Исай 7:20 - Библи

²⁰ Ассириин гараар Эзэн Иудын хан түрые хэһээхэ. Тэрэ Ассириин хааниие үһэ заһагша мэтээр хэрэглэжэ, дороһоо дээшэнь бултыень – хүлэйтнай, толгойнтнай үһэ зүһэ, һахал һамбай хюһан абаха.

Исай 7:20 ပူးပေါင်းရင်းမြစ်များ

Исай 1:5

Үсэрхэлгэеэ дам үргэлжэлүүлжэл байгаашад, хаагууртнай үшөө сохимоор бэ?! Толгойтнай хуу яра шарха, бүхы зүрхэ сэдьхэлтнай үбшэ хабшан болонхой.

Исай 10:15

Сабшагша хүндөө һүхэ өөрыгөө һайрхаха гү? Үгышье һаа, хюрөө өөрыень ашаглажа байгаа хүнэй урда өөрыгөө дээгүүр үргэмжэлхэ гү? Таяг хүниие үргэхэ бэшэ, хүн таягые үргэнэ. Мүн сохидог модон һабаа өөрөө хүниие сохихо бэшэ!

Исай 11:15

Эзэн Египедэй далайн хоолойе хатааха, Евфрат мүрэн хатаахаяа халуун һалхяар үлеэлгэхэ, хүнэй шаахайгаа тайлангүй тэрэниие гаталдаг болотор долоон багахан горхон болгон хубааха.

Исай 36:1

Хэзэкияа хаанай арбан дүрбэдэхи жэлээ хан түрэеэ засаглажа байхада, Ассириин хаан Сэннахэрииб дайгаар добтолжо, сэрэгүүдээрээ Иудын бэхижүүлэгдэһэн бүхы хотонуудые тойрон бүһэлөөд, һүүлдэнь эзэмдэн абаба.

Исай 8:7

Би, Эзэн Бурхан, тэдээндэ бүхы сэрэгээрээ добтолхыень Ассириин хааниие асархаб. Эрьеһээ халин үерлэгшэ Евфрат мүрэнэй ехэ урасхал уһандал адли тэрэнэй сэрэг нэбтэрэн-халин ерэхэл.

Исай 9:13

Израилиин арад түмэн һанаа ороногүй, Түмэн Сэрэгтэ Эзэнэй хэһээгээшье хадань тэдэ һөөргөө бусанагүй.

Ерэмияа 2:18

Һанаад үзыт, Иудын зон, Нил мүрэнэй уһа уухаяа таанадай Египет руу ошохо түсэбтэ энэ болбол туһалаа гү? Евфрат мүрэнэй уһанһаа уухаяа Ассири руу ошохо түсэбтэтнай энэ хадаа туһалха гү? Үгы!

Эзэкээл 29:18

– Хүнэй үри Эзэкээл! Вавилооной Навуходоносор хаан Тиир хотодо добтолоо. Ехэ ашаа үргэн ябахыень сэрэгээ баадхахадань, сэрэгшэдэйнь толгой хүндэ ашаанһаа халзан болоо, дала мүрэнүүдынь шалзараа. Гэбэшье Навуходоносор болон сэрэгынь хото эзэлжэ шадабагүй.

Эзэкээл 29:20

Минии захиралтануудые дүүргэһэнэйнь түлөө Би тэрээндэ Египедые дамжуулхаб. Энэ болбол Би, Эзэн Бурхан, айладхаа мүн!