Исай 65:18 - Библи

¹⁸ Таанад Минии бүтээжэ байгаа юумэндэ хүхилдэн, хэтэ мүнхэдөө баясан байхат. Минии бүтээжэ байгааша Иерусалим хүхюун зугаагаар билтаржа, арад зониинь баяраар халин байха.

Исай 65:18 ပူးပေါင်းရင်းမြစ်များ

2 Угай бэшэг 6:41

Эзэн Бурхан, Та хүсэ шадалайнгаа ханзатай хамта Өөрын амарха газарта заларыт! Эзэн Бурхан, санаартадтнай хубсаһаар мэтээр абаралтаар хубсалаг, Танай үнэн сэхэ зон һайн һайхандатнай баярлаг!

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Исай 12:2

Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»

Исай 25:9

Эдэ бүгэдын тохёолдоһон үдэр зон иигэжэ хэлэхэ: «Энэл даа, манай Бурхан! Тэрээндэ этигэн найдаа бэлэйбди, тиихэдэмнай Тэрэ маанадые абараа. Энэл даа, Эзэн! Бидэ Тэрээндэ этигэн найдаа һэмди, маанадые абарһандань баясан сэнгэел!»

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 41:16

Таанад тэдэниие һагшажа, һалхин хиидүүлжэ, шуурган тарааха. Тиихэдэнь Минии танай Бурхан байһанда баясажа, Израилиин арюун Бурхан болохо Намайе магтан байхат.

Исай 44:23

Эзэнэй хэрэгүүдые бүтээһэндэ огторгой, баярлан хашхарыш! Газарай гүн газарнууд, хашхаралдагты! Уула хаданууд, ой модон, ойн бүхы модод, баясан хашхарагты! Эзэн Яковые абараа, Израилиие абаран алдаршаа!

Исай 49:13

Огторгой, баярлан дуула! Газар, баясан хашхара! Ууланууд, бахархан дуулагты! Юуб гэхэдэ, Эзэн Өөрын арад түмэниие номгоруулжа, зобоһон арад түмэнөө хайрлаа.

Исай 51:11

Танай абарһан зон Сион руу баяртайгаар дуулалдан гараха, зугаа, баяр дэлгэрхэ. Тэдэ хэтэ мүнхэдөө жаргалтай байха, гай тодхор, гашуудал тэдээнһээ һэегүй һалаха.

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 60:15

Хаясаанай, үзэн ядадагай, хооһон хото байһаншье һааш, Би шамайе хэтэ мүнхын бахархал, үеһөө үедэ баярай газар болгохоб.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 9:3

Бурхан, Та үндэһэ яһатаниие олошоруулаат, ехэ баяр тэдээндэ түхөөгөөт. Зон олзо хубааха үедэ баярладаг мэтэ, Танай урда ургаса хуряан баярлана.

Цэпаанияа 3:14

Сионой басаган, дуугаа дуула! Израилиин зон, баяртайгаар хашхаралдыт! Иерусалим, үнэнхэ зүрхэнһөө баясан, сэнгэн байгаарай!

Захарияа 2:10

Сионой үхин, баярлан дуулыш: Дундатнай оршохом гэжэ Эзэн айладанал.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Фессалоникиинхидтэ 1-дэхи 5:16

Ходо баяртай байгты.