Хэрэгүүд 24:14 - Библи

¹⁴ Буруу шажанай бүлгэм гэжэ эдэ зоной нэрлэдэг Зам баримталжа байһан дээрэһээл би үбгэ эсэгэнэрэйнгээ Бурханиие хүндэлнэб гэжэ танда мэдүүлнэб. Моисейн Хуулида болон лүндэншэдэй номууд соо бэшэгдэһэн бүхы юумэндэ би этигэнэб.

Шэнэ Хэлсээн

¹⁴ Буруу шажанай бүлгэм гэжэ эдэ зоной нэрлэдэг Зам баримталжа байһан дээрэһээл би үбгэ эсэгэнэрэйнгээ Бурханиие хүндэлнэб гэжэ шамда мэдүүлхэ байнаб. Моисейн Хуулида болон лүндэншэдэй номууд соо бэшэгдэһэн бүхы юумэндэ би этигэнэб.

Хэрэгүүд 24:14 ပူးပေါင်းရင်းမြစ်များ

1 Угай бэшэг 29:18

Манай эсэгэнэрэй, Абраһаамай, Исаагай, Израилиин Эсэгэ Бурхан. Өөрынгөө арадай зүрхэ сэдьхэл, ухаан бодолой мэдэрэлые хэтын хэтэдэ үршөөн байгыт, тэдэнэй зүрхэ сэдьхэлые өөртөө шэглүүлэн ябыт.

Египедһээ гаралга 3:15

Бурхан үшөө иигэжэ айладаа: – Танай эсэгэнэрэй – Абраһаамай Бурхан, Исаагай Бурхан, Яковай Бурхан болохо Эзэн намайе эльгээгээ гэжэ Израилиин хүбүүдтэ хэлэхэш. Минии нэрэ хэтэдээ тиимэ, Намайе угһаа угта тиигэжэл дурдадаг байха зэргэтэй.

Амоос 8:14

Самариин нүгэлөөр тангариглагша хүн, «Даан, бурханаартнай тангаригланаб», үгышье һаа, «Бэһээр-Шээбэ руу ошоһон харгы замаар тангаригланаб» гэгшэд бүдэрэн унаха, бэшэ бодохогүй.

Михей 4:2

Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай Һүмэ тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Һургаал Сионһоо гараха, Эзэнэй үгэ – Иерусалимһаа.

Матвей 10:32

Улад зоной урда Минии мэдэлдэ байнаб гэжэ айладхаһан хүн бүхэниие Бишье Огторгойдо оршодог Эсэгынгээ урда Минии гэжэ гэршэлхэб.

Матвей 22:40

Моисейн Хуулиин бүхы зүйлнүүд, лүндэншэдэй номууд эдэ хоёр захяа заабари соо тобшологдон баталагдадаг юм.

Матвей 7:12

Бусад хүнүүд танда ямараар хандаһайб гэжэ һананабта, тон тэрээндэл адляар таанад өөһэдөө хүнүүдтэ хандагты: энэ болбол Моисейн Хуулиин ба лүндэншэдэй һургаалай гол удхань мүн.

Лука 1:70

Дайсадһаатнай, таниие үзэн ядагша бүхы зонһоо абархаб гэжэ Тэрэ эртэ урдын сагта арюун лүндэншэдөөрөө дамжуулан,

Лука 16:16

Уһаар Арюудхагша Иоаннай ерэтэр Моисейн Хуули болон лүндэншэдэй номууд хүсэн түгэлдэр байгаа, гэбэшье мүнөө Бурханай хаан түрэ тухай мэдээсэлэй айладхагдаһанһаа хойшо, хүн бүхэн тиишэ орохо гэжэ нилээд хүсэ шармай гаргана.

Лука 16:29

Тиихэдэнь: «Дүүнэртэшни Моисейн болон лүндэншэдэй һэргылэмжэ бии ха юм: тэдэнэйнгээ хэлэһые дүүнэршни дуулажа байг лэ», – гэжэ Абраһаам хэлэбэ.

Лука 24:27

Тиигээд Моисейһээ эхилээд, бүхы лүндэншэдэй Өөр тухайнь Нангин Бэшэг соо хэлэһэн зүйлнүүдые тэдэ хоёрто тайлбарилжа үгэбэ.

Лука 24:44

Һүүлээрнь Иисүүс тэдэндэ хэлэбэ: – Нам тухай Моисейн Хуули соо, лүндэншэдэй номууд соо, Бурханай магтаалнууд соо бэшэгдэһэн бүхы юумэн бэелхэ гэжэ Би таанадтаяа байхадаа хэлээ һэнби. Тиимэл юумэн болоо.

Иоанн 1:45

Филипп гээшэнь Натанаилые бэдэржэ олоод, тэрээндэ: – Моисейн Хуули дотор, мүн лүндэншэдэй бэшэгүүд соо дурдагдаһан Хүниие олообди. Энэ хадаа Назарет хотын Иосифой хүбүүн Иисүүс гээшэ, – гэбэ.

Хэрэгүүд 10:43

Тэрээндэ этигэһэн хүн бүхэндэ нэрэ алдарайнь хүсөөр нүгэлынь хүлисэгдэхэ гэжэ бүхы лүндэншэд гэршэлнэ.

Хэрэгүүд 13:15

Хуулиин, лүндэншэдэй номһоо хэһэгүүдые уншаһанай хойно мүргэлэй гэрэй ахамадууд: – Аха дүүнэр, хүн зониие урмашуулхаар юумэн танда байгаа һаа, хэлыт даа, – гэжэ айлшадта хандаба.

Хэрэгүүд 15:5

Иисүүстэ этигэһэн фарисейнүүдэй дундаһаа хэдэн хүн үгэ хэлэхэдээ: – Еврей-бэшэнүүд бэлгээ баһа отолуулха ёһотой, Моисейн Хуули сахихыень тэдэниие уялгаха хэрэгтэй, – гэжэ баадхабад.

Хэрэгүүд 19:23

Тэрэ үедэ Эзэнэй замһаа боложо ехэхэн арсалдаан гараба.

Хэрэгүүд 19:9

Зарим хүнүүдэй зүрюу зан гаргажа, этигэхэ дурагүй байхадань, Эзэнэй замые зоной дунда хардажа эхилхэдэнь, Павел шабинартайгаа тэдэниие орхижо ошобо. Тиигээд Павел Тиранн гэдэг хүнэй һургуулида үдэр бүри номнодог болобо.

Хэрэгүүд 22:14

«Манай үбгэ эсэгэнэрэй Бурхан эрхэ хүсэлөө шамда мэдүүлхын тула Үнэн сэдьхэлтэниие шамда харуулхын тула, Тэрэнэй абяа дуулахыншни тула шамайе шэлэжэ абаа, – гэжэ Анания үргэлжэлүүлбэ. –

Хэрэгүүд 24:22

Эзэнэй Зам тухай хэнһээшье һайн мэдэжэ байһан Феликс хэрэгэй шиидхэбэриеэ хойшолуулан: – Түмэнэй дарга Лисиин иишэ хүрэжэ ерэхэдэ би танай хэрэг шиидхэхэб, – гэжэ хэлэбэ.

Хэрэгүүд 24:5

Энэ хүн Назорейн шажанай бүлгэм толгойлжо, хёмороо татадаг хүн юм, юртэмсэ дэлхэйгээр хаа хаанагүй ажаһуудаг еврейнүүдэй дунда үймөө татаа юм.

Хэрэгүүд 25:8

– Би еврейнүүдэй Хуулиин, Һүмын, римэй хаанайшье урда зэмэгүйб, – гэжэ Павел өөрыгөө үмөөрбэ.

Хэрэгүүд 26:22

Гэбэшье Бурханай туһаламжаар би энэ саг хүрэтэр сухаришагүй зогсоноб, юрыншье, нэрэ хүндэтэйшье зондо гэршэлнэб. Лүндэншэдэй болон Моисейн уридшалан хэлэһэндэ нэмэжэ би нэгэшье үлүү юумэ хэлээгүйб.

Хэрэгүүд 26:27

Агрииппа хаан, та лүндэншэдтэ этигэнэ ха юмта? Этигэнэт гэжэ мэдэнэб!

Хэрэгүүд 26:4

Минии ажамидарал эдир залуу наһанһаа эхилэн еврейнүүдэй дунда мэдээжэ. Би түрүүн өөрынгөө арад зоной дунда, һүүлдэнь Иерусалимда ажаһуугааб.

Хэрэгүүд 26:6

Бурханай үбгэ эсэгэнэртэмнай найдуулһан юумэндэ мүнөөшье этигэжэ байһан дээрэһээ би танай урда шүүлгэн зогсоноб.

Хэрэгүүд 28:22

Гэбэшье өөрынтнай һанамжа бидэ дуулаха дуратай байнабди, юуб гэхэдэ, һүзэглэгшэдэй энэ бүлгэм хаа хаанагүй арсалдаа гаргадаг гэжэл бидэ мэдэнэбди.

Хэрэгүүд 28:23

Павелтай хэлсэжэ тогтооһон үдэр тэрэнэй байрада ехэ олон зон сугларба. Үглөөнһөө үдэшэ орой болотор Павел Бурханай хаан орон тухай номнобо. Иисүүс тухай хэлэһэн үгэнүүдэйнгөө үнэн зүб байһыень Моисейн Хуулиин ба лүндэншэдэй гэршэнүүдээр баталаа.

Хэрэгүүд 3:13

Абраһаамай, Исаагай, Яковай Бурхан, манай үбгэ эсэгэнэрэй Бурхан Өөрын зараса Иисүүсые алдаршуулаа. Таанад Иисүүстэ урбаат, Тэрэниие Пиладай сүлөөлэн табиха гэхэдэнь, таанад арсаат.

Хэрэгүүд 5:30

Таанадай модон хэрээһэндэ хадажа саазалһан Иисүүсые манай үбгэ эсэгэнэрэй Бурхан амидыруулаа.

Хэрэгүүд 7:32

«Би шинии үбгэ эсэгэнэрэй, Абраһаамай, Исаагай, Яковай Бурханби». Моисей айн шэшэржэ, Тэрээн тээшэ харахаяашье зүрхэлбэгүй.

Хэрэгүүд 9:2

Дамааскын мүргэлэй гэрнүүдтэ бэшэг бэшэжэ үгэхыень гуйба. Тэрэ бэшэгэй ёһоор Эзэнэй зам баримталһан эхэнэр, эрэшүүлые барижа, Иерусалим туужа абаашаха эрхэ Саулда үгтэбэ.

Римэйхиндэ 1:9

Зальбарха бүхэндөө таанад тухай дурдажа, таанадтай хэзээшьеб уулзуулхыень гуйдаг байһыемни Бурхан мэдэхэ. Би Хүбүүн тухайнь Һайн Мэдээсэл номнон, үнэн зүрхэнһөө Тэрээндэ алба хэнэб.

Римэйхиндэ 3:21

Харин мүнөө Бурханай урда үнэн сэдьхэлтэй байха арга зам харуулагдаба. Тэрээн тухай Моисейн Хуулиин ба лүндэншэдэй гэршэлһэншье байбалнь, тэрэ арга зам Хуулида ямаршье хабаагүй юм.

Коринфынхидтэ 1-дэхи 11:19

Зүб, үнэн бодото хүнүүдэй элирүүлэгдэхын тула таанадай дунда элдэб һанал бодолнууд байха ёһотой.

Галадуудта 5:20

онгонуудта мүргэхэ, эльбэ жадха хэхэ, зэбүүрхэхэ, хэрүүл ама гаргаха, атаархаха, уурлаха, дээрэлхүү зантай байха, арсалдаха ба хэрэлдэхэ, буруу үзэл номнохо,

Тимофейдэ 2-дохи 1:3

Үбгэ эсэгэнэрэйнгээ мүргэдэг Бурханда би үнэн зүрхэнһөө алба хэжэ, үдэр һүнигүй Тэрээндээ зальбархадаа, үргэлжэ шамайе дурдан, баяр хүргэжэ байдагби.

Тидтэ 3:10

Хэрүүл татагшадта хоёр дахин ухаа заагаад, удаань тэдэнһээ холодожо байгаарай.

Пётрой 1-дэхи хандалга 1:11

Ямар сагта, яажа тэрэ буян хэшэгэй үгтэхые лүндэншэд досоогоо байһан Христоосой Һүлдын зааһан сагаар тодоруулха гэжэ оролдоо. Тиихэдээл Христоос зоболонгуудые дабажа гараад, һүүлдэнь алдаршаха гэжэ Һүлдэ уридшалан хэлээ.

Гэршэлгэ 19:10

Би газарта һунан хэбтэжэ, хүлдэнь мүргөөб. Теэд тэрэ намда хэлэбэ: «Иимэ юумэ бү хээрэй, мэдэжэ бай! Би Иисүүс тухай гэршэлдэг шамтайл адли, шинии аха дүүнэртэл адли зарасань гээшэб! Бурханда һүгэдэн мүргэ! Иисүүс тухай гэршэлэгшэд лүндэншэдые урмашуулдаг һүлдэтэй».