Исай 65:2 - Библи

² Муу зам даган, өөрын һанаһаар ажаһуудаг, хүнэй үгэ дууладаггүй арад руу бүхэлиин үдэрөө гараа һунган байгааб.

Исай 65:2 ပူးပေါင်းရင်းမြစ်များ

Эхин 6:5

Түби дэлхэй дээрэ хүн зоной муу үйлэ хэдэгые, мүн тэдэнэй хүсэл һанааньшье буруу шэглэлтэй гэжэ Эзэн харахадаа,

Псалманууд 36:4

Эзэндэ баярлан бай, Тэрэ шамда хүсэһэн юумыеш үгэхэ. ג Гиимэл

Псалманууд 36:5

Өөрын замые Эзэндэ даалга, Тэрээндэ этигэ, Тиигэбэл, Тэрэ бэелүүлжэ үгэхэл.

Һургаал 1:24

Минии дуудахада, таанар буруу хараат, гараа һарбайхадам, хэншье анхараагүй.

Һургаал 16:29

Хорон һанаата нүхэдөө уруу татажа, буруу замаар хүтэлдэг.

Исай 1:2

Огторгой, соносо, газар дэлхэй, шагна! Эзэн иигэжэ айладана: «Тэжээн үндылгэһэн хүүгэдни урдаһаамни эсэргүүсэн бодобол.

Исай 1:23

Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Исай 30:1

Эзэн иигэжэ айладхана: «Үгыем дууладаггүй Иудын хан түрын ударидагшадтай гай гасалан тохёолдохо! Тэдэ Намгүйгөөр зүбшэнэ, хүсэлдэм харша холбоо тогтооно. Иигэжэ тэдэ нүгэл дээрээ нүгэл хэнэ.

Исай 30:9

Юуб гэбэл, тэдэ буһалгаата арад, худалша зон, Эзэнэй һургаал шагнахаяа арсагшад.

Исай 55:7

Муу хүн тэрэ замаа орхиг, нүгэлтэй хүн һанаа бодолоо хубилгаг, Эзэн руу эрьег лэ! Тэрэ хүлисэхэ. Манай Бурхан хүлисэхэ уужам сэдьхэлтэйл.

Исай 55:8

Эзэн иигэжэ айладана: Минии һанаа бодол таанадайхидал адли бэшэ, Минии харгы зам таанадһаа ондоо.

Исай 63:10

Харин арад түмэниинь урдаһаань эсэргүүсэжэ, Тэрэнэй Арюун Һүлдые гомдохообо. Тиимэ ушарһаа Эзэн эрьен, тэдэнэй дайсан боложо, урдаһаань дайлаһан юм.

Исай 66:18

Би тэдэнэй һанаа бодол, хэрэгүүдынь мэдэхэб. Бүхы үндэһэ яһатадые суглуулха гэжэ ерэжэ байнаб. Тэдэ ерэжэ, Минии солые харахал.

Исай 66:3

Үргэл үргэжэ, үхэр алана гү, али хүниие алана гү; хурьга үргэл гэжэ үргэнэ гү, али нохойн хүзүү мушхана гү; орооһо таряа үргэнэ гү, али гахайн шуһа үргэнэ гү; уталга ууюулна гү, али шүтөөндэ мүргэнэ гү, – зондо хамаагүй болонхой. Бузар муухай юумэ хэхэдээ тэдэ баясадаг.

Исай 66:4

Тиимэһээ Би тэдээндэ гай тодхор татахаб, айдаг юумыень өөһэд дээрэнь асархаб. Юундэб гэхэдэ, Минии дуудахада, хэншье харюусаагүй. Минии айладхахада, хэншье соносоогүй. Тэдэ Минии урда муу юумэ хэжэ, Намда таагүй юумэ шэлээ».

Ерэмияа 18:12

Теэд тэдэ: «Үгы даа! Бидэ һанаһаараа юумэ үйлэдэхэбди, үсэд, муу байһаараал байхабди», – гэжэ хэлэхэл.

Ерэмияа 3:17

Тэрэ үедэ Иерусалим Эзэнэй хан шэрээ гэжэ нэрлэгдэжэ, Намда мүргэхэеэ бүхы уласууд тэндэ сугларха. Тэдэ өөһэдынгөө муу муухай зүрхэ сэдьхэл шагнахагүй, тэрэниие дагахагүй.

Ерэмияа 4:14

Иерусалим, абарагдахын тула муу муухайе зүрхэ сэдьхэлһээ зайсуулагты. Хэды болотор хорон муу бодолоо бодохо юмта?

Ерэмияа 5:23

Теэд таанад улад зонта! Таанад үсэд, үгэ дууладаггүйт, Намһаа буруу хаража, холодонот.

Ерэмияа 7:24

Гэбэшье тэдэ Минии үгэ дуулаагүй, анхаралаа хандуулаагүй, харин үсэд, муу сэдьхэлэйнгээ табисуураар ажаһуужа, өөһэдыгөө хойшо татаба.

Тоололго 15:39

Тэдэ сасагуудаа хараха бүхэндөө таанадта Эзэнэй захиһан һургаал заабаринууд һанагдажа, тэдэнииень ходол сахижа, зальхайралгаһаа холуур ябагты.

Матвей 15:19

Ушарынь юуб гэбэл, зүрхэнһөөтнай хара һаналнууд түрөөд, таанадые алаха, эрэдээ гү, али эхэнэртээ урбаха, забхай зальхай ябадал гаргаха, хулгай хэхэ, бусадые хардаха, муушалха гэхэ мэтын дорой хэрэгүүдтэ түлхидэг юм.

Матвей 23:37

– Ай Иерусалим, Иерусалим, шинии хүнүүд лүндэншэдые аладаг, шамда эльгээһэн Бурханай мэдээсэгшэдые шулуудадаг! Даража дэгжээһэн дальбараануудаа дали дороо суглуулдаг шубуундал адляар шинии үри хүүгэдые суглуулха гэжэ Би хэды һэдээ зүдхөө гээшэбиб. Теэд ши Намайе зүбшөөгөөгүйш!

Лука 13:34

Ай Иерусалим, Иерусалим, шинии хүнүүд лүндэншэдые аладаг, шамда эльгээһэн Бурханай мэдээсэгшэдые шулуудадаг! Даража дэгжээһэн дальбараануудаа дали дороо суглуулдаг шубуундал адляар шинии үри хүүгэдые суглуулха гэжэ Би хэды тэгүүлээ, зүдхөө гээшэбиб. Теэд ши Намайе зүбшөөгөөгүйш.

Римэйхиндэ 10:21

«Үгэ дууладаггүй, үһэрхүү зүрюу арадта Эзэн бүхэли үдэрөө гараа һунган байгаа», – гэжэ Исай Израилиин арад тухай хэлэнэ.

Римэйхиндэ 2:5

Харин таанад зүрюутэжэ, Бурханда хандахаяа арсанат. Тиигэжэ Тэрэнэй уур сухалаа элирүүлхэ, газар дэлхэйнхидые гэмнэн шүүбэрилхэ үдэр хүрэтэр таанад өөһэдтөө бүрил муу хэһээлтэ бэлдэжэ байнат.

Хуули дабталга 29:19

Энэ хараал шэрээл дуулажа, хэн нэгэн досоогоо бардамлажа, «Һанаһаараа юумэ саашадаашье хэжэ байхаб, муу юумэн намда хүрэхэгүй» гээд һанажа болохо. Теэд иимэ хүнһөө боложо, ондоошье зон муу юумэндэ дайрагдажа магад.

Хуули дабталга 31:27

Зоной үсэдые, өөрынхиеэ табихаяа һанадаггүйе мэдэнэб. Минии бүхы наһанай үргэлжэлдэ тэдэ Эзэндэ үсэрхэжэ байна. Гээгдэһэнэйм удаа бүри үсэд болохо юм бэшэ гү?

Хуули дабталга 9:7

Элһэн сүл губида Эзэн Бурханаа сухалдуулһанаа оройдоошье бү мартагты. Египедэй газар дайдаһаа гараһан үдэрһөө хойшо энэ газарта ерэтэрээ Эзэндэ таанад эсэргүүсээт.