхые хэлэдэгта, Бурханай бодото замаар ябахые һургадагта, хэнэйшье урда билдагуушалдаггүйт, юуб гэбэл, нюур харадаггүйт гэжэ бидэ мэдэнэбди.

Марк 12:14

Тэдэнь Иисүүстэ ерээд: – Багша аа! Та үнэн сэхэт, Бурханай бодото замаар ябахые һургадагта, хэнэйшье урда билдагуушалдаггүйт, юуб гэбэл, нюур харадаггүйт гэжэ бидэ мэдэнэбди. Тиимэһээ манда хэлыт, Римэй хаанда алба татабари түлэхэнь зүб гү, али буруу гү? – гэжэ асууба.

Лука 20:21

Тэдэнь билдагуушалан: – Багша аа! Та бодото үнэниие хэлэдэгта, нюур харадаггүйт, Бурханай бодото замаар ябахые һургадагта гэжэ бидэ мэдэнэбди.

Римэйхиндэ 2:11

Бурхан яһа илгадаггүй!

Эфесэйхиндэ 6:9

Эзэд, таанад барлагуудтаа баһал тиигэжэ хандагты, хэрзэгы хатуу ааша бү гаргагты. Таанад өөһэдөө тэдэнтэй хамта тэнгэридэ хүн бүхэндэ адляар хандадаг нэгэ Эзэнтэй байһанаа мэдэнэ ха юмта.

Хуули дабталга 10:17

Юуб гэхэдэ, Эзэн Бурхантнай бурхадай ехэ Бурхан, эзэдэй ехэ Эзэн, Тэрэ агууехэ, асари хүсэтэй, һүрөөтэй Бурхан. Тэрэ нюур илгажа байдаггүй, эдилгэ абадаггүй,

Хуули дабталга 16:19

Тэдэ хуули гурим хазагайруулха, нюур илгажа байха ёһогүй. Эдилгэ бү аба, юуб гэхэдэ, эдилгэ хадаа сэсэн хүниие һохор болгодог, үнэн шударга хүниие худалша болгодог.

Хуули дабталга 24:17

Ерүүл хүниие, үншэн хэнзые гажа буруу бү шүүбэрилэ. Зээлеэр абаһан юумэнэйнь түлөө барюулга болгон бэлбэһэн эхэнэрэй хубсаһа бү аба.

Хуули дабталга 25:1

Хоёр хүнэй хоорондо зарга хэрэгэй гараа гээшэ һаань, хоюулаа сүүдтэ ошог. Тэндэ хэрэгыень шүүбэрилэн хаража, хэниинь зүб, хэниинь бурууб гэжэ шиидхэхэ.

Колоссынхидтэ 3:25

Гэмтэ юумэ хэһэн хүн бүхэн өөрынгөө буруугай зэргээр лэ абаха. Бурхан хүн бүхэниие нэрэ түрөөрнь бэшэ, харин үйлэ хэрэгүүдээрнь лэ шиидхэдэг юм.

Фессалоникиинхидтэ 1-дэхи 2:4

Бурхан бидэниие туршаад, Һайн Мэдээсэл номнохыемнай даалгаа. Тиимэһээ номноходоо, бидэ хүнүүдтэ һайшаагдаха гэжэ оролдодоггүйбди, харин бидэнэй һанал бодолые туршажа байдаг Бурханда һайшаагдаха гэжэ оролдодогбди.

Яковай хандалга 2:9

Харин хүнүүдые нюураарнь, гадаада шэнжээрнь илгадаг байбал, таанад нүгэл абанат, тиигээд Хуулида заагдаһан ёһоор хуули эбдэгшэд болонот.

Пётрой 1-дэхи хандалга 1:17

Нюур харангүй, бүхы хүнүүдые хэһэн хэрэгүүдэйнь хэмжээгээр шүүбэрилдэг Бурханиие таанад Эсэгэмнай гэжэ нэрлэнэт, тиимэһээ эндэ, энэ дэлхэйдэ байха үдэрнүүдээ Тэрээндэ һүгэдэн үнгэргыт даа.

1 Хаан түрэнүүд 16:7

Теэд Эзэн Самуилда айладхан: – Тэрэнэй түхэл маяг болон нюргаар үндэрыень бү хара. Би тэрэниие тоохогүйб. Юуб гэхэдэ, Эзэн хүндэл адляар харадаггүй. Хүн нюурыень лэ харадаг, Эзэн зүрхэ сэдьхэлыень харадаг гээшэ, – гэбэ.

1 Хаан түрэнүүд 2:25

Хэрбээ нэгэ хүнэй нүгөөдэ хүндэ нүгэл хээ һаань, тэрэнэй түлөө Бурханда зальбардаг. Харин хүнэй Эзэнэй урдаһаа нүгэл хээ һаань, хэн тэрэнэй түлөө зууршалан зальбарха бэ? Теэд тэдэнэр эсэгынгээ үгэ дуулабагүй, юуб гэхэдэ, Эзэн тэдэниие усадхаха гэжэ түсэблөөд байгаа.