Исай 65:23 - Библи

²³ Тэдэ дэмы хооһон ажаллахагүй, түрэһэн үхи хүүгэдынь зоболонтой ушархагүй. Би тэдэниие мүн уг удамынь саашанхи үе сагуудта юрөөхэб.

Исай 65:23 ပူးပေါင်းရင်းမြစ်များ

Эхин 12:2

Би шамһаа үнэр үдхэн агууехэ арадые бии болгохоб, үреэхэб, шамайе нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха.

Эхин 17:7

Би энэ хэлсээ шамтай баталаад, шинии хойто үе удамтай мүн лэ баталнаб. Энэ хэлсээн хадаа үеын үедэ хүсэн түгэлдэр байха. Хэлсээнэй ёһоор, та бүгэдэнэй хүндэлхэ, шүтэхэ Бурхан гэбэл, Бил болохоб!

Иоов 21:8

Үри хүүгэдэйнгээ, аша гушанарайнгаа наһа хүсэхые үзэжэ,

Исай 44:3

Ангаһан-хатаһан газарта Би уһа адхахаб, хуурай газар дээгүүр гол горхо урдахуулхаб. Би таанадай үри ашанар дээрэ Өөрын Һүлдэ адхажа, уг удамдатнай Өөрын юрөөл хүртөөхэб.

Исай 49:4

Иигэжэ бодожо байгааб: «Би дэмы ажал хээб! Өөрын хүсые хооһон юумэндэ гаргашалан һалгааб». Харин үнэн, зүб байһыем гансал Эзэн тодоруулха, ажал хэрэгүүдэйм түлөө Бурхамни намайе шагнаха.

Исай 55:2

Юуншье бэшэ юумэндэ мүнгэеэ юундэ үрихэбта? Садхаахагүй юумэндэ салингаа юундэ гаргахабта? Намайе һайса шагнагты, үгыем дуулагты. Тиигэбэл, эгээл эрхим эдеэ хоол барихат.

Исай 61:9

Үндэһэ яһатадай дунда тэдэ мэдээжэ болохо. Тэдэниие хараһан хүн бүхэн Эзэнэй юрөөһэн арад түмэн гэжэ ойлгохо».

Исай 66:22

Минии бүтээхэ шэнэ тэнгэри, шэнэ газар хэтэ мүнхэдөө байха гэдэгтэл, таанадай уг удам, нэрэтнай хэтэ мүнхэдөө үлэхэ.

Эзэкээл 36:29

Бузарлагша зүйлһөө таанадые аршалхаб, баян ургаса үршөөхэдэм, үлэсхэлэн байдал оройдоошье үзэхэгүйт.

Левит 26:20

Дэмы хии талаар хүсэнтнай буураха, газартнай ургаса үгэхэгүй, мододтнай үрэ жэмэс үгэхэгүй.

Левит 26:22

Таанадта хүдөө хээрын зэрлиг амитадые эльгээхэб. Тэдэ таанадые үри хүүгэдгүй болгохо, адуу малыетнай хюдаха, өөһэдыетнай үсөөрүүлхэ, тиигээд харгынуудтнай хооһорхо.

Левит 26:29

Таанад хүбүүдэйнгөө, басагадайнгаа бэе эдихэ болохот.

Хаггай 1:6

Таанар ехээр тарибашье, бага ургаса хуряанат. Эдеэлээшье һаа, саданагүйт. Уугаашье һаа, һогтоногүйт. Хубсалаашье һаа, дулаасанагүйт! Олоһон мүнгэнтнай хахархай хармаанда ороод лэ үгы болоно.

Хаггай 2:19

Амбаар соо үрэ бии гээшэ гү? Үзэмэй жэмэс, инжирэй модон, анар, чидун модон мүнөө болотор үрэ үгөөгүй байгаа. Харин мүнөөдэрһөө эхилэн Би таанадые үреэхэб.

Малаахи 3:10

«Минии үргөөдэ зөөриингөө арбанай нэгэ хубиие асаржа ерэгты. Тиигэжэ Намайе туршагты. Би таанадай түлөө тэнгэриин сонхо нээжэ, эбигээл үршөөл халитар хүртөөхэб» гэжэ Түмэн Сэрэгтэ Эзэн айладажа байна.

Хэрэгүүд 2:39

Танда, танай хүүгэдтэ болон Эзэнэй, манай Бурханай Өөртөө уряалһан, холууршье байһан хүн бүхэндэ Бурхан найдуулга үгөө, – гэжэ Пётр тэдээндэ харюусаба.

Римэйхиндэ 4:16

Тиимэһээ найдуулга этигэл һүзэг дээрэ үндэһэлнэ, тиин Абраһаамай бүхы үри һадаһадта, гансашье Хуули сахидаг бэшэ, харин Абраһаамдал адляар һүзэглэһэн хүн бүхэндэ Бурханай агууехэ үршөөл хайраар тэрэ найдуулгань батаар үгтэбэ. Абраһаам бултанаймнай эсэгэ.

Коринфынхидтэ 1-дэхи 15:58

Тиимэһээ, инаг хайрата аха дүүнэрни, Эзэнэй түлөө хэһэн ямаршье ажалтнай дэмы бэшэ гэжэ мэдэн, Эзэнэй ажалда өөһэдыгөө бүрин зорюулагты, нугаршагүй, бата хатуу байгты.

Галадуудта 3:29

Хэрбээ Христоостой нэгэдэбэл, таанад Абраһаамай үри һадаһад гээшэт, тиигээд Абраһаамда найдуулһан бүхэниие залгамжалан абахат.