Исай 66:10 - Библи

¹⁰ Иерусалимда дуратай зон, тэрээнтэй баясан сэнгэгты! Тэрэнэй түлөө һанаагаа зобогшод, булта тэрээнтэй хамта баясан жаргагты!

Исай 66:10 ပူးပေါင်းရင်းမြစ်များ

Псалманууд 137:6

Эзэн хэды дээгүүр үндэршье һаа, дорой байдалтай хүниие анхардаг, бардам хүниие холоһоошье мэдэдэг.

Псалманууд 26:8

«Намайе харахаяа эрмэлзэгты!» гэһэн Танай үгэнүүдые һананаб. Эзэн, Тан руу би шармайнаб.

Исай 25:9

Эдэ бүгэдын тохёолдоһон үдэр зон иигэжэ хэлэхэ: «Энэл даа, манай Бурхан! Тэрээндэ этигэн найдаа бэлэйбди, тиихэдэмнай Тэрэ маанадые абараа. Энэл даа, Эзэн! Бидэ Тэрээндэ этигэн найдаа һэмди, маанадые абарһандань баясан сэнгэел!»

Исай 35:2

Зэлүүд хооһон газар сэнгэн баясажа, баяртайгаар хашхаран хуугайлан байха. Ливаанай хада ууладал энэ угаа һайхан, Кармээл болон Шарооной таряалангуудтал үрэжэлтэ баян болохо. Хүн бүхэн Эзэнэй ялас гэмэ оршол, һүр жабхалан адаглан хараха.

Исай 44:23

Эзэнэй хэрэгүүдые бүтээһэндэ огторгой, баярлан хашхарыш! Газарай гүн газарнууд, хашхаралдагты! Уула хаданууд, ой модон, ойн бүхы модод, баясан хашхарагты! Эзэн Яковые абараа, Израилиие абаран алдаршаа!

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 65:18

Таанад Минии бүтээжэ байгаа юумэндэ хүхилдэн, хэтэ мүнхэдөө баясан байхат. Минии бүтээжэ байгааша Иерусалим хүхюун зугаагаар билтаржа, арад зониинь баяраар халин байха.

Исай 9:3

Бурхан, Та үндэһэ яһатаниие олошоруулаат, ехэ баяр тэдээндэ түхөөгөөт. Зон олзо хубааха үедэ баярладаг мэтэ, Танай урда ургаса хуряан баярлана.

Эзэкээл 9:4

Тэрээндэ Эзэн иигэжэ айладхаба: – Иерусалим хотые бүхыдэнь ябажа, хото соо боложо байгааша жэгшүүритэй муухай хэрэгүүдые буруушаан, һанаагаа зобожо байгааша зониие шэлэн, магнай дээрэнь тэмдэг таби.

Хуули дабталга 32:43

Бусад яһатад, Бурханай арадтай хамта баярлагты! Юуб гэхэдэ, зарасануудыень алаһан зондо Тэрэ хэһээлтэ амасуулдаг, тэдэнэй түлөө дайсадһаа үһөөгөө абадаг, Өөрынгөө газарай, арад зоной нүгэл хүлисэн арюудхадаг.