9 Яковта үри үршөөхэб. Иудын уг удамынь хадалиг Минии орон нютагые үеһөө үедэ эзэлэн байха. Намда мүргэдэг зон тэндэ ажаһууха.
Ерэхэ сагта Израилиин улад зон, Яковай үри һадаһад, модон мэтэ үндэһэлжэ, сэсэглэжэ, үрэ үгэхэ. Бүхы юртэмсэ тэдэнэй жэмэсээр дүүрээд байхал.
Сион дээрэ, Иерусалимда ажаһуугша арад! Танай нёлбоһод хатаха. Абарал тушаа гуйхадатнай, Эзэн таанадта туһалха, таанадые дуулажа, харюу үгэхэ.
Бурханай арад түмэн һанаа амархан, энхэ тайбан, аюул гээшые мэдэнгүй гэрнүүдтээ ажамидарха.
Би нюусаар айладана бэшэб, харанхы газарта бэшэ. «Хооһон газарта Намайе бэдэрэгты!» гэжэ Яковай үри һадаһадта айладаа бэшэб. Би Эзэн мүн! Би үнэн шударга зүйл айладанаб, үнэн сэхые тунхагланаб!
Израилиин бүхы уг удам Минии, Эзэнэй, һайгаар зүб болохо, алдаршуулагдаха!»
Эзэн Өөрын арад түмэндэ иигэжэ айладхана: Таарамжатай сагай ерэхэдэ, Би шамда харюу үгэхэб, абарха үдэрэй ерэхэдэ, Би шамда туһалхаб. Таанадые хамгаалхаб, таанадаар дамжан, бүхы арадуудтай хэлсээ баталхаб. Хооһорһон газар дайдаяа һэргээхые Би таанадта зүбшөөхэб.
Орилжо байхадатнай шүтөөнүүд таанадта туһалаг лэ! Һалхин тэдэниие бултыень хиидхүүлхэ. Харин Намда этигэгшэд газар дэлхэйе эзэмдэхэ, Минии нангин уулые эзэлэн байха юм».
Удаань бүхы арад зоншни гансал зүб шударга хэрэг үйлэдэн байха, газарые хэтэ мүнхэдөө эзэмдэхэ. Намайе алдаршуулхын тула Би тэдэниие таряа, бүтээгээ бэлэйб.
Минии һунгаһан зон танай нэрэ хараал мэтээр хэлэдэг болохо. Би, Эзэн Бурхан, таанадые хюдахаб. Харин Намда һүгэдэн мүргэдэг зондо шэнэ нэрэ үгэхэб.
Ондоо хүн тэрэ бариһан гэрнүүдтэнь ажаһуухагүй, ондоо зон тариһан мододһоонь эдижэ байхагүй. Мододтол адли, зомни удаан ажаһууха, ажалайнгаа үрэ шэмэ өөһэдөө эдлэхэ.
Арадуудай дундаһаа таанадые суглуулан, өөрынтнай газар руу асархаб.
Тэрэ сагай мандахада таанарые суглуулан асархаб, хараһаар байтартнай сүлэлгэһөө таанадые бусаахаб, тиигээд дэлхэйн арадуудай дунда хүндэ ямбатай, нэрэ түрэтэй болгохоб!» Эзэн иигэжэ айладаал!
Хэрбээ тэдэ зоболонто үдэрнүүдэй тоое Бурханай үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Бурхан тэдэ үдэрнүүдэй тоо үсөөрүүлхэ юм.
Бусад арадууд таанадай аша туһада Һайн Мэдээсэлые буруушааһан еврейнүүд Бурханай дайсадынь болоо. Харин Бурханай шэлэжэ абаһанай, үбгэ эсэгэнэртэнь үгэһэн найдуулгын ашаар тэдэнэр Бурханай нүхэдынь юм.