Исай 65:25 - Библи

²⁵ Шоно хурьгадтай хамта бэлшэхэ, арсалан үхэр мэтэ һолоомо эдихэ, шорой могойн хоол болохо. Минии нангин уула дээрэ ямаршье муу, хорото хэрэг ябуулагдахагүй».

Исай 65:25 ပူးပေါင်းရင်းမြစ်များ

Иоов 5:23

Шулуу шоройшье һаа, шамда түшэг болохо, хээрын амитан шамтай эбтэй байха.

Исай 2:4

Үндэһэтэдэй хоорондохи арсалдаае Тэрэ болюулха, олон арад түмэниие шүүхэ. Тэдэ һэлмэнүүдээ анзаһанай шүдэн болгон, жадануудаа хадуур болгон дабтаха. Үндэһэтэн нүгөө үндэһэтэнэй урдаһаа һэлмэ бэшэ далайхагүй, дайнай эрдэм шудалхаяа болихо.

Исай 35:9

Тэндэ нэгэшье арсалан ябахагүй, ямаршье мяхаша ан арьяатан гаража ерэхэгүй. Эзэнэй абарһан зон лэ тэрэ харгыгаар гэртээ бусан ябаха.

Исай 56:7

«Би таанадые Өөрын нангин уула руу асархаб, Намда зальбардаг үргөө соо тэдээндэ баяр үршөөхэб, үргэлэй шэрээ дээрэ дурадхаһан түгэс шатаалта үргэл болон бусад үргэлнүүдыетнай дуратайгаар абахаб. Минии гэр бүхы үндэһэ яһатадай зальбарха мүргэл зальбаралай гэр гэжэ нэрлэгдэхэ».

Исай 65:11

Харин Намайе тоонгүй, Нангин уулыем мартан, Гаад болон Мени гэдэг бурхадта зальбарагша таанадта

Исай 66:20

Тиигээд тэдэ нэгэ үндэһэ яһатан болохо зоноо тэндэхи арадуудһаа бусаажа, Намда бэлэг мэтээр асарха. Морёор, мори тэргээр, жууза дээрэ, лус, тэмээгээр тэдэниие Иерусалимдахи Минии нангин хада уула руу асарха. Арюун сэбэр амһарта соо талханай үргэл хэжэ, нангин үргөө руу Израилиин хүбүүдэй асардагтал тэдэ нэгэ яһатан болохо зоноо асарха.

Эзэкээл 43:11

Хэһэн муу муухай хэрэгүүдһээ тэдэнэй үнэхөөрөө эшэжэ, халаглажа байбалнь, Һүмын түхэл дүрсэ, түсэбые, орохо гараха үүдэ үрхыень, янза маягыень, бүхы ёһо дүримүүдыень хөөрэжэ харуулжа тэдэндэ үгэ. Эдэ бүгэдые тэдэнэй нюдэн дээрэ бэшэжэ үгэ, тиин тэдэ энэ түхэл дүрсые, бүхы ёһо гуримуудые сахижа бэелүүлжэ байг лэ.

Даниил 11:45

Тэрэ далайн болон нангин үргөөгэй оршодог хада уулын хоорондо хаанта майхангуудаа татаха. Теэд эсэсынь ерэжэ, хэншье тэрээндэ туһалхагүй.

Михей 4:3

Олон арадуудай хоорондохи арсалдаае Тэрэ болюулха, холын холо байдаг, хүсэ шадалтай үндэһэтэдые шүүбэрилхэ. Тэдэ һэлмэнүүдээ анзаһанай шүдэн болгон, жадануудаа хадуур болгон дабтаха. Үндэһэтэн нүгөө үндэһэтэнэй урдаһаа һэлмэ бэшэ далайхагүй, дайнай эрдэм шудалхаяа болихо.

Михей 7:17

Тэдэ шорой тооһондо могой, нүхэ һүбэһөө газарай хорхой мэтэ мүлхин гараха, Эзэн Бурханһаамнай айн шэшэрэлдэхэ.

Захарияа 8:3

Түмэн Сэрэгтэ Эзэн иигэжэ айладана: «Би Сион руу эрьежэ, Иерусалимай дунда оршохом. Тиигээд Иерусалимые Үнэнэй Хото гээд нэрлэхэ, Түмэн Сэрэгтэ Эзэнэй хадые Нангин хада уула гэжэ дуудадаг болохо».

Хэрэгүүд 9:1

Саул урдынхидаал адляар Эзэнэй шабинарые алахаб гэжэ заналта хэжэ байба. Тэрэ ахамад санаартада ерэжэ,

Римэйхиндэ 16:20

Маанадта амгалан байдал үршөөдэг Бурхан удангүй сатанае танай ула доро оруулан һүнөөхэ. Манай Эзэн Иисүүсэй үршөөл хайра таанадтай оршожо байхань болтогой!

Пётрой 2-дохи хандалга 3:13

Тиихэдэ бидэ Бурханай найдуулһан ёһоор ажамидарха шэнэ огторгой ба шэнэ газар дэлхэй хүлеэжэ байнабди.

Гэршэлгэ 14:1

Би иимэ юумэ харааб: Сион хада дээрэ Үргэлэй Хурьган зогсоно, Тэрээнтэй хамта зуун дүшэн дүрбэн мянган хүнүүдэй духада Үргэлэй Хурьганай нэрэ, Тэрэнэй Эсэгын нэрэ бэшээтэй.