Исай 63:18 - Библи

¹⁸ Бидэ, Танай нангин арад, энэ газарые богони саг соо эзэмдэн байгаабди. Дайсаднай Танай нангин газарые дэбһэн бузарлаа.

Исай 63:18 ပူးပေါင်းရင်းမြစ်များ

Псалманууд 79:1

[Дуунай бүлэгэй хүтэлбэрилэгшэдэ: «Хэлсээнэй сараананууд» гэдэг аялга. Асаапай псалма.]

Исай 62:12

Таанад «Эзэнэй абарһан нангин арад түмэн» гэжэ нэрлэгдэхэт. Иерусалим хадаа «Эзэнэй орхёогүй хото, Бурханай дуратай хото» гэжэ нэрлэгдэхэ.

Исай 63:19

Танай хэзээдэшье ударидаагүй, мүн тиихэдэ Танай арад түмэн гэжэ хэзээдэшье нэрлэгдэжэ байгаагүй зондол адли болобобди.

Исай 64:10

Танай нангин хотонууд хооһон сүл губи болоо. Сион сүл губи болоо. Иерусалим эзэгүйрөө.

Исай 64:9

Эзэмнай, дан ехээр бидэндэ бү уурлыт даа, нүгэлыемнай ходо бү дурсыт. Бидэ бүгэдэ Танай арад түмэн гээшэлди.

Ерэмияа 12:10

Хариин олон удамаршад үзэмэй модоной сэсэрлигыем һалгаагаа, дуратай газарыем дэбһэжэ, үнэһэн тобороог болгоо, дуратай газарыем һандархай хооһон дайда болгобо.

Гашуудал 1:10

Эгээл үнэтэ бүхы зүйлдэнь дайсан гараа һарбайгаад байна. Суглаандань байхые өөрынь хоригшо үндэһэтэдэй Нангин газар руунь орожо байхые тэрэ хаража байна.

Гашуудал 4:1

Оо, гай даа! Алтан ямараар харлаа, шэжэр алтан хэды ехэ бүрүүл болоо гээшэб! Нангин үргөөгэй үнэтэ шулуун харгын уулзуураар хаягданхай.

Даниил 8:13

Нэгэ гэгээнэй нүгөөдэ гэгээнһээ иигэжэ асуужа байһые дуулаа бэлэйб: – Үдэр бүриин үргэл, мүн тиихэдэ доромжолго, дээрмэдэлгэ доро байгааша нангин газар, сэрэг тушаа үзэгдэл удаан үргэлжэлхэ гээшэ гү?

Даниил 8:24

Тэрэ хүсэтэй байха, гэбэшье түрүүшын хаанда дан хүрэхэгүй. Угаа ехэ һандарал, хооһорол тэрэ үйлэдэхэ, энэ талаар ехэ бэрхэ байха. Хүсэ шадалтайшуулые, гэгээшүүлэй арад түмэниие тэрэ хюдахал.

Левит 26:31

Хото балгасыетнай хооһоруулхаб, мүргэлэйтнай орон хооһон болгохоб. Үргэһэн үргэлэйтнай хоншуу һайхан үнэрыень абахагүйб.

Амоос 7:9

Исаагай нангин зүйлнүүд үгырэн-хооһорон байха, Израилиин нангин юумэнүүд һандарал болохо. Еробоһаамай бүлын урдаһаа һэлмэеэ һугалан далайхаб! – гэбэ.

Матвей 24:2

Иисүүс шабинартаа: – Эдэ бүгэдые харана гүт? Энэ һууринда ганса шулууншье үлэхэгүй; баран һандаргагдаха гэжэ танда хэлэнэб, – гэбэ.

Лука 21:24

Зарим зон һэлмээр таһа сабшуулха, нүгөө зариманиинь хариин гүрэнүүдтэ богоол болон абаашагдаха. Бусад арадуудай захирха үе сагай дүүрэтэр хариин зон Иерусалимые гэшхэжэ дэбһэжэ байха.

Хуули дабталга 26:19

«Өөрынгөө бүрилдүүлһэн таанадые бусад арадуудһаа бүри олон болгохоб, хүндэтэй, нэрэ түрэтэй, толотомо һайханаар ажаһуухат, Минии Өөрын нангин арад болохот», – гэжэ Эзэн Бурхантнай тунхаглана.

Хуули дабталга 7:6

Энээниие юундэ хэхэбта гэхэдэ, таанад Эзэн Бурханайнгаа нангин арад түмэн гээшэт. Дэлхэй дээрэ байгааша арадуудай дундаһаа таанадыел Өөрын арад болгохо гэжэ Эзэн Бурхантнай шэлэһэн байна.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Гэршэлгэ 11:2

Теэд Һүмын гадаада хорёое бү тоололсо, бү хэмжэ, юуб гэбэл, тэрэ хорёонь бусад арадуудай мэдэлдэ үгтэнхэй. Тэдэ хүнүүд нангин хотые дүшэн хоёр һарын туршада хүлөөрөө гэшхэжэ дэбһэжэ ябаха.