Хэрэгүүд 20:29 - Библи

²⁹ Минии ябаһан хойно таанадта хэрзэгы шононууд ерэжэ, һүрэгыетнай хайрлахагүй гэжэ би мэдэнэб.

Шэнэ Хэлсээн

²⁹ Минии ябаһан хойно таанадта хэрзэгы шононууд ерэжэ, һүрэгыетнай хайрлахагүй гэжэ би мэдэнэб.

Хэрэгүүд 20:29 ပူးပေါင်းရင်းမြစ်များ

Ерэмияа 13:20

Иерусалим, харыш! Хойто зүгһөө дайсад ерэжэ байна. Шамда даалгагдаһан улад зоншни, омогорходог хүнүүдшни хаанаб?

Ерэмияа 23:1

Эзэнэй арад зониие хюдажа, тараажа байгааша удамаршадтай гай гасалан ушарха гээд Эзэн тунхаглана.

Эзэкээл 22:27

Ноёдынь олзоо зулгаажа байһан шононууд мэтэ. Тэдэ хүниие алажа, баяжана.

Эзэкээл 34:8

Би, Эзэн Бурхан, Өөрөөрөө тангариглан тунхагланаб: Минии хонид харууһагүй орхигдожо, ан арьяатанай хүнэһэн болобо. Хонишод тэдэниием бэдэрээгүй, гансал өөһэд тушаа һанаагаа табяа.

Даниил 11:34

Зобожо байха үедөө тэдэ багахан туһаламжада хүртэхэ, олохон зон тэдээнтэй хамтарха, гэбэшье үнэнхэ зүрхэнһөө тиихэ бэшэ.

Цэпаанияа 3:3

Түшэмэлнүүдынь архирагша арсалангуудтал, шүүгшэдынь шонодол адли: үдэшэлэн тэдэ добтолбол, үглөө болотор нэгэшье яһа үлөөдэггүй хомхойнууд юм.

Захарияа 11:17

Һүрэгөө орхиһон адуулагша хараалда хүртүүжэг. Тэрэнэй гар болон баруун нюдэн дээрэнь эритэ илдэ буулгагты. Гарынь бүхэлеэрээ хатажа, баруун нюдэниинь огто харахаяа болюужаг!

Матвей 10:16

Һүрэг шононууд руу хонидые тууһан мэтээр Би таанадые эльгээнэб. Тиимэһээ таанар могой мэтэ сэсэн, гулабхаа мэтэ эгээлэй даруу байгты.

Матвей 7:15

Хуурмаг лүндэншэдһөө болгоомжолжо байгты. Тэдэнэр гадаада талаһаа хонид байһан хэбэр үзүүлэн таанадта ерэбэшье, досоогоо арьяатан шоно мэтэ байха.

Лука 10:3

Ябагты даа! Һүрэг шононууд руу хурьгадые тууһан мэтэл таанадые эльгээнэб.

Лука 12:32

Шабинарни, багахан һүрэг таанар, бү айгты! Эсэгэтнай танда Бурханай хаан орониие дуратайгаар үршөөхэ бшуу.

Иоанн 10:12

Харин хүлһэншэн хадаа хони адуулагша бэшэ, тэдэ хонид тэрэнэй бэшэ. Тиимэһээ хүлһэншэн хонидтонь орохоёо ябаһан шонын дүтэлжэ байхые харахадаа, хонидоо орхёод зугададаг. Тиихэдэнь шоно хонидыень бариха, хонид иишэ тиишээ гүйлдэжэ тараха.

Иоанн 21:15

Тэдэнэй эдеэлһэн хойно Иисүүс Симон Пётрто хандан: – Иоаннай хүбүүн Симон, ши Намда эдэнһээ бүри ехээр дуратай гүш? – гэжэ асууба. – Тиимэ даа, Эзэн, Танда минии дуратайе Та мэдэнэ ха юмта, – гэжэ Пётр харюусаба. – Минии хурьгадые харууһалжа бай, – гэбэ Иисүүс.

Хэрэгүүд 20:28

Арюун Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Пётрой 1-дэхи хандалга 5:2

Таанадта даалгагдаһан Бурханай һүрэгые адуулжа байгты. Баалалтаар хэжэ байһан мэтэ бэшэ, харин сэдьхэлээрээ энэ хэрэгые бүтээжэ байгты. Олзо олохо зорилготойгоор бэшэ, харин оролдосотойгоор алба хэжэ байгты.

Пётрой 2-дохи хандалга 2:1

Урдань израильшуудай дунда хуурмаг лүндэншэдэй элирдэгтэл адляар таанадай дунда хуурмаг һургагшад байха. Тэдэнэр зүб замһаа хадууруулдаг хуурмаг һургаалнуудые нюусаар асарха, тэдэниие эрхэ сүлөөтэй болгоһон Эзэнһээ арсаха, тиигэжэ тэдэнэр өөһэдтөө түргэн хосорол олохо.

Иудын хандалга 1:18

Һүүлэй үедэ харатай хүсэлэнгүүдээ хангадаг, таанадые наада баридаг хүнүүд бии болохо гэжэ тэдэнэр таанадта хэлэдэг һэн.