Исай 62:9 - Библи

⁹ Харин таанад, орооһо таряа тарин хуряагшад, өөһэдөө хилээмэеэ эдижэ, Намайе, Эзэниие, магтан байхат. Үзэмэй жэмэс суглуулагшад, таанад Минии нангин үргөөгэй хашаа дотор өөһэдөө үзэмэй дараһан архи уухат».

Исай 62:9 ပူးပေါင်းရင်းမြစ်များ

Исай 55:2

Юуншье бэшэ юумэндэ мүнгэеэ юундэ үрихэбта? Садхаахагүй юумэндэ салингаа юундэ гаргахабта? Намайе һайса шагнагты, үгыем дуулагты. Тиигэбэл, эгээл эрхим эдеэ хоол барихат.

Исай 65:13

Тиимэһээ Би, Эзэн Бурхан, таанадта иигэжэ соносхоноб: Намда һүгэдэн зальбардаг зон эдихэ хоол, ууха ундаар элбэг-дэлбэг байхадань, таанад гэдэһээ үлдэжэ, ангажа байхат.

Исай 65:21

Зон гэрнүүдые барижа, тэндээ ажаһууха. Тэдэ мүн лэ үзэмэй модоной сэсэрлиг һуулгажа, үрэ жэмэсынь эдихэ.

Исай 65:22

Ондоо хүн тэрэ бариһан гэрнүүдтэнь ажаһуухагүй, ондоо зон тариһан мододһоонь эдижэ байхагүй. Мододтол адли, зомни удаан ажаһууха, ажалайнгаа үрэ шэмэ өөһэдөө эдлэхэ.

Ерэмияа 31:5

Самариин гүбээнүүд дээрэ үзэмэй модоной сэсэрлигүүдые дахин һуулгахат. Тэдэниие һуулгагша таанад өөһэдөө үрэ жэмэсыень эдидэг байхат!

Эзэкээл 40:14

Дотоо хашаагай таһалга тэрэнэй хэмжэхэдэ, хорин тохой үргэнтэй байба.

Ёһээл 2:26

Таанар эдихэ юумээр элбэг, гэдэһэ садхалан боложо, гайхамшаг ашата үйлэ бүтээһэн Эзэнэй, танай Бурханай соло дуудан магтахат. Энээнһээ хойшо Минии арад эшэгүүритэ доромжодо орохогүй.

Захарияа 3:7

Түмэн Сэрэгтэ Эзэн иигэжэ зарлиг болобо: Ши Минии замаар ябажа, Минии үйлэ бүтээ. Тиигэбэл Минии гэр захирхаш, Минии албатанай харуул болохош. Эндэ зогсогшодой дунда сүлөөтэй ябаха эрхэ шамда соёрхохоб.

Хуули дабталга 12:12

Таанад үхи хүүгэдтэеэ хамта, зарасанартнай, хото һуурин соотнай байдаг левидүүд тэндэ ошожо, бултадаа Эзэн Бурханайнгаа урда хүхилдэгты. Левидүүд өөрын хуби газаргүй гээшые бү мартагты.

Хуули дабталга 12:7

Тэндэ Эзэн Бурханайнгаа урда гэр хотоноороо эдеэ хоол баригты. Ямар ажал хэһэнээ, ямар үрэ дүн туйлаһанаа баяртайгаар мэдээсэн, Эзэн Бурхантнай таанадта эдэ бүгэдые үршөөгөө гээд һанан дурсан байхат.

Хуули дабталга 16:11

Эзэнэй нангин үргөөдэ таанад үхи хүүгэдтэеэ, зарасанараараа, левидүүдтэй, ерүүл зонтой, танай хотын үншэн хэнзэнүүдтэй, бэлбэһэн эхэнэрнүүдтэй хамта Эзэн Бурханайнгаа урда хүхилдэгты.

Хуули дабталга 16:14

Таанад үхи хүүгэдээрээ, богоолнуудтаяа, левидүүдтэй, ерүүл зонтой, танай хотын үншэн хэнзэнүүдтэй, бэлбэһэн эхэнэрнүүдтэй хамта һайндэрэй үедэ хүхилдэгты.