Исай 66:14 - Библи

¹⁴ Энээниие харахадаа, сэдьхэлтнай баясаха, бэе тамиртнай зүлгэ ногоондол һалбаран, элүүр энхэ болохот. Минии, Эзэнэй, үгэ дуулагша зондо туһалдагыем, дайсадтаа уур хилэнгээ харуулдагыем ойлгохот».

Исай 66:14 ပူးပေါင်းရင်းမြစ်များ

Эзраа 7:9

Нэгэдэхи һарын нэгэнэй үдэр Вавилоонһоо гараад, табадахи һарын нэгэнэй үдэр Иерусалим хото хүрэхэдөө, тэдэнэр Түгэс Хүсэтэ Бурханайнгаа харууһан доро ябаа.

Эзраа 8:18

Бурханаймнай манаа хаража байһан тула Маһлиигэй хүбүүдэй нэгэн болохо Шэрээбияа гэжэ сэсэн хүниие хүбүүдтэйнь, аха дүүнэртэйнь хамта арбан найман хүниие манда эльгээбэ. Маһлиинь Левиин хүбүүдэй нэгэн, Левиинь Израилиин.

Эзраа 8:22

Замда ушарһан дайсадһаа маниие хамгаалха сэрэг хаанһаа эрихэеэ эшэдэһэмни хүрөө һэн. Юуб гэхэдэ, «Манай Бурхан Тэрээндэ мүргэн һүгэдэгшэдтэ бултандань туһалдаг, харин буруу харагшадта уураа хүсэн түгэсөөр харуулдаг» гэжэ хаантай хөөрэлдэхэдөө хэлэһэн байгаа бшууб.

Эзраа 8:31

Нэгэдэхи һарын арбан хоёрой үдэр Аһаваа голһоо бидэ Иерусалим ошохо замдаа гарабабди. Бурхамнай мантаяа һэн тула харгыдамнай отоһон дайсадһаа маниие ходо абаржа ябаа.

Һургаал 17:22

Сэдьхэлэй баяр баясхалан эмдэ адли туһатай. Уйдхарта абталга яһа хатааһан үбшэнтэй адли.

Һургаал 3:8

Энэ хадаа бэедэшни эм болохо, яһышни бэхи болгохо.

Исай 10:5

Эзэн иигэжэ айладхаба: «Оо, Ассири! Сухалым хүргөөһэн зониие Ассириин гараар, ташуур мэтээр тэрэниие хэрэглэн, хэһээхэм.

Исай 13:5

Тэрэ сэрэгынь алас холын орон нютагуудһаа, тэнгэриин хирхагһаа ерэнэ. Бүхэли орон нютаг һалгааха гэжэ Эзэн уур хилэнсэглэн ерэжэ байнал.

Исай 26:19

Үхэһэн зомнай дахин амидырха! Хумхаа тооһон бологшод һэргэн бодожо, баяртай дуулалдаха. Газар дайдые шүүдэрэй һэргээдэгтэл, Эзэн нүгшэһэн зониие амидыруулха!

Исай 26:20

Минии арад түмэн, гэртээ орожо, үүдэеэ хаагты. Эзэнэй уур хилэнгэй үнгэртэр түр зуура бэеэ нюугаад байгты.

Исай 30:27

Аяар холоһоо Эзэнэй нэрэ дүтэлжэ байна. Уур хилэнгынь галаар бадаржа, дүлэнгынь угаа шанга. Аманиинь хилэнгээр дүүрэнхэй, хэлэниинь үрэбхидэг галдал мэтэ!

Исай 33:20

Сион руу харыт! Найр наадаяа һайндэрлэдэг хото руугаа харыт! Иерусалим руу анхаралаа хандуулан ажаглыт! Ямар энхэ амгалан газар, хэзээшье хухархагүй гадаһануудтай, нэгэшье аргамжань таһархагүй майхандал адли тэрэ гээшэб!

Исай 34:2

Эзэн бүхы үндэһэ яһатанда, тэдэнэй бүхы сэрэгтэ уурлаад байна. Тэдэниие хосорхо гээд Тэрэ шиидхээ.

Исай 35:2

Зэлүүд хооһон газар сэнгэн баясажа, баяртайгаар хашхаран хуугайлан байха. Ливаанай хада ууладал энэ угаа һайхан, Кармээл болон Шарооной таряалангуудтал үрэжэлтэ баян болохо. Хүн бүхэн Эзэнэй ялас гэмэ оршол, һүр жабхалан адаглан хараха.

Исай 41:20

Зон энээниие хаража, Минии, Эзэнэй, хэһые мэдэдэг болохо. Израилиин арюун Бурхан болохо Минии энээниие хэһые тэдэ ойлгохо.

Исай 42:13

Эзэн сэрэгшэ мэтэ урагшаа гаража, дай үүдхэхээр бэлэн байхал. Байлдаанай дуу шангаар хашхаран, дайсадтаа хүсэ шадалаа элирхэйлхэ.

Исай 58:11

Тиихэдэ Би таанадые хододоо ударидажа, ган гасуурайшье үедэ хэрэгтэй юумээртнай хангажа, бэеытнай шанга болгожо байхаб. Таанад уһалһан сэсэрлиг мэтэ, шэргэшэгүй булаг мэтэ болохот.

Исай 59:18

Тэрэ дайсадаа хэһэн хэмээрнь хэһээхэ, аяар холын орон нютагуудаар ажаһуугшадыешье мартангүй хэһээхэл.

Исай 66:5

Эзэнһээ айдаг, үгыень дууладаг зон, Тэрэнэй иимэ үгэ шагнагты: «Намда этигэдэг байһандатнай танай арад зоной заримашуул таанадые үзэн ядажа, харшална. Эзэн Өөрынгөө хүсэ шадал харуулаг лэ, таанадые манай хараһаар байтар абараг лэ, баярлахыетнай харахабди гэжэ тэдэ хэлэнэ. Тэдэ эшхэбтэр байдалда орохо!

Захарияа 10:7

Эпрааим хүсэрхэг эрэ боложо, үзэмэй дараһан архи ууһан мэтэ баясаха. Хүүгэдынь энээниие харахадаа хүхижэ, тэдэнэй зүрхэ сэдьхэлые Эзэн баярлан хөөрүүлхэ.

Малаахи 3:18

Тиихэдэ таанар дахяад Намда ерэхэт, һайн муугай, зүб буруугай хоорондохи илгаа, Бурханда һүгэдэдэг үнэн шударга хүнэй ба нүгэл үйлэдэгшын хоорондохи илгаа ойлгохот.

Иоанн 16:22

Тэрээндэл адляар мүнөө таанадшье уйданат, харин дахин таанараа харахадамни зүрхэ сэдьхэлтнай баяраар дүүрэхэ, тэрэ баясхалангыетнай хэншье бууруулжа шадахагүй.

Еврейнүүдтэ 10:27

Тиимэһээ зарга шүүбэриин болохые, Бурханда эсэргүүсэһэн хүнүүдые һүнөөхэ дошхон галые аймшагтайгаар хүлеэхэмнай үлэнэ.