Исай 66:24 - Библи

²⁴ Гэртээ харихаяа гаража байхадаа тэдэ Минии урдаһаа эсэргүүсэһэн зоной хүүрнүүдые хараха. Тэдэниие эдигшэ хорхойнууд хэзээдэшье үхэхэгүй, тэдэниие шатаагша гал дүлэн хэзээдэшье унтархагүй. Бүхы зон жэрхэн, эдээниие харан байха».

Исай 66:24 ပူးပေါင်းရင်းမြစ်များ

Псалманууд 110:6

Тэрэ хадаа үндэһэтэдэй угай зөөри – орон нютагыень Өөрын арад түмэндэ эзэмшүүлжэ, ל Лаамэд Өөрын хэрэгүүдэй хүсэ шадалые элирхэйлээ. מ Мээм

Исай 1:28

Буһалгаалагшад, нүгэлтэй зон усадхагдаха, Эзэниие мартагшад һалаха.

Исай 1:31

Хатаһан набша намаагай ошонһоо аһажа-шатажа байһандал, хүсэ шадалтай зоншье муу муухай хэрэгүүдэйнгээ хэмээр усадхагдажа эхилхэ, хэншье энэ гай тодхор саража-болюулжа шадахагүй.

Исай 14:11

Ятагай хүгжэмөөр дууряагдан, үхэлэй орон руу доошоо буулгагдаһан, хорхойнуудаар хүреэлэгдэһэн тухайнь тэдэ дуулана.

Исай 24:20

Газар дэлхэй архинша мэтэ гуйбалзан найгана, үхибүүнэй үлгыдэл һэнжэлзэнэ. Нүгэл хилэн дээрэнь улам хүндэ боложо байна, тиимэһээ газар унажа, дахин хэзээдэшье бодохогүй!

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 34:10

Энэ үдэршье, һүнишье унтархагүй, утааниинь хэтэ мүнхэдөө дээшээ һуунагтан байха. Энэ орон нютаг үеһөө үедэ эзэгүйрэн, хэншье хэзээдэшье тэрээгүүр ябахагүй.

Исай 34:3

Алуулһан бэенүүдынь хүдөөлүүлэгдэнгүй, үмхэй үнэр гаргажа хэбтэхэ. Тэдэнэй шуһанда хада ууланууд нэбтэрэн нэбшэн байха.

Исай 48:22

«Хара һанаатай зондо амар амгалан байдал үзэгдэхэгүй!» – гэжэ Эзэн айладхана.

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 51:8

Хибэндэ эдюулһэн хубсаһан мэтэ, хорхойдо эдюулһэн нооһон мэтэ тэдэ үгы болохо. Харин Минии илалта хэтэ мүнхэдөө мандаха, Минии абарал үеһөө үедэ дамжан байха».

Исай 65:15

Минии һунгаһан зон танай нэрэ хараал мэтээр хэлэдэг болохо. Би, Эзэн Бурхан, таанадые хюдахаб. Харин Намда һүгэдэн мүргэдэг зондо шэнэ нэрэ үгэхэб.

Исай 66:16

Эзэн дэлхэйн бүхы амин голтойшуулые гал дүлэнөөр, эритэ һэлмээр шүүбэрилхэ, олохониинь Тэрээндэ усадхагдаха.

Даниил 12:2

Газарай шорой соо унтажа байгааша зоной олонхинь тиихэдэ нойрһоо һэрихэл: заримань хэтэ мүнхэ ами наһатай болохо, нүгөөшүүл хэтэ мүнхэдөө нэрээ хухарха, хүндэгүй болохо.

Захарияа 14:12

Иерусалимда эсэргүү дай үүдхэһэн арад түмэниие Эзэн хэһээхэ. Тэдэнэй хүл дээрээ ябаһаар байтарынь, мяхан бэень шалзаржа, нюдэниинь улхархайдаа, хэлэниинь аман соогоо үжэжэ эхилхэ.

Матвей 3:12

Тэрэ таряагаа сэбэрлэхээр хүрзэеэ гартаа адхаад байна: таряагаа суглуулжа амбаартаа хадагалха, харин мэхиинэ һолоомыень залиршагүй галда шатааха.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.