Хаггай 2:20 - Библи

²⁰ Тэрэл үдэртөө, тэрэ һарын хорин дүрбэдэхи үдэр, Эзэн Хаггайда хоёрдохёо хандажа, иигэжэ дамжуулба:

Хаггай 2:20 ပူးပေါင်းရင်းမြစ်များ

1 Угай бэшэг 24:18

хорин гурбадахинь Дэлайяада, хорин дүрбэдэхинь Маһаазияада.

Эзраа 5:2

Тиихэдэнь Шалтиээлэй хүбүүн Зэрубабээл, Ёцадаагай хүбүүн Иисүүс гэгшэд Иерусалимдахи Бурханай гэрэй барилга шэнээр эхилбэ, тэдэнтэй хамта Бурханай лүндэншэд, тэдэниие дэмжэгшэд булта хүдэлөө.

Хаггай 1:1

Персиин агууехэ хаан Даариин хаан шэрээ эзэлһэн сагһаа хойшо хоёрдохи жэлэй зургаадахи һарын түрүүшын үдэр Эзэн Хаггай лүндэншэдэ хандан, Иудын захирагша, Шалтиээлэй хүбүүн Зэрубабээлдэ ба ахамад санаарта Ёцадаагай хүбүүн Иисүүстэ айладхалыень дамжуулхые захирба.

Хаггай 1:15

Энэ хадаа агууехэ хаан Даариин хаан шэрээдэ заларһаар хоёрдохи жэлэй зургаадахи һарын хорин дүрбэдэхи үдэр болоо бэлэй.

Хаггай 2:1

Долоодохи һарын хорин нэгэдэхи үдэр Эзэн Хаггай лүндэншэдэ иигэжэ айладхаба:

Хаггай 2:10

Даариин хаан шэрээдэ заларһаар хоёрдохи жэл, юһэдэхи һара, хорин дүрбэдэхи үдэр ябажа байхада Эзэн Хаггай лүндэншөөр дамжуулан айладхал буулгаа бэлэй.

Захарияа 1:1

Даариин Персиин хаан боложо үргэмжэлэгдэһөөр хоёрдохи жэлэй наймадахи һарада Иддоогой аша Бэрэхияагай хүбүүн, лүндэншэн Захарияада Эзэн үгэ айладхаба:

Захарияа 7:1

Даариин Персиин хаан шэрээдэ заларһанай удаа дүрбэдэхи жэлдэ юһэдэхи хислээб һарын дүрбэндэ Эзэн Захарияада айладхал буулгаа.