Исай 66:22 - Библи

²² Минии бүтээхэ шэнэ тэнгэри, шэнэ газар хэтэ мүнхэдөө байха гэдэгтэл, таанадай уг удам, нэрэтнай хэтэ мүнхэдөө үлэхэ.

Исай 66:22 ပူးပေါင်းရင်းမြစ်များ

Исай 48:19

Үри һадаһадтнай элһэн мэтэ тоо томшогүй, уг удамтнай орооһон мэтэ тоолошогүй байха байгаал! Тэдэнэй нэрэ Минии урда үгы болохогүй, хосорхогүй байгаал!

Исай 51:16

Таанадта Өөрынгөө һургаал дамжуулааб, гараараа таанадые халхалан аршалааб. Би огторгойе татажа, газарай һуури табин, Сиондо «Таанад Минии арад түмэн гээшэт!» гэжэ айладхааб.

Исай 53:10

Тэрэниие усадхаха гэжэ Эзэн хүсөө, зоболон тохоо. Нүгэлэй түлөө ами наһаяа үргэхэдөө, Тэрэ уг удамаа харахал, Өөрын үдэрнүүдые утадхахал, Тэрэнэй аргаар Эзэнэй хүсэл бэелүүлэгдэхэ.

Исай 56:5

таанадай нэрэнүүдые Минии нангин үргөө соо удаан сагта дурдан байха, үхи хүүгэдтэй байжа, нэрэеэ нэрлүүлһэнһээ үлүүгээр таанадые хэтэ мүнхэдөө зон дурдахал».

Исай 59:21

Би тэдэнтэй энэ хэлсээ баталхаб. Шам дээрэ оршогшо Минии Һүлдэ, амандашни Минии хэгшэ үгэмни хододоо шинии, үри һадаһадайш, тэдэнэйшье уг удамай аманда мүнөөнһөө эхилэн хэтэ мүнхэдөө оршог!»

Исай 61:8

Эзэн иигэжэ айладхана: «Би зүб шударга ёһо гуримда дуратайб, дарлалта, дээрмэдэлгэ үзэн ядадагби. Хэһэн хэрэгүүдэйнь хэмээр шагнал Өөрын арадта үгэхэб, хэтэ мүнхын хэлсээ тэдээнтэй баталхаб.

Исай 61:9

Үндэһэ яһатадай дунда тэдэ мэдээжэ болохо. Тэдэниие хараһан хүн бүхэн Эзэнэй юрөөһэн арад түмэн гэжэ ойлгохо».

Исай 65:17

Эзэн иигэжэ айладхана: «Харагты, Би шэнэ огторгой, шэнэ газар бүтээнэб. Урданай юумэн һанаандашье орохогүй.

Исай 65:22

Ондоо хүн тэрэ бариһан гэрнүүдтэнь ажаһуухагүй, ондоо зон тариһан мододһоонь эдижэ байхагүй. Мододтол адли, зомни удаан ажаһууха, ажалайнгаа үрэ шэмэ өөһэдөө эдлэхэ.

Исай 65:23

Тэдэ дэмы хооһон ажаллахагүй, түрэһэн үхи хүүгэдынь зоболонтой ушархагүй. Би тэдэниие мүн уг удамынь саашанхи үе сагуудта юрөөхэб.

Ерэмияа 33:20

– Үдэр, һүни тухай Би зарлиг гаргааб, тэдэ саг соогоо ерэдэг байха. Зарлиг хэзээдэшье хазагайруулагдахагүй.

Ерэмияа 33:21

Тон тиимэ хэлсээ Өөрын албатан Давидтай баталааб, тэрэ хаан болохо уг удамтай хододоо байха. Левит санаартадтай тон тиимэ хэлсээ баталааб, тэдэ Намда алба хэдэг байха. Эдэ хэлсээнүүд хэзээдэшье эбдэгдэхэ ёһогүй.

Цэпаанияа 3:20

Тэрэ сагай мандахада таанарые суглуулан асархаб, хараһаар байтартнай сүлэлгэһөө таанадые бусаахаб, тиигээд дэлхэйн арадуудай дунда хүндэ ямбатай, нэрэ түрэтэй болгохоб!» Эзэн иигэжэ айладаал!

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Пётрой 2-дохи хандалга 3:13

Тиихэдэ бидэ Бурханай найдуулһан ёһоор ажамидарха шэнэ огторгой ба шэнэ газар дэлхэй хүлеэжэ байнабди.

Гэршэлгэ 21:1

Тиигээд би шэнэ тэнгэри, шэнэ газар хоёрые харабаб. Түрүүшын тэнгэри, түрүүшын газар хоёр хэтэ заяанда үгы болоо, далайшье хосороо.