Хэрэгүүд 2:43 - Библи

⁴³ Элшэнэр олон гайхамшагта хэрэгүүдые болон дүлгэ тэмдэгүүдые харуулжа байгаа. Тиимэһээ хүн бүхэн ехэтэ һүрдэн бэшэрбэ.

Шэнэ Хэлсээн

⁴³ Элшэнэр олон гайхамшагта хэрэгүүдые болон дүлгэ тэмдэгүүдые харуулжа байгаа. Тиимэһээ хүн бүхэн ехэтэ һүрдэжэ байгаа.

Хэрэгүүд 2:43 ပူးပေါင်းရင်းမြစ်များ

Эстээр 8:17

Хаанай энэ зарлигай зарлагдаһан газар бүхэндэ иудейнүүд үргэн ехэ баяр тэмдэглэн, найр наада хэдэг байба. Энэ улас түрын ондоо үндэһэ яһатадай олохон зон иудейнүүдһээ айжа, иудейбди гэжэ өөһэдыгөө нэрлэдэг болоо бэлэй.

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Һошээ 3:5

Энээнэй удаа Израилиин арад эрьежэ, өөһэдын Эзэн Бурханиие, өөһэдын Давид хааниие шүтэн-хүндэлэн байдаг болохо. Эсэсэй үдэрнүүдтэ Эзэндэ болон Тэрэнэй һайн һайхан оршом руу тэдэ шэшэрэн ерэхэ болоно.

Марк 16:17

Намда этигэһэн хүн бүхэн гайхамшагта үйлэ хэрэгүүдые бүтээхэ аргатай байха. Минии нэрээр тэдэ ада шүдхэрнүүдые намнажа гаргаха, танигдахагүй хэлэнүүдээр дуугарха.

Лука 7:16

Хүн зон бүгэдэ айн һүрдэбэ, Бурханиие алдаршуулан магтаба: – Агууехэ лүндэншэ манай дунда мүндэлбэл, арад зондоо туһалхаяа Бурхан морилжо ерэбэл, – гэлдэбэ.

Лука 8:37

Тэнсэлгүйгөөр айн һүрдэһэн Гэрасаагай бүхы зон Иисүүсые нютагһаань гаража ябахые гуйба. Иисүүс онгосодоо һуужа, Галилейдээ бусаба.

Иоанн 14:12

Би таанарта үнэниие хэлэнэб: Намда этигэдэг хүн Минии хэдэг лэ хэрэгүүдые бүтээхэ, бүришье ехэ юумэ хэжэ шадаха, юундэб гэбэл, Би Эсэгэдээ ошохомни.

Хэрэгүүд 2:22

Израилиин зон, намайе шагнагты! Бурхан Назаредэй Иисүүсээр агууехэ хэрэгүүдые, гайхамшагта үзэгдэлнүүдые ба тэмдэгүүдые бүтээлгэн, Тэрэниие эльгээһэн тухайгаа таанадта гэршэлээ. Эдэ бүхэн танай дунда ушараа. Тиимэһээ таанад өөһэдөө энээн тухай мэдэнэт.

Хэрэгүүд 4:33

Эзэн Иисүүсэй амидырһан тухай элшэнэр улам эршэтэйгээр гэршэлбэ, тиихэдэнь Бурхан тэдэниие үршөөл хайрадаа элбэг дэлбэгээр хүртөөжэ байба.

Хэрэгүүд 5:5

Эдэ үгэнүүдые дуулахадаа Анания амяа табин унаба. Болоһон ушар тухай дуулаһан хүнүүд бултадаа аргагүй ехээр айн һүрдэбэ.

Хэрэгүүд 9:34

– Эней, шамайе Иисүүс Христоос аргална. Өөдөө бодоод, дэбдихэрээ хумижархи, – гэжэ Пётр тэрэ хүндэ хэлэбэ. Үбшэн хүниинь тэрэ дороо бодобо.

Хэрэгүүд 9:40

Пётр тэдэниие бултыень таһалгаһаа гаргаад, үбдэг дээрээ һуугаад зальбарба, тиигээд наһа бараһан басаган тээшэ хараад: – Табитаа, бодо, – гэбэ. Тэрэнь нюдөө нээжэ, Пётрые хараһаар бодобо.