Исай 65:8 - Библи

⁸ Эзэн иигэжэ айладхана: Үзэмэй модоной мүшэр шүүһэтэй байбал, тэрээн тушаа «бү һалгаагты, тэрэ үреэлтэй» гэдэг. Бишье Өөрын арад түмэниие бултыень усадхахагүйб, Намда мүргэдэг зониие абархаб.

Исай 65:8 ပူးပေါင်းရင်းမြစ်များ

Эхин 18:26

Тиихэдэнь Эзэн: – Хэрбэеэ Би Содом хотодо зүб шударга табиханшье хүниие олоо һаа, энэ хотые дүмэхэб, – гэжэ харюусаба.

Исай 1:9

Хэрбээ Түмэн Сэрэгтэ Эзэн маанадта энэ жаахан үлэгдэл үлөөгөөгүй гээшэ һаань, бидэ Содомдол адли һүнөөгдэхэ, Гоморродол адли усадхагдаха байгаабди.

Исай 10:21

Үлдөөсэнь бусаха, Яковай амиды мэндэ үлэһэн зоной үсөөхэниинь лэ хүсэтэ Бурхандаа бусаха.

Исай 10:22

Далайн элһэндэл адли тоогүй олон зоной Израильда мүнөө байгаашье һаань, оройдоол үсөөхэниинь лэ һөөргөө бусаха. Усадхалга хамагай зүб шүүлгээр тодорхойлогдонхой.

Исай 48:9

Минии нэрэ магтан зоной дуулахын тула Би уур хилэнгээ баряад, нюугаад байнаб, таанадые хюдахаһаа тэбшээд байнаб.

Исай 6:13

Зоной арбанай нэгэ хубишье эндэ үлөө һаань, энэ газар дайда дахин хооһоруулагдаха. Сарса болон зандан мододые тайрахада, үндэһэн түгсүүл үлэдэг. Тэрээн мэтэ нангин үрэ энэ орон нютагай үндэһэн мүн.

Ерэмияа 30:11

Би таанадтай байхаб, абархаб. Таанарые арадуудай хоорондо тараагаа һэм, тэдэ арадуудые Би усадхахаб. Гэбэшье таанадые усадхахагүйб. Харин таанадые хэһээнгүй орхихогүйб, теэд хэһээхэдээ, үнэн зүбөөр хэһээлтэ амасуулхаб! Энэ болбол Би, Эзэн, айладхана мүн!

Ёһээл 2:14

Эзэн бодолоо хубилган, хэһээлтэ зайлуулжа магад. Тэрэ зөөлэржэ, танда үршөөл хайра хүртөөхэл. Тиихэдэнь Эзэндэ зорюулһан талхан ба ундан үргэлөө хэжэ болохот.

Матвей 24:22

Хэрбээ тэдэ зоболонто үдэрнүүдэй тоое Бурханай үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Бурхан тэдэ үдэрнүүдэй тоо үсөөрүүлхэ юм.

Марк 13:20

Хэрбээ Эзэн тэдэ аймшагтай үдэрнүүдэй тоое үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Эзэн тэдэ үдэрнүүдэй тоо үсөөрүүлхэ юм.