Хэрэгүүд 5:39 - Библи

³⁹ Хэрбээ энэ зорилго, үйлэ хэрэгынь Бурханһаа байбал, таанад эдэ хүнүүдые зогсоожо шадахагүйт, харин Бурханай урдаһаа эсэргүүсэн тэмсэгшэд болохот! Зүблэлэй гэшүүд тэрэнэй үгэ дуулаба.

Шэнэ Хэлсээн

³⁹ Хэрбээ энэ зорилго, үйлэ хэрэгынь Бурханһаа байбал, таанад эдэ хүнүүдые зогсоожо шадахагүйт, харин Бурханай урдаһаа эсэргүүсэн тэмсэгшэд болохот! Зүблэлэй гэшүүд тэрэнэй үгые дуулаба.

Хэрэгүүд 5:39 ပူးပေါင်းရင်းမြစ်များ

Эхин 24:50

Рэбээккаагай эсэгэ Бэтүһээл, Лаваан ахань иигэжэ харюусабад: – Энэ Эзэнэй үршөөгшэ хэрэг һэн тула бидэ юу хэлэхэбибди.

2 Хаан түрэнүүд 5:2

Урид Саулай манай хааншье байха үедэ та Израилиин арад зониие байлдаануудта ударидажа, сэрэг хододоо илалта туйлаад бусадаг байгаа. Тиигээд Өөрынь арад түмэн болохо Израилиие танай ударидаха, удамаршан болохо тухай Эзэн танда найдуулан айладхаһан бэлэйл.

4 Хаан түрэнүүд 19:22

Хэниие доромжолон-наадалан байһанаа мэдэнэ гүш? Хэн руу шангаар бадашажа, хэн руу бардамлан харанабши?! Намайе, Израилиин арюун Бурханиие, дайран доромжолоош.

Иоов 34:29

Тэрэнэй харюу үгөөгүй байхада хэн буруушааха юм? Бидэнһээ нюураа нюун байхадань, хэн Тэрэниие хараха юм? Арад үндэһэтэндэшье, хүндэшье адли,

Һургаал 21:30

Эзэнэй һанаагүйдэ мэргэн сэсэн, оюун ухаан, хүнэй түсэб түлэблэл юуншье бэшэ.

Исай 43:13

Би болбол Бурхан гээшэб, хэзээдэшье Бурхан зандаа байхаб. Хэншье Намһаа зугадажа шадахагүй, хэншье Минии үйлэ хэрэгүүдые болюулжа шадахагүй».

Исай 45:9

Бүтээгшэтэеэ маргалдагша шабар һаба бии юм аал? Тэрэ һаба бусад һабануудтал адлил! Шабарынь вааршанһаа юу хэжэ байһан тухайнь асууха гү?! Бүтээгшэ дүрэгүй гэжэ шабар амһарта гомдол барижа байдаг гү?!

Исай 46:10

Юун болохыень Би эгээл эхиндэ уридшалан айладхаа бэлэйб. Болоодүй байгаа юумые үни эртэнһээ мэдүүлээб. Минии түсэбүүд заабол бэелүүлэгдэдэг, хэхэеэ һанаһан хэрэгээ Би заатагүй хэдэгби.

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Лука 21:15

Юу хэлэхые мэдэхэ ухаа Би таанадта үршөөхэб. Танай хэлэһэн юумые нэгэшье дайсантнай буруушаажа гү, али һөөргэдэжэ шадахагүй.

Хэрэгүүд 11:17

Эзэн Иисүүс Христоосто этигэхэдэмнай бидэндэ үгтэһэн буян хэшэгтэл тон адли буян хэшэгые Бурхан тэдэндэ хайрлаа. Тиихэдэ Бурханда һаалта хэхэ би хэн гээшэбиб?

Хэрэгүүд 23:9

Шанга хүхирэлдөөн боложо, фарисейнүүдэй дундаһаа хэдэн Хуули заадаг багшанар бодоод: – Энэ хүниие гэмнэхээр нэгэшье юумэ олоногүйбди. Энэ хүнтэй Һүлдэ гү, али Бурханай Эльгээмэл хөөрэлдэһэн байхадаа болохо, – гэжэ хэлэбэ.

Хэрэгүүд 6:10

Гэбэшье Арюун Һүлдын болон сэсэн ухаанай хүсөөр Стефанай хэлэжэ байһан юумые буруушааха тэдэ аргагүй байгаа.

Хэрэгүүд 7:51

Бурханай һургаал дуулаха дурагүй, мэдэлдэнь байдаггүй зүрюу зон! Таанад өөһэдынгөө үбгэ эсэгэнэртэл адли Арюун Һүлдэдэ ходо эсэргүүсэнэт.

Хэрэгүүд 9:5

– Эзэмни, Та хэн гээшэбта? – гэжэ Саул һураба. – Шамда хашуулан мүрдүүлэгшэ Иисүүс гээшэлби даа, – гэжэ Эзэн харюусаба. – Мүнөө бодоод, хото ошо, тэндэ юу хэхэ тухайшни шамда хэлэгдэхэ.

Коринфынхидтэ 1-дэхи 1:25

Бурханай тэнэг гэжэ һанагдадаг юумэнь хүнүүдэй ухаанһаа сэсэн юм, Бурханай бирагүй һула гэжэ һанагдадаг юумэнь хүнүүдэй хүсэ шадалһаа хүсэтэй юм.

Коринфынхидтэ 1-дэхи 10:22

Али бидэ Эзэнэй уур сухал хүргэхэмнай гү? Өөһэдыгөө Тэрээнһээ хүсэтэйбди гэжэ тоолоно гүбди?