Хэрэгүүд 4:28 - Библи

²⁸ Танай эрхэ засагаар, Танай хүсэлөөр урдань шиидэгдэһэн юумые тэдэнэр бэелүүлхэеэ хамтарба.

Шэнэ Хэлсээн

²⁸ Шинии эрхэ засагаар, шинии хүсэлөөр урдань шиидэгдэһэн юумые тэдэнэр бэелүүлхэеэ хамтарба.

Хэрэгүүд 4:28 ပူးပေါင်းရင်းမြစ်များ

Эхин 50:20

Таанад намда мууе хэхые оролдоот, зүгөөр Бурханай үршөөлөөр энэтнай дэмбэрэлтэ хэрэгээр дүүрээ: хэды олон зоной ами наһан тэрэнэй ашаар абарагдаа гээшэб!

Псалманууд 76:10

Бурхан хайрлахаа мартаа юм гү? Уурлан, үршөөлөө хуряагаа гээшэ гү? [Хүгжэм]

Һургаал 21:30

Эзэнэй һанаагүйдэ мэргэн сэсэн, оюун ухаан, хүнэй түсэб түлэблэл юуншье бэшэ.

Исай 14:24

Түмэн Сэрэгтэ Эзэн иигэжэ тангариг үргөө: «Үнэхөөр Минии һанаһан хэрэг бэелжэ, Минии түсэблэһэнэй ёһоор үйлэ бүтэхэ.

Исай 28:29

Эдэ бүгэдэ шадабари Түмэн Сэрэгтэ Эзэнһээ олгогдонхой. Тэрэнэй зүбшэл гайхамшагтай, мэргэн ухааниинь агууехэ юм!

Исай 37:26

Минии эдэ бүгэдые үнинэй түсэблэһэн тушаа ши дуулаагүй юм гүш? Мүнөө энээниие бэелүүлбэ гээшэб. Бүхэлэгдэһэн хотонуудые обоохой шулуун боложо һандаргаха арга боломжо таанадта үгөөб.

Исай 40:13

Эзэнэй Һүлдые хэн мэдэрээб? Хэн Тэрээндэ заабарилжа, зүбшэл үгэжэ байгааб?

Исай 46:10

Юун болохыень Би эгээл эхиндэ уридшалан айладхаа бэлэйб. Болоодүй байгаа юумые үни эртэнһээ мэдүүлээб. Минии түсэбүүд заабол бэелүүлэгдэдэг, хэхэеэ һанаһан хэрэгээ Би заатагүй хэдэгби.

Исай 5:19

«Эзэн айладхалаа түргөөр бэелүүлэг лэ, бидэ тэрэнииень нюдөөрөө харахаяа һананабди. Израилиин арюун Бурхан түсэбөө бэелүүлэг лэ, бидэ тэрэнииень лаб мэдэхэеэ хүсэнэбди!» гэжэ тэдэ хэлэнэ.

Исай 53:10

Тэрэниие усадхаха гэжэ Эзэн хүсөө, зоболон тохоо. Нүгэлэй түлөө ами наһаяа үргэхэдөө, Тэрэ уг удамаа харахал, Өөрын үдэрнүүдые утадхахал, Тэрэнэй аргаар Эзэнэй хүсэл бэелүүлэгдэхэ.

Матвей 26:24

– Хүн түрэлхитэнэй Хүбүүн Нангин Бэшэг соо хэлэгдэһэнэй ёһоор үхэхэ. Харин Тэрээниие барижа үгэһэн хүн аймшагтай гай зоболон амсаха: тэрэ хүнэй юрэдөө түрөөгүй һаань, өөртэнь һураггүй дээрэ байха һэн.

Матвей 26:54

Теэд тиимэ юумэ гуйбални, Нангин Бэшэг соо хэлээтэй байһан зүйлнүүд яажа бүтэхэб? – гэжэ хэлэбэ.

Лука 22:22

Хүн түрэлхитэнэй Хүбүүн уридшалан заяагдаһан ёһоор ами наһаа үгэхэнь, зүгөөр Тэрэниие барижа үгэһэн хүн аймшагтай гай зоболон амсаха.

Хэрэгүүд 2:23

Бурханай үни баталһан түсэбэй ёһоор танай гарта үгтэһэн Иисүүсые хуули эбдэгшэдэй гараар хэрээһэндэ хадажа алаат.

Хэрэгүүд 3:18

Бурханай табисуурта зоболон эдлэхэ гэжэ Бурханай лүндэншэдэй үнинэй уридшалан хэлэһэниинь бүтэбэ даа.

Эфесэйхиндэ 1:11

Бурхан Өөрынгөө зорилгоор, заяаһан ёһоороо маанадые Христоостой нэгэдхүүлэн Өөрын арад болгон шэлэжэ абаа.

Еврейнүүдтэ 6:17

Найдуулһан юумыень абаха ёһотой байһан хүнүүдтэ эрхэ хүсэлөө хубилгахагүй байһанаа элеэр харуулхын тулада Бурхан найдуулгаа тангаригаараа баталаа.