Исай 9:17 - Библи

¹⁷ Тиимэ ушарһаа Эзэн өөрын арад түмэнэй залуу зон тушаашье һанаагаа табихагүй, үншэн хүүгэдые, бэлбэһэн эхэнэрнүүдыешье хайрлахагүй. Юуб гэбэл, тэдэ бултадаа Бурхангүй ба муу хэрэг үйлэдэгшэд, муу юумэ амалжал байгшад. Энээнэй удаашье Эзэнэй уур хилэн буурахагүй, зониие хэһээхэ гэжэ гарынь һунгаатай зандаал байха.

Исай 9:17 ပူးပေါင်းရင်းမြစ်များ

Иоов 15:34

Нүгэлтэ зон һайн һайханиие үзэхэгүй, үри хүүгэдгүй үхэдэг. Эдилгэ абагшын гэр гал түймэртэ хосорно.

Исай 1:4

Ай, халаг, таанад нүгэлтэй арад, гэм зэмэтэйт, муу зоной үринэр, муухай хүүгэдта! Эзэниие буруушаажа, Израилиин Нангин Арюуниие орхибот, Тэрээнһээ буруу харабат.

Исай 10:2

Таанад үгытэй ядуу зоной хэрэгые буруу шиидхэнэт, эрхэнүүдыень хаһанат. Бэлбэһэн эхэнэрнүүдэй ба үншэн үхибүүдэй зөөри өөрын олзо болгонот.

Исай 10:4

Алуулхат, үгышье һаа, баряанда абтахат. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байха.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Исай 13:18

Тэдэ һурша номоороо залуу зониие хюдаха, нялхануудыешье хайрлахагүй, хүүгэдые хайрлаха гэжэ тэдээндэ үгы».

Исай 14:20

Ши орон нютагаа һандаргааш, өөрынгөө улад зониие алааш. Тиимэһээ бусад хаашуулдал адляар ши хүдөөлүүлэгдэхэгүйш. Муу муухай уг унгиһааш хэншье амиды мэндэ үлэхэгүй, нэрэньшье үлэхэгүй!

Исай 24:5

Зон Бурханай хуули ёһонуудые эбдэжэ, тогтоолнуудыень хазагайруулжа, хэтэ мүнхын хэлсээ эбдэн, дэлхэйе бузарлаба.

Исай 27:11

Тэрэнэй мүшэрнүүд хатажа хухарха. Тиихэдэнь эхэнэрнүүд ерэжэ, түлеэн мэтээр шатааха. Зоной юушье ойлгоогүй һэн тула Байгуулагшань тэдэниие хайрлахагүй, Бүтээгшэнь нигүүлэсхы зан гаргахагүй.

Исай 3:8

Иерусалим бүдэрэн унахаяа байна, Иудын хан түрэ доройтон һандарна, юуб гэхэдэ, тэдэ Эзэнэй урдаһаа һөөргэдэн дуугарна, хэрэг ябуулна, Алдарта Бурханай хараа нюдэндэ энэ доромжолол мүн.

Исай 31:2

Эзэн Бурхан сэсэн мэргэн ухаатай! Гай тодхор Тэрэ татаха. Нүгэл хэгшэдые, мүн тэдээндэ туһалагшадые хэһээхэ гэжэ шиидээл хадаа Тэрэ хэһээхэ, үгэеэ һөөргэнь абахагүй.

Исай 31:3

Египедэй зон Бурхан бэшэ, юрын лэ зон ха юм даа. Тэдэнэй морид миин моринһоо үлүү бэшэ. Эзэнэй гараа һунгахадань, тэрэ туһалжа байгааша хүсэтэй зон бүдэржэ, туһалуулжа байһан хүсэгүй зон унажа, тэдэ хамта хосорхо.

Исай 33:11

Таанад хэндэшье хэрэггүй юумэ түсэблэнэт, ямаршье туһагүй юумэ хэнэт. Амисхаалтнай гал дүлэндэл адли, өөһэдыетнай залгиха.

Исай 33:12

Таанад бусалжа байһан сагаан шохойдол, галда шатажа байһан үүргэнэдэл адли болохот.

Исай 40:30

Залуушье хүн ядаран һуларжа, эдир хүбүүдшье бүдэрэн унадаг.

Исай 5:24

Тиимэһээ тэдэнэй үндэһэн һолоомын болон хатаһан үбһэнэй гал дүлэндэ шатаһандал адли хосорхо, тэдэнэй сэсэг хатажа, хумхаа тооһон болохо, юундэб гэхэдэ, тэдэ Түмэн Сэрэгтэ Эзэнэй Хуули буруушаагаа, Израилиин арюун Бурханай үгэнүүдые тоогоогүй.

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 62:5

Залуу хүнэй эдир басагантай гэрлэдэг шэнги, шамайе Бүтээгшэ шамтай гэрлэнэ. Һамга абажа байгша хүбүүнэй хадамлажа байгша басагандаа баясадаг мэтэ Бурханшни шамдаа баясана.

Исай 65:19

Иерусалимда баярлан, арад түмэндөө баясажа байхаб. Тиигээд тэндэ уйлаха, туһа эрин орилхо абяан саашадаа бэшэ дуулдахагүй.

Исай 9:12

Зүүн зүгһөө Араам, баруун зүгһөө Пилишт гүрэнүүд Израилиие залгиха гэжэ амаа ангайлгаба. Энээнэй удаашье Эзэнэй уур хилэн бууранагүй. Тэрэ хэһээхэ гэжэ гараа һунгаһан зандаа байна.

Исай 9:21

Мэнашшээ обогой зон Эпрааимай обогто добтолхо, хамтаран, тэдэ Иудын хан түрэдэ добтолхо. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байхал.

Ерэмияа 18:21

Теэд мүнөө үхи хүүгэдыень туража үхүүлыт, дайн дажарта усадхыт, эхэнэрнүүдынь бэлбэһэн болог, үри хүүгэдээ гээг, эрэшүүлынь үхэл хаталда дайрагдаг, залуушуулынь байлдаанда алуулаг лэ!

Ерэмияа 5:1

Иерусалимай үйлсэнүүдээр хойшо-урагшаа ябагты! Тиигээд харан адаглагты! Үнэн сэхэ, Эзэн Бурханда бэеэ зорюулһан нэгэшье хүниие олохо ааламта? Олоо һаатнай, Эзэн Иерусалимые хүлисэхэ һэн.

Эзэкээл 20:33

Шанга гараараа, бүхы хүсэ шадалаараа Би таанадые зонхилон байхаб гэжэ Би, Эзэн Бурхан Өөрөөрөө батадхан тунхагланаб. Таанад Минии уур хилэнгые одоо мэдэрхэт.

Амоос 4:10

Египедтэ үйлэдэһэндэл адляар Би таанад руу гай гамшиг эльгээгээб. Залуу зонииетнай Би һэлмээр сабшан усадхааб. Дайсад моридыетнай абаашаа. Үхэһэн сэрэгшэдэйтнай һэенүүдһээ үмхэй муухай үнэр танар хотон хүреэнүүдээртнай таража, таанад тэрээгээр амилан байгаат. Теэд таанар Нам руу эрьеэгүйт. Энэ болбол Би, Эзэн, тунхаглана мүн!

Амоос 8:13

Удаань залуу, һайхан хүбүүд, басагадшье ехээр ангаһандаа хүсэгүй болон унаха.

Михей 7:2

Бурханда үнэн сэхэ зон энэ газар дээрэ үгы болоо. Зоной дунда зүб шударга хүн байхагүй. Шуһа урасхуулхаяа хүн бүхэн худал хэрэглэнэ, аха дүүнэртээ урьха занга табина.

Захарияа 9:17

Үршөөл хайрань ямар ехэб даа. Үрэжэлтэ таряан долгисохо, шэнэ үзэмэй сэсэрлиг салгидаха, хүбүүд басагад баясан хүгжэхэ!

Матвей 12:34

Ай, хорото могойн түрэлтэн! Таанар хара һанаатайшуул аад, һайн юумэ яажа хэлэхэбта? Ушарынь юуб гэбэл, зүрхэ сэдьхэлдэ байһан юумэн хэлэнэй үзүүртэ гарадаг ха юм.

Матвей 16:3

Харин үглөөгүүр огторгойн барагар улаан, бүрхэг байбалнь, таанад: «Мүнөөдэр бороо орохонь» гэдэгта. Хоёр нюуртан! Таанад огторгой хараад, ямар үдэрэй болохые мэдэдэг аад, харин мүнөө сагай дүлгэ тэмдэгүүдые тайлбарилха аргагүй байнат.