Исай 66:16 - Библи

¹⁶ Эзэн дэлхэйн бүхы амин голтойшуулые гал дүлэнөөр, эритэ һэлмээр шүүбэрилхэ, олохониинь Тэрээндэ усадхагдаха.

Исай 66:16 ပူးပေါင်းရင်းမြစ်များ

Исай 10:4

Алуулхат, үгышье һаа, баряанда абтахат. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байха.

Исай 27:1

Тэрэ үдэр зугадагша могой Левиатаниие, мушхардаг могой Левиатаниие – далайн абарга лууе Эзэн асари томо, үхэлтэ һэлмээрээ сабшан хюдаха.

Исай 3:13

Эзэн зарга мэдүүлхэеэ бодожо, арадуудые шүүхэеэ зэһэбэ.

Исай 30:30

Эзэн һүрдэмэ шанга хоолойгоор бужаганажа, гараа һунган сохихо. Уур хилэнгынь угаа ехэ, үрэбхилдэг галай дүлэн дүлэгэнэхэ. Шуурган, үер, мүндэр орожо эхилхэ!

Исай 31:8

Эзэн иигэжэ айладхана: Ассири дайн дажарай үедэ диилдэхэ, харин хүнэй хүсэ шадал тэрэниие диилэхэ бэшэ. Ассириин улад зон байлдаанһаа зугадан гүйхэ, залуушуулынь богоолнууд болохо.

Исай 34:2

Эзэн бүхы үндэһэ яһатанда, тэдэнэй бүхы сэрэгтэ уурлаад байна. Тэдэниие хосорхо гээд Тэрэ шиидхээ.

Исай 65:12

һэлмээр сабшагдан үхэхэ үхэл бэлдэнхэйб. Таанадые үбдэглүүлээд сабшаха! Минии дуудахада, харюусаагүйт, айладахадамни, дуулаагүйт. Таанад муу хэрэг үйлэдэн, Намда таарамжагүй юумэ шэлэһэн байнат.

Ерэмияа 25:31

Дэлхэйн заха хүрэтэр абяаниинь сууряатаха. Эзэн үндэһэтэдэй урдаһаа тулгаха, бүхы зониие шүүбэрилхэ, хорото муу зониие дайнда һалгааха. Энээниие Эзэн айладхаа!

Ерэмияа 25:33

Тэрэ үдэр Эзэндэ хюдагдаһан зоной бэенүүд дэлхэйн нэгэ захаһаа нүгөө хүрэтэр таранхай хэбтэхэ. Хэншье тэдэнэй хойноһоо гашуудахагүй, тэдэниие суглуулхагүй, хүдөөлүүлхэгүй. Газарай хүрьһэн дээрэ үтэгжүүл мэтэ тэдэ хэбтэхэ.

Ерэмияа 45:5

Ши гансал өөртөөл эмшэлгэ, арга эринэ гүш? Бү тиигэ. Хамаг амитанда гай тодхор татахадам, ши амиды мэндэ хаанашье ябахаш. Энэ болбол Би, Эзэн, айладхана мүн!

Ерэмияа 46:15

Хүсэтэй эрэшүүлшни юундэ унааб? Эзэн тэрэниие унагаагаа.

Эзэкээл 28:18

Аралжаа наймаа хэхэдээ оло дахин зониие мэхэлжэ, ши нангин ордонуудаа бузарлааш. Тиимэһээ Би хотыеш галдажа, дууһан шатаагааб. Хотыншни оршодог байһан газарай мүнөө гансал үнэһэн тобороог болоод байһые хүн бүхэн харана.

Эзэкээл 38:17

Эзэн Гоогто айладхаба: «Үни урда сагта лүндэншэдөө эльгээжэ, добтолхоо зэһээд байһан дайсад тушаа Израилиин арад түмэниие һэргылхыень даагша һэм. Гоог, ши хадаа тэрэ дайсан гээшэш.

Эзэкээл 5:15

Минии шамайе шүүбэрилжэ, уурлан, сухалдан, хэһээн байхада, тойроод шамайе байгааша бусад арадууд һүрдэхэ. Тэдэ ехэ бузартай юумэ хараһандал шам руу хаража, шоо үзэн наадалха. Энэ болбол Би, Эзэн, айладхаа мүн!

Ёһээл 3:2

Би бүхы үндэһэтэниие суглуулан, Ёшапаадай хүндыдэ асархаб. Тиигээд Би Өөрын угай түлөө, Минии арадые ондоо угсаатанай дунда тараан үлдэжэ, Минии газар хубааһанайнь түлөө заргалан, тэдэ арадуудай хэрэг шүүхэб.

Амоос 7:4

Эзэн Бурхан намда иимэ юумэ үзүүлээ: Тэрэ гал бороо дуудана хэбэртэй. Тэнгис далай дүрэлзэбэ, хубинь шатажа дууһаба.

Наум 3:15

Теэд энэ ямаршье туһагүй, юуб гэхэдэ, тэндэ ши гал дүлэндэ шатахаш, һэлмэдэ сабшагдахаш, бүхы ургаса таршаа шумуулда дууһан эдигдэдэгтэл, ши оро һэегүй үгы болохош.

Наум 3:3

Моритой зон шуумайжа, һэлмэнүүд ялалзажа, жаданууд туяарна. Үхэгшэд олон, обоо хүбөө хүүрнүүд. Тоо томшогүй олон хүүрнүүдтэ сэрэг бүдэржэ байна.

Захарияа 14:5

«Минии уулын хүндыгөөр таанар зугадаха болонот, уулын хүнды Ацээлдэ хүрэхэ юм. Иудын хаан Уззияагай байха үедэ газарай хүдэлэлгэһөө тэрьелһэн шэнги тэрьелхэт». Тиин минии Бурхан болохо Эзэн заларха, Тэрээнтэй хамта хамаг гэгээн сэрэгынь ерэхэ.