Хаггай 1:13 - Библи

¹³ Эзэнэй мэдээсэгшэ Хаггай айладхалынь арад түмэндэ дамжуулба: «Би таанадтай байхаб, энэ Минии найдуулга мүн гэжэ Эзэн айладхана!»

Хаггай 1:13 ပူးပေါင်းရင်းမြစ်များ

1 Угай бэшэг 28:20

Давид Соломоондоо иигэжэ хэлэбэ: – Эрэлхэг зоримгой шанга яба, юунһээшье бү ай, зүрхэ бү алда, юуб гэхэдэ, Эзэн Бурхан, Минии Бурхан хододоо шамтай байха, Эзэнэй гэрэй бүхы заабаринуудыень дүүргээд байбалшни, Тэрэ шамһаа холо болохогүй, шамайе хэзээдэш орхихогүй,

2 Угай бэшэг 15:2

Тэрэ Асаада ерэжэ, иигэжэ хэлэбэ: – Асаа болон Иудын, Бэньямиинэй улад зон, намайе шагныта! Эзэнтэй хамта байбалтнай, Тэрэ таанадтай хамта оршохо. Тэрэниие бэдэрээ һаа, олохот; харин Эзэниие орхиболтнай, Тэрэ таанадые орхихо.

2 Угай бэшэг 20:17

Энэ удаа таанад дайлалдана бэшэт, һуурияа эзэлэн зогсожо, Эзэнэй таанадта үршөөһэн илалта харан байгты. Иудын болон Иерусалимай улад зон, бү айгты, һүрдэн бү сошогты. Үглөөдэр тэдэнэй урдаһаа добтологты, Эзэн таанадтай хамта!

2 Угай бэшэг 32:8

Тэрэ хүнэй талаар хүсэтэй, харин маанадтай хамта Эзэн Бурхамнай! Тэрэ бидэндэ туһалха, байлдаануудта маанадтай хамта дайлалдаха. Арад зон хаанайнгаа үгэнүүдые шагнаад, шанга зоригтой болобо.

Псалманууд 46:7

Бурханда магтаал үргэгты, магтаал үргэгты! Хаандамнай магтаал үргэгты, магтаал үргэгты!

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Исай 42:19

Минии богоолһоо өөрэгүй ехэ һохор хүн хэн бэ? Минии эльгээһэн элшэдэл адли дүлиинь хэн бэ?

Исай 43:2

Уһа гаталхадаш Би шамтай байхаб. Гол мүрэнөөр гарахадаа шэнгэхэгүйш. Гал дундуур ябаашье һаа, шатахагүйш. Элдэб гай гасалангууд шамайе дайрахагүй.

Исай 44:26

Харин Минии богоолой уридшалан таахада, түсэбүүдээ мэдүүлхэеэ элшэнэрые эльгээхэдээ, Би тэдэ түсэбөө дүүргэдэгби, уридшалан хэлээшыень бэелүүлдэгби. Иерусалимда зон дахин ажаһуудаг болохо, Иудын хан түрын хотонууд дахин һэргэн бодохо гэжэ Би мэдүүлнэб.

Ерэмияа 15:20

Тиигээд Би шамайе энэ арад зоной урдаһаа бүхэлэгдэһэн гуулин хэрэм мэтэ болгон табихаб. Тэдэ урдаһаашни хэды тулаашье хадаа, шамайе диилэхэгүй. Би шамтай хамта байхаб, шамайе абархаб, аршалхаб.

Ерэмияа 20:11

Теэд Та, Эзэмни, хүсэн түгэс баатартал, намтай хамта байнат. Тиимэһээ намайе мүрдэгшэд бүдэржэ, намайе диилэжэ шадахагүй, нэрээ хухарха, зориһоноо бэелүүлжэ шадахагүй. Нэрээ гутааһаниинь хэтэ мүнхэдөө мартагдахагүй!

Ерэмияа 30:11

Би таанадтай байхаб, абархаб. Таанарые арадуудай хоорондо тараагаа һэм, тэдэ арадуудые Би усадхахаб. Гэбэшье таанадые усадхахагүйб. Харин таанадые хэһээнгүй орхихогүйб, теэд хэһээхэдээ, үнэн зүбөөр хэһээлтэ амасуулхаб! Энэ болбол Би, Эзэн, айладхана мүн!

Эзэкээл 3:17

– Хүнэй үри Эзэкээл! Би шамайе Израилиин арад зониие харууһалха хүн болгон табибаб. Минии һэргылэлтэнүүдые ши тэдээндэ дамжуулжа байхаш.

Хаггай 2:4

Гэбэшье Зэрубабээл зоригтой бай, Ёцадаагай хүбүүн Иисүүс, ахамад санаартан, зоригтой бай! Энэ ороной улад зон, зоригтой байгты! Би, Түмэн Сэрэгтэ Эзэн, таанартай хамта байнаб. Ажал хэгты, туһалхаб.

Малаахи 2:7

Санаартан Бурханай һургаал хамгаалха, тэрэнэй аманһаа гараһан заабари үгые хүнүүд бэдэрхэ ёһотой. Ушарынь хадаа тэрэ Эзэнэй элшэ болоно.

Малаахи 3:1

«Харагты, шинии ябаха харгы бэлдэхыень би уридшалан Өөрынгөө Эльгээмэлые ябуулнаб. Таанарай бэдэрдэг Эзэн гэнтэ Өөрын Һүмэдэ ерэхэ болоно. Таанарай баярлан хүлеэһэн хэлсээнэй Эльгээмэл, харагты, Тэрэ ерэжэ байна» гэжэ Түмэн Сэрэгтэ Эзэн айладажа байна.

Матвей 1:23

«Басаган хээлитэй болоод, хүбүү түрэхэ, Тэрээниие Эммануил гэжэ нэрлэхэ», энэ нэрэнь Бурхан бидэнтэй хамта гэһэн удхатай.

Матвей 18:20

Ушарынь юуб гэхэдэ, хоёр гү, али гурбан хүн Минии нэрээр хаана сугларнаб, тэндэнь Би хоорондонь байхаб.

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Римэйхиндэ 8:31

Эдэ бүхэн тухай бидэ юун гэжэ хэлэхэбибди? Хэрбээ Бурханай манай талада байбал, маанадта эсэргүүсэһэн хүн байха аал?

Коринфынхидтэ 2-дохи 5:20

Бидэ Христоосой бүрин эрхэтэ түлөөлэгшэд мүн, тиин Бурхан бидэнэрээр дамжан таанадта хандана. Бурхантай эбээ нэгэдхэгты гэжэ бидэ Христоосой нэрээр таанадые гуйнабди.

Тимофейдэ 2-дохи 4:17

Тэрэ үедэ Эзэн намтай байжа, намайе зоригжуулаа. Тиимэһээ би Бурханай үгэ бусад арадуудай бултанайнь дуулахаар гүйсэд номнохо шадалтай байгааб. Бурхан намайе үхэлэй һабарһаа аршалаа.

Тимофейдэ 2-дохи 4:22

Эзэн шамтай байхань болтогой. Бурханай үршөөл хайра та бүхэнтэй оршожо байг лэ. Болтогой.

Ударидагшад 2:1

Эзэнэй Эльгээмэл Гилгаалһаа Бохиимдо ерээд, Эзэнэй хэлэһэн зарлигыень израильшуудта иигэжэ дамжуулба: «Би таанадые Египедһээ гаргааб, таанадай үбгэ эсэгэнэртэ тангариглан найдуулагша газартаа таанадые асарааб. Таанадтай баталһан хэлсээгээ хэзээдэшье эбдэхэгүйб гэжэ Би хэлээ һэм.