Хэрэгүүд 4:1 - Библи

¹ Пётр Иоанн хоёрой иигэжэ зонтой хөөрэлдэжэ байтар, тэдээндэ санаартан, Һүмын харуулай дарга, үшөө саддукейнэр ерэбэд.

Шэнэ Хэлсээн

¹ Пётр Иоанн хоёрой иигэжэ хүн зонтой хөөрэлдэжэ байтар, тэдээндэ санаартан, Бурхан Һүмын харуулай дарга, үшөө саддукейнэр хүрэжэ ерэбэд.

Хэрэгүүд 4:1 ပူးပေါင်းရင်းမြစ်များ

Матвей 16:12

Һүүлэй һүүлдэ шабинарынь хилээмэнэй эһээбэриһээ бэшэ, харин фарисейнүүдэй, саддукейнэрэй һургаалһаа һэргылэгты гэжэ хэлэһыень ойлгобо.

Матвей 22:16

Фарисейнүүд өөрынгөө шабинарые Иродэй талынхидтай хамта Иисүүстэ эльгээжэ: – Багша аа! Та үнэн сэхые хэлэдэгта, Бурханай бодото замаар ябахые һургадагта, хэнэйшье урда билдагуушалдаггүйт, юуб гэбэл, нюур харадаггүйт гэжэ бидэ мэдэнэбди.

Матвей 27:20

Гэбэшье түрүү санаартан, ахамадууд Бараббаае сүлөөдэ табихыень, харин Иисүүсые үхэлэй саазада хүртөөхыень гуйгты гэжэ улад зониие идхаба.

Матвей 27:41

Тон тиигэжэл түрүү санаартан, Хуули заадаг багшанар, ахамадууд, фарисейнүүд Иисүүсые шооложо:

Матвей 3:7

Уһанда арюудхуулхаяа олон фарисейнүүдэй, саддукейнэрэй ерэжэ ябахые хараад, Иоанн тэдээндэ иигэжэ хэлэбэ: – Хорото могойн таһардаһад! Бурханай буулгаха хэһээлтэһээ иигээд хулжахыетнай таанарта хэн заагааб?

Лука 20:1

Нэгэтэ Һүмэ соо зондо һургаалаа номножо, Һайн Мэдээсэл айладхажа байхадань, түрүү санаартан, Хуули заадаг багшанар, ахамадууд ерэжэ:

Лука 22:4

Тиимэһээ тэрэ Иисүүсые хайшан гэжэ барижа үгэхэ тухайгаа түрүү санаартан болон харуулай дарганартай зүбшэхэеэ ошобо ха.

Иоанн 15:20

«Зараса болбол өөрынгөө эзэнһээ ехэ бэшэ» гэжэ хэлэһыемни һанана гүт? Намайе харшалаа, тиин таанарыешье харшалха. Минии үгэ дуулаа, тиин таанарайшье үгэ дуулаха.

Иоанн 18:3

Иуда Римэй бүлэг сэрэгшэдые, мүн түрүү санаартанай, фарисейнүүдэй эльгээһэн Һүмын харуулшадые абаад, баһа сэсэрлиг руу ерэбэ; тэдэнэр бултадаа буу зэбсэг, гэрэл шиидам, гал түүдэгүүдые гартаа барижа ябаа.

Хэрэгүүд 4:6

Тэндэ ахамад санаарта Анна, Кайафа, Иоанн, Александр мүн олон тоото түрүү санаартанай түрэлхид байлсаба.

Хэрэгүүд 5:17

Тиихэдэнь ахамад санаарта, мүн тэрээндэ хамаатай саддукей бүлэгэй хүнүүд хоро шараяа бусалаад,

Хэрэгүүд 5:24

Эдэ үгэнүүдые соносоһон Һүмын харуулай дарга болон түрүү санаартад юун болоһые ойлгожо ядан, гайхалдаба.

Хэрэгүүд 5:26

Тиихэдэнь Һүмын харуулай дарга албатанаараа суг ошожо, арад зондо шулуудуулхаһаа айн, хүсэ шадал хэрэглэнгүйгөөр элшэнэрые абажа ерэбэ.

Хэрэгүүд 6:12

Тиигэжэ тэдэ ахамадууд, Хуули заадаг багшанар олон хүнүүдые тэрээндэ эсэргүү һанаатай болгобо. Һүүлдэ тэдэ Стефанда добтолжо, тэрэниие баряад, Зүблэлэй гэшүүдтэ асарба.

Хэрэгүүд 6:7

Бурханай үгэ хаа хаанагүй дэлгэрэн таража, Иерусалимда шабинарай тоо ехэ олошоржо байгаа. Тиихэдэ санаартанай дундаһаашье олон хүн һүзэглэжэ байгаа.