Хэрэгүүд 7:56 - Библи

⁵⁶ – Харагты! Огторгой нээгдэбэ. Бурханай баруун талада Хүн түрэлхитэнэй Хүбүүнэй зогсожо байхые би мүнөө харанаб! – гэжэ Стефан хэлэбэ.

Шэнэ Хэлсээн

⁵⁶ – Харагты! Огторгой нээгдэбэ. Бурханай баруун талада Хүн түрэлхитэнэй Хүбүүнэй зогсожо байхые би мүнөө харанаб! – гэжэ Стефан хэлэбэ.

Хэрэгүүд 7:56 ပူးပေါင်းရင်းမြစ်များ

Эзэкээл 1:1

Гушадахи жэлэй дүрбэдэхи һарын табанай үдэр би, Эзэкээл санаартан, Бүүзэй хүбүүн, сүлэгдэһэн еврейнүүдтэй хамта Вавилоон орон нютагта Хэбаар голой хажуугаар ажаһуужа байгаа бэлэйб. Гэнтэ огторгой онгойн нээгдэжэ, би Бурханай үзэгдэлнүүдые харабаб.

Матвей 25:31

– Хүн түрэлхитэнэй Хүбүүн алдар солотойгоор бүхы Эльгээмэлнүүдтэйгээ хамта ерэхэдээ, Өөрынгөө алдарта шэрээдэ һууха.

Матвей 3:16

Уһаар арюудхууламсаараа Иисүүс уһанһаа гараба. Тиихэдэнь Тэрээндэ огторгой сэлигдэн нээгдэбэ, гулабхаагай дүрсэтэйгөөр Бурханай Һүлдын дээрэнь буухые Тэрэ хараба.

Матвей 8:20

Тиихэдэнь Иисүүс тэрээндэ: – Араата үнэгэн орохо нүхэтэй, тэнгэриин шубуун хонохо уургайтай юм, харин Хүн түрэлхитэнэй Хүбүүн толгойгоо табижа амарха газаргүйл, – гэжэ хэлэбэ.

Марк 1:10

Уһанһаа гарахатайгаа сасуу Иисүүс огторгойн нээгдэхые, Арюун Һүлдын гулабхаагай дүрсэтэйгөөр дээрэнь буухые хараба.

Лука 3:21

Бүхы арад зоной уһаар арюудхуулжа байхада, мүн Иисүүсшье уһаар арюудхуулба. Тэрэнэй Бурханда зальбархада, огторгой нээгдэжэ,

Иоанн 1:51

Тиин үргэлжэлүүлэн: – Тэнгэриин яажа нээгдэхые, Хүн түрэлхитэнэй Хүбүүндэ Бурханай Эльгээмэлнүүдэй буухые, тэндэһээ дээшээ тэнгэри өөдэ дэгдэжэ байхые харахат гээд таанарта үнэниие хэлэнэб.

Хэрэгүүд 10:11

огторгой нээгдэжэ, тэндэһээ дүрбэн үзүүрһээнь баряад газарта буулгагдажа байһан бүд хараба.

Хэрэгүүд 10:16

Энэнь гурба дахин дабтагдаба, тиигээд бүдэнь огторгой өөдэ татагдан абтаба.

Хэрэгүүд 7:57

Оог хашхараа табин, шэхэеэ бүтүүлжэ, тэдэ булта Стефанда добтолбо,

Гэршэлгэ 11:19

Тэнгэри дээрэхи Һүмэ тайлдан нээгдэжэ, Тэрэнэй Хэлсээнэй ханзынь Һүмэ дотор харагдаба. Тиин гал ехэ сахилгаан сахилба, оог шууяан болобо, тэнгэриин дуун нэрьебэ, газар хүдэлбэ, мүндэр ехээр оробо.

Гэршэлгэ 19:11

Тиин сэлеэтэй байһан тэнгэри харабаб – тэндэ сагаан мори унаһан хүн байба. Мори унаашань Үнэн зүб, Сэхэ шударгы гэжэ нэрэтэй. Тэрэ һуугаашань зарга шүүбэриие, дайн сэрэгые үнэн зүбөөр хэгшэ юм.

Гэршэлгэ 4:1

Тэрэнэй удаа би тэнгэри өөдэ шэртэхэдээ, тэнгэриин үүдэнэй онгорхой байхые обёорбоб. Тиин бүреэгэй дуугарһандал адли абяа дуулабаб. Түрүүн хандаһан абяан намда иигэжэ хэлэбэ: – Өөдөө гара. Тиигээд юунэй болохые шамда хөөрэхэб.