Исай 66:12 - Библи

¹² Эзэн иигэжэ айладхана: «Би таанадта гол мэтээр амгалан тайбан байдал, үндэһэ яһатанай эд баялигуудые урдахуулхаб. Тэжээлгэжэ, эхынгээ гар дээрэ үргэгдэн, үбдэг дээрэнь энхэрүүлэн байгааша үхибүүндэл адли таанад болохот.

Исай 66:12 ပူးပေါင်းရင်းမြစ်များ

Исай 14:2

Орон нютагтаа бусахадань олохон арадууд Израильда туһалха. Тиигээд Эзэнэй тэрэ газар нютагта тэдэ арадууд Израилиин богоолнууд болохо. Израилиие баряанда барижа байгаашад өөһэдөө баряанда баригдаха, дарлагшадаа тэдэ өөһэдөө дарлаха болоно.

Исай 26:3

Бурхан, Тандаа этигэдэг, хатуу зоригтой зондо Та тэгшэ энхэ тайбан байдал үршөөнэт.

Исай 33:21

Тэндэ бидэнтэй хамта агууехэ Эзэн заларха, тэрэ газарта урасхалнууд, үргэн гол мүрэнүүд байха, гэбэшье тэндэ уһа һэлигшэдтэй онгосонууд тамаран ерэхэгүй, мантан уһанай онгосо тиишээ тамаран орожо шадахагүй.

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 48:18

Хэрбээ Минии захяа заабаринуудта анхаралаа хандуулдаг һаатнай, үршөөлнүүд гол мүрэн мэтэ таанад руу урдаха байгаа, далайн долгид мэтээр буян таанадта ерэхэ һэн.

Исай 54:13

Улад зониишни һургажа, урагшатай бэрхэнүүд болгохоб.

Исай 54:3

Таанад хилэнүүдээ алишье талаһаань үргэдхэхэт. Ондоо үндэһэ яһатанай газар дайдые уг удамтнай эзэлхэ, хаягдаһан хотонуудта һуурижаха.

Исай 59:19

Зүүн зүгһөө баруун зүг хүрэтэр бүхы зон Тэрээнһээ, асари ехэ һүр һүлдэһөөнь айха. Голой урасхал, шанга һалхин мэтэ Тэрэ буухал.

Исай 60:16

Эхын нарай нялхаяа хүхөөрөө тэдхэдэгтэл, үндэһэ яһатад шамайе тэдхэн байха, хаашуулынь тэдхэгшэдшни болохо. Иигэжэ Минии, Эзэнэй, таанадай Абарагша, Яковай Хүсэтэ Бурхан байһые мэдэхэш.

Исай 61:6

Харин таанад Эзэнэй санаартад, манай Бурханай зарасанар гэжэ нэрлэгдэн, бусад арадуудай баялиг эдлэн, тэдэнэй алдар соло таанадта хүртэхэ.

Исай 66:11

Тэрэнэй һэргэн һалбарһанда таанад эхынгээ хүхэ хүхэжэ байһан үхибүүндэл һанаагаа амаран, баясахат.

Исай 9:6

Бидэндэ үхибүүн түрэбэ! Бидэндэ хүбүүн үгтэжэ байна. Тэрэ манай удамарша болохо. Тэрэ Гайхамшагта үзэгдэл Түсэблэгшэ, Хүсэтэ Бурхан, Хэтэ мүнхэ Эсэгэ, амгалан байдалай Ударидагша гээд нэрлэгдэхэ.

Исай 9:7

Тэрэнэй засаглалга, түлөөлгэ бүри ехэ боложол байха. Хан түрэнь хододоо амгалан тайбан байха. Тэрэ Давид хаанай үри һадаһан. Энэ сагһаа эхилжэ хэтэ мүнхэдөө Тэрэ үнэн шударга, үнэн зүбые баримталан хүтэлбэрилхэ. Түмэн Сэрэгтэ Эзэн энээниие бэелүүлхэ ехэ һанаатай.

Ерэмияа 33:6

Теэд Би энэ хотые болон ажаһуугшадыень аргалхаб, элүүр энхэ болгохоб. Амар амгалан байдал, аюулгүй байдал тэдээндэ үршөөхэб.

Хаггай 2:9

Шэнэ Һүмэ хуушан Һүмэдэ орходоо бүри алдар суутай байха гэжэ Би найдуулнаб. Энэ газарай улад зондо амгалан тайбан байдал Би үршөөхэб. Энэ болбол Би, Түмэн Сэрэгтэ Эзэн, айладхана мүн!»