Исай 66:15 - Библи

¹⁵ Үзөөрэйгты, Эзэн гал дүлэн мэтэ бууха. Уурлаһан зоноо хэһээхэеэ Тэрэ шуурган һалхин мэтэ шуумайха.

Исай 66:15 ပူးပေါင်းရင်းမြစ်များ

Псалманууд 11:6

Эзэн «Үгытэйшүүлэй хооһорхо, ядуу зоной ёолохо абяанһаа боложо Би мүнөө бодохоб. Хүсэһэнэйнь ёһоор аюулгүй газарта абаашахаб!» гэнэ.

Псалманууд 18:9

Эзэнэй захиралтань зүб, зүрхэ баясуулдаг, һургаал заабаринь һаруул тодорхой, нюдэ онгойлгодог.

Псалманууд 21:9

«Тэрэ Эзэндэ этигэдэг байгаа, тиимэ хадань Эзэниинь лэ абараг! Тэрээндэ Эзэн дуратай һаа, абараг!»

Псалманууд 50:3

Бурхан, энэрэл хайраараа Та намайе хайрлыт! Үршөөл ехэтэй Та алдуу эндүүем арилгыт!

Псалманууд 68:17

Та үнэн сэхэ ба энэрхы сэдьхэлтэйт, намда харюусыт! Угаа ехэ үршөөлтэй Та нам руу эрьеыт!

Псалманууд 97:3

Тэрэ энэрэл хайраяа, Израилиин зондо үнэн сэхэеэ һанаа. Дэлхэйн заха хизаарай бүхы зон манай Бурханай абаралые хараа.

Исай 10:17

Израилиин Гэрэл Бурхан гал дүлэн болохо. Израилиин арюун Бурхан гал дүлэн боложо, нэгэ үдэр тэдэниие – үүргэнэ, халаахайе шатааха!

Исай 26:11

Эзэн! Та гараа далайгаад байнат, харин тэдэ энээниие харанагүй. Танай арад түмэнөө халхалан байхые үзэхэдөө тэдэ эшхэбтэр байдалда орохо! Тэдээндэ бэлдээтэй гал дүлэн дайсадыетнай үрэбхихэ!

Исай 30:30

Эзэн һүрдэмэ шанга хоолойгоор бужаганажа, гараа һунган сохихо. Уур хилэнгынь угаа ехэ, үрэбхилдэг галай дүлэн дүлэгэнэхэ. Шуурган, үер, мүндэр орожо эхилхэ!

Исай 30:33

Ассириин хааниие асари ехэ галда шатааха газар үнинэй бэлдэгдэнхэй. Тэрэ газар гүнзэгы, үргэн. Тэндэ үндэрөөр ябталаатай түлеэе шатаахын тула Эзэн гал дүлэ аманһаа гаргаха!

Исай 31:9

Ехэ айн-һүрдэн, тэдэнэй хэрэм бутаран унаха, ударидагшадынь зугадаха, байлдаанай тугһаа айха. Энэ болбол Иерусалимда тахилгатай, Сион дээрэ үргэлэй галтай Эзэн тунхаглаа мүн!

Исай 5:25

Эзэн Өөрын арад түмэндэ уур сухал боложо, гараа тэдээн руу һунгажа, сохихо! Хада ууланууд доһолжо, үхэһэн зоной хүүрнүүд бог шорой мэтэ үйлсэнүүдээр хэбтэхэ. Энээнэй удаашье Тэрэнэй уур хилэн унтархагүй, гарынь һунгаатай зандаа байха!

Исай 5:28

Тэдэнэй годлинууд хурса, һурша номынь татаатай. Моридойнь туруунууд сахюур шулуун мэтэ хатуу, тэргынь мөөрнүүд хуй һалхин мэтэ.

Исай 51:20

Урьхада ороһон зээрэн мэтэ, гудамжын уулзуур бүхэндэ улад зоншни хүсөө баранхай хэбтэнэ. Эзэнэй уур хилэнгые тэдэ дүүрэн амасаа, Бурханайшни шангархань аймшагтай!

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Ерэмияа 4:3

Иудын хан түрын болон Иерусалимай арад зондо Эзэн иигэжэ айладхана: – Шэнээр газар хахалагты, хадхууртай үрмэдүүлэй дунда бү таригты.

Ерэмияа 46:15

Хүсэтэй эрэшүүлшни юундэ унааб? Эзэн тэрэниие унагаагаа.

Эзэкээл 38:17

Эзэн Гоогто айладхаба: «Үни урда сагта лүндэншэдөө эльгээжэ, добтолхоо зэһээд байһан дайсад тушаа Израилиин арад түмэниие һэргылхыень даагша һэм. Гоог, ши хадаа тэрэ дайсан гээшэш.

Эзэкээл 5:15

Минии шамайе шүүбэрилжэ, уурлан, сухалдан, хэһээн байхада, тойроод шамайе байгааша бусад арадууд һүрдэхэ. Тэдэ ехэ бузартай юумэ хараһандал шам руу хаража, шоо үзэн наадалха. Энэ болбол Би, Эзэн, айладхаа мүн!

Даниил 11:40

Бурханай тодорхойлһон сагай эсэс болоходо урда зүгэй хаан тэрээндэ добтолхо. Теэд хойто зүгэй хаан дайшалхы тэргэнүүдээрээ, морин сэрэгээрээ, олон онгосоороо шуурган мэтэ тэрээнэй урдаһаа шуумайха. Тэрэ үер мэтэ олон орон нютагуудаар гаража,

Даниил 7:10

Тэрээнһээ гал дүлэн гол мэтэ урдажа байгаа. Мянганай мянган Тэрээндэ алба хэжэ, түмэнэй түмэн урдань зогсожо байгаа. Шүүбэрилэгшэд һуужа, номууд нээгдэбэ.

Һошээ 8:7

Орооһоной орондо хооһон һалхи тариһандаа таанад хуй һалхи хуряажа абахат! Таряан ургахагүй, ямаршье үрэжэлгүй, хооһон таряан байха. Теэд нэгэ тэды таряанай ургабал, хариин зон тэрэниие хуряан абахал!

Амоос 7:4

Эзэн Бурхан намда иимэ юумэ үзүүлээ: Тэрэ гал бороо дуудана хэбэртэй. Тэнгис далай дүрэлзэбэ, хубинь шатажа дууһаба.

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Аввакуум 3:8

Моридоо унаад, абаралай тэргэнүүдтээ залараад ерэһэнтнай гол мүрэнүүдтэ сухалдаһандаа, үгышье һаа, далайда уурлаһандаа гэжэ гү?

Захарияа 6:1

Дахяад дээшээ харахадам, хоёр хадын хоорондохи хабшалһаа дүрбэн дайшалхы тэргэ гаража ябаба. Тэдэ хадануудынь үргэлжэ зэд байба.

Матвей 22:7

Хаан энээн тухай дуулахадаа уурлаад, сэрэгээ эльгээжэ, тэдэ алууршадые хюдаба, хото шэбээнүүдыень шатаажа усадхаба.

Хуули дабталга 28:20

Муу муухай хэрэг хэһэнэйтнай – Өөрыень орхиһонойтнай түлөө Тэрэ таанадта удахагүй һалатартнай, үхэтэртнай хараалай муу хараал, үймөөн һандарал, хэһэн хэрэг бүхэндэтнай гай тодхор эльгээхэ.

Пётрой 2-дохи хандалга 3:7

Харин мүнөө оршожо байһан огторгой дэлхэй хоёр галда һүнөөлгэхын тула тэрэл Бурханай үгөөр хадагалагдана. Тэдэнэр Бурханиие буруушааһан хүнүүдэй шүүбэрилүүлжэ хосорхо Зарга шүүбэриин үдэрэй ерэтэр хадагалагдажа байха.