Исай 63:7 - Библи

⁷ Би Эзэнэй энэрэл хайрые дурсанаб. Маанадта бэлэг болгон хэһэн бүхы үйлэ хэрэгүүдэйнь түлөө Тэрээндэ баяр баясхалан хүргэнэб. Израилиин улад зониие Тэрэ угаа ехээр үреэн үршөөгөө, энэрэл хайраяа, бэлэг үреэлөө олоор бэлэглээ.

Исай 63:7 ပူးပေါင်းရင်းမြစ်များ

3 Хаан түрэнүүд 8:66

Нүгөөдэ үдэрынь Соломоон арад зониие гэртэнь табяа бэлэй. Тэдэ хаанда үреэл табяад, Давид богоолдоо болон Өөрын арад түмэн Израильда Эзэнэй һайн һайханиие хэһэндэ досоогоо баясан, гэр гэртээ тараа һэн.

2 Угай бэшэг 7:10

Эзэн Давидта, Соломоондо болон Өөрын арад түмэн Израильда Эзэнэй һайн һайханиие хэһэндэ досоогоо баясан, һайндэрлэн байгааша арад түмэнөө Соломоон хаан долоодохи һарын хорин гурбадахи үдэр гэр гэртэнь тараан табяа бэлэй.

Нэхэмьяа 9:25

Израильшууд бүхэлэгдэмэл хотонуудыень, мүн үрэжэл ехэтэй газарнуудыень буляажа абаба, элдэб зөөреэр дүүрэн гэрнүүдыень, шулуутай газарта һэндэһэн худагуудыень, уһан үзэм, олива жэмэсэй олон сэсэрлигүүдыень, жэмэстэ шугынуудыень эзэлбэ. Танай агуу үршөөлөөр тэдэнэр садатараа эдеэлжэ, баян тарган һуунад лэ.

Нэхэмьяа 9:27

Тиигээд Та тэдэниие дайсадайнь һабарта оруулаат, эдэнь бултыень хашажа эхилбэ. Тэдэнэр аргагүй хүндэ байдалда ороходоо, Таниие дуудажа эхилбэ, Та огторгойн уудамһаа дуулабат. Та Өөрынгөө нигүүлэсхы агуу сэдьхэлһээ тэдэнэртэ абарагшадые эльгээбэт, тэдэ дайсадһаань сүлөөлбэ.

Нэхэмьяа 9:31

Өөрынгөө нигүүлэсхы агуу сэдьхэлээр Та тэдэниие дууһан хосорхо туйлда хүргөөгүйт, орхёогүйт. Та һайн һанаатай, нигүүлэсхы сэдьхэлтэй Бурханта!

Нэхэмьяа 9:35

Танай тэдэнэртэ бэлэглэһэн захагүй үргэн үрэжэл һайтай газар дээрэ өөрынгөө хан түрэдэ Танһаа сэгнэшэгүй туһа абажа байгаад, тэдэнэр Танда алба хэхые хүсөөгүйл, харша үйлэ хэрэгүүдээ үүсхэһээр лэ байгаал.

Псалманууд 103:2

Хубсаһа үмдэдэгтэл адляар Та Өөрөө гэрэл нэмэрээт, тэнгэриие хүшэгэ шэнгеэр татаат.

Псалманууд 107:8

Бурхан нангин үргөөдөө иигэжэ айладхаа: «Угаа баярлан, Шэхээмые хубаахаб, Суккоот нюруугай газар хэмжэхэб.

Псалманууд 145:7

дарлагдагшадта шударга ёһо ябуулжа, үлэсхэлэн зондо эдеэ хоол үгэдэг. Эзэн баряанда байгаашадые сүлөөдэ табидаг.

Псалманууд 25:6

Гэмгүй байһанаа элирхэйлэн гараа угаахаб, Үргэлэй шэрээетнай гороолон ябахалби, Эзэн.

Псалманууд 51:1

[Дуунай бүлэгэй хүтэлбэрилэгшэдэ. Эдоом хүн Доһээг ерэжэ, Саулда «Давид Ахимээлэхэй гэртэ ерээ» гэжэ хэлэхэ үедэ Давидай зохёоһон ирагуу үгэнүүд.]

Псалманууд 63:3

Муу муухай зоной нюуса хэлсээнһээ, гэмтэ муу зоной үймөөн буһалгаанһаа аршалыт!

Псалманууд 86:5

Сион тушаа зон иигэжэ хэлсэхэ: «Энэ хүн ба тэрэ хүн тэндэ түрэһэн, Дээдэ Бурхан тэрэниие Өөрөө бэхижүүлээ».

Псалманууд 92:2

Хан шэрээтнай эртэ урда сагһаа хойшо тогтонхой, Та сагай эхинһээ хойшо байнат.

Египедһээ гаралга 18:9

Египедшүүдһээ абаржа, Израилиин зоной аша туһада эды олон һайе Эзэнэй үйлэдэһэн тухай Итроо ехэ урматайгаар шагнаад:

Исай 26:13

Эзэн Бурхамнай! Хэзээдэшьеб Танһаа ондоо эзэд бидэниие зонхилдог байгаашье хадань мүнөө бидэ гансал Таниие магтан дууланабди!

Исай 51:2

Элинсэг эсэгэ Абраһаам, таанадые түрэһэн эхэ Саррые һанаандаа оруулагты. Би Абраһаамай ори ганса, үхи хүүгэдгүй байхадань үреэжэ, үхи хүүгэдые үршөөгөө бэлэйб. Иигэжэ уг удамынь угаа үнэржүүлээ һэм.

Исай 54:10

Хада ууланууд хүдэлжэ, гүбээнүүд доһолжо болохо. Харин Минии энэрэл хайра шамһаа һалахагүй, энхэ тайбан тушаа хэлсээгээ хододоо сахин байхаб», – иигэжэ шамайе энэрэгшэ Эзэн айладажа байна.

Исай 54:7

«Би шамайе агшам зуура орхибошье, агууехэ хайра үзүүлэн, һөөргэнь абахаб.

Исай 54:8

Уурлаһан сагтаа агшам зуур Би шамайе орхёо һэм, гэбэшье хэтэ мүнхын энэрэл хайраяа шамда үзүүлхэб». Шамайе Абарагша Эзэн иигэжэ айладана.

Исай 55:7

Муу хүн тэрэ замаа орхиг, нүгэлтэй хүн һанаа бодолоо хубилгаг, Эзэн руу эрьег лэ! Тэрэ хүлисэхэ. Манай Бурхан хүлисэхэ уужам сэдьхэлтэйл.

Исай 64:5

Үнэн зүб хэрэг баяртайгаар үйлэдэгшэ, Танай һургаалаар ажаһуухые оролдогшо зониие Та энхэрэн угтанат. Бидэнэй нүгэл хэжэл байхада, Та уурлабат. Бидэ яажа абарагдахабибди?

Гашуудал 3:32

Зоболон эльгээшье һаа, агууехэ энэрэл хайраараа Тэрэ үршөөхэ.

Һошээ 2:19

Израиль, шамайе хэтэ мүнхэдөө Өөрын һамган болгохоб, Би шамда үнэн сэхые, шударга зүбые, хайра дурые, энэрхы сэдьхэл бэлэглэхэб.

Захарияа 9:17

Үршөөл хайрань ямар ехэб даа. Үрэжэлтэ таряан долгисохо, шэнэ үзэмэй сэсэрлиг салгидаха, хүбүүд басагад баясан хүгжэхэ!

Матвей 7:11

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэтнай эрижэ байһан хүндэ бүришье бэлэнээр һайн һайханиие үршөөхэ бэшэ аал?

Римэйхиндэ 2:4

Али таанад Бурханай агууехэ үршөөл хайра, хүлисэл, тэсэбэри тооногүй аалта? Таанадые Өөртөө хандуулхын тула Бурхан танда үршөөл хайратай байна гэжэ мэдэнэгүй аалта?

Римэйхиндэ 5:20

Нүгэл шэбэлые элеэр харуулхын тула Хуули үгтөө. Зүгөөр нүгэл шэбэлэй ехэ элбэг байһан газарта Бурханай үршөөл хайрашье бүри элбэг дэлбэг үгтэжэ байгаа.

Эфесэйхиндэ 2:4

Харин үршөөл хайраар элбэг Бурхан бидэндэ аргагүй ехээр дуратай байжа,

Тимофейдэ 1-дэхи 1:14

Эзэн Иисүүс Христоосой ашаар намда буян хэшэгээ хайрлаа. Тиигэжэ би Эзэндэ һүзэглэдэг, Тэрээндэ ба Тэрэнэй хүнүүдтэ дуратай болоо хүм.