Исай 63:11 - Библи

¹¹ Тиихэдэнь арад түмэниинь Моисей гэгшын ажаһууһан урданай саг һанажа, иигэжэ асуун байба: «Өөрын арад түмэниие удамаршатайнь хамта тэнгис далайһаа гаргагша Эзэн хаанаб? Удамаршадань Өөрын Арюун Һүлдэеэ үгэгшэ Эзэн хаанаб?

Исай 63:11 ပူးပေါင်းရင်းမြစ်များ

Нэхэмьяа 9:20

Өөрынгөө һайхан Һүлдые тэдэндэ үгэжэ, Та юу хэхыень заагаат. Та саг үргэлжэ Өөрынгөө будаа эльгээжэ байгаат, ундыень харяаха уһа үгэжэл байгаат.

Псалманууд 106:9

Юуб гэбэл, Тэрэ ангаһан зониие ундалуулаа, туража үхэжэ байгшадые эдеэлүүлээ.

Псалманууд 143:5

Эзэн, тэнгэринүүдээ тонгойлгоод доошоо буугыт, хадануудта гар хүрыт, утаан гараг.

Псалманууд 25:6

Гэмгүй байһанаа элирхэйлэн гараа угаахаб, Үргэлэй шэрээетнай гороолон ябахалби, Эзэн.

Псалманууд 51:11

Хэһэн хэрэгүүдэй түлөө Таниие хэтэдээ магтанаб, Танда үнэн сэхэ зондо нэрэтнай һайн, нэрэдэтнай найданаб.

Псалманууд 77:12

Тэрэ элинсэг хулинсагайнь хараһаар байтар Египедэй газар дайдада Цооһанда гайхамшагта үйлэнүүдые хээ бэлэй:

Псалманууд 77:20

Тэрэ хабсагайе хахалжа, уһан урдаа, горход зурыгаа. Хилээмэ үгэжэ шадаха аалам? Арад түмэнөө мяхаар хооллуулха гү?».

Египедһээ гаралга 14:22

Израиль угсаатан далайн оёороор хуурай газарта ябаһан шэнги ябаба. Баруун гар тээнь эгсэ уһан хана байба, зүүн гартань мүн лэ уһан хана байба.

Египедһээ гаралга 14:30

Иигэжэ тэрэ үдэр Эзэн Израиль угсаатаниие Египет зонһоо абарһан байна. Израиль угсаатан далайн эрьедэ египет сэрэгшэдэй үхэһэн бэенүүдые хараа һэн.

Исай 43:16

Тэнгис дундуур зам, урдажа байһан уһан дундуур харгы гаргагша Эзэн иигэжэ айладхаба.

Исай 63:10

Харин арад түмэниинь урдаһаань эсэргүүсэжэ, Тэрэнэй Арюун Һүлдые гомдохообо. Тиимэ ушарһаа Эзэн эрьен, тэдэнэй дайсан боложо, урдаһаань дайлаһан юм.

Исай 63:15

Эзэн Бурхамнай, нангин, алдар солото Өөрын гэрһээ – тэнгэриһээ харыт! Маанад тушаа һанаа зобохотнай хаанаб? Хүсэ шадалтнай хаанаб? Маанадые энхэрнэгүйт, энэрэл хайраяа үзүүлнэгүйт.

Ерэмияа 2:6

Тэдэ Нам тухай һанаагаа табяашьегүй. Харин Би тэдэниие Египедэй газар нютагһаа абаран гаргажа, элһэн сүл губяар, ханха зайдан, хонхо-ёнхо газараар, ган гасуур, аюултай газараар, хэнэйшье хүндэлэн гаража үзөөгүй, хэнэйшье оршон амидараагүй газараар хүтэлэн ябажа гаргааб.

Даниил 4:8

Тэрэ урга ургаһаар, томо боло болоһоор огторгой тулама үндэр болобо. Газар дэлхэйн алишье хаяаһаа тэрэниие харамаар бэлэй.

Һошээ 12:13

Египедтэхи богоол ядуу байдалһаа Израилиин арад түмэниие абархын тула Эзэн лүндэншөө эльгээгээ, лүндэншөөр дамжан, арадаа харууһалаа һэн.

Амоос 9:11

Тиихэдэнь Би Давидай унаһан майханиие дахин бодхоохоб, ханын соорхойнуудые бүглэхэб, һандарһые дахин бүрин бүтэн болгохоб, урдандань адляар заһабарилхаб.

Хаггай 2:5

Египедһээ гаража байхадатнай таанартай баталһан Минии хэлсээн ба Минии Һүлдэ таанадтай хамта байна, бү айгты!

Захарияа 4:6

Тэнгэриин Эльгээмэл намда иигэжэ ойлгуулба: – Түмэн Сэрэгтэ Эзэнэй Зэрубабээлдэ хандаһан иимэ үгэнүүд гээшэ: Шинии туһа болбол эрхэ мэдэлээр бэшэ, хүсэ шадалаар бэшэ, Минии Һүлдөөр ерэхэ.

Тоололго 11:17

Би дээрэһээ буужа, Шамтай хөөрэлдэхэб. Шамда шэнгэһэн Һүлдэһөө зарим тэдые абажа, тэдэ далан зон дээрэ табихаб. Зоной ашаа гансаараа шинии тээжэ ябахагүйн тула тэдэ туһалха.

Тоололго 11:25

Тиихэдэнь майхан һүмэ дээрэ Эзэнэй бахана үүлэнэй буухадань, Моисей Эзэнтэй хөөрэлдэбэ. Моисейдэ үгэһэн нангин һүлдэеэ Эзэн далан ахалагшатай хубаалсаба. Тэдэнэртэ Эзэнэй һүлдын ороходонь, тэдэнэр ерээдүйн сагта болохо юумэнүүд тухай уридшалан хэлэбэ, тиигээд болибо.

Тоололго 11:29

– Ай даа, намайе гансааран Эзэнэй мэдээе дуулгагша байһай гэжэ һанана гүш? Эзэн Һүлдэеэ Өөрын арад зондо бултанда бэлэглэжэ, тэдэ бүгэдэ лүндэншэд болодог һаань! – гэжэ Моисей хэлээд,

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Ударидагшад 6:13

Гидоон тэрээндэ иигэжэ хэлэбэ: – Хүлисэгты, минии Эзэн. Хэрбэеэ бидэнтэй Эзэнэй байгаа болбол, юундэ бидэнэр ходол гай тодхорто оронобибди? «Эзэн бидэниие Египедһээ гаргаа» гэжэ бидэнэй үбгэ эсэгэнэрэй хөөрэлдэдэг Тэрэнэй эди шэдинүүдынь хаанаб? Мүнөө Эзэн бидэниие орхижо, мидиануудай гарта үгөөл!