Исай 62:8 - Библи

⁸ Эзэн иимэ шанга шахаа тангариг үргөө бэлэй: «Шинии таряа талхан бэшэ хэзээдэшье дайсадайш хоол хүнэһэн болохогүй, хариин зон шинии үзэмэй дараһан архи уухагүй.

Исай 62:8 ပူးပေါင်းရင်းမြစ်များ

Исай 1:7

Орон нютагтнай хооһороо, хотонуудтнай дууһан шатаагдаа, хараһаар байтартнай хариин зон танай газар эзэмдэн, бүхы юумыетнай залгина, һандаргана.

Исай 45:23

Би Өөрөөрөө шахаа тангариг үргөөб! Минии аманһаа үнэн зүб үгэ гараа, тэрэниие һөөргэнь абажа, һэлгэжэ байхагүйб! Яһатан бүхэн урдамни мүргэхэ, ямаршье хэлэтэй хүн Намда этигэхэ тухайгаа тангариглаха.

Исай 54:9

«Нойн үе сагай уһан галаб мэтэ энэ. Хэзээдэшье бэшэ тэрэ ехэ уһан газар дэлхэйе бүрхөөхэгүй гэжэ Би тангариглаа бэлэйб, тэрээндэл адли, шамда уурлахагүй, шамайе зэмэлхэгүйб гэжэ Би тангаригланаб.

Исай 55:2

Юуншье бэшэ юумэндэ мүнгэеэ юундэ үрихэбта? Садхаахагүй юумэндэ салингаа юундэ гаргахабта? Намайе һайса шагнагты, үгыем дуулагты. Тиигэбэл, эгээл эрхим эдеэ хоол барихат.

Исай 59:16

Дарлалта доро байһан хүндэ туһалха хэнэйшье үгы байһые Эзэн гайхан хараба. Тиимэһээ Тэрэ Өөрынгөө хүсэ шадал хэрэглэн, дарлалтада байгшадые абарна.

Ерэмияа 31:5

Самариин гүбээнүүд дээрэ үзэмэй модоной сэсэрлигүүдые дахин һуулгахат. Тэдэниие һуулгагша таанад өөһэдөө үрэ жэмэсыень эдидэг байхат!

Ерэмияа 5:17

Тэдэ ургасыетнай болон хүнэһэ хоолыетнай залгиха, хүбүүд, басагадыетнай алаха, мал адууһыетнай үүсэлхэ, үзэм болон инжирыетнай эдихэ. Танай найдадаг хэрэмүүдыетнай тэдэ дайлан һандаргааха.

Эзэкээл 20:5

Минии, Эзэн Бурханай, Израилиие Өөрын арад түмэн болгон шэлэһэн, Египет орон нютагта тэдээндэ Өөрыгөө харуулжа, өөһэдынь болон үри һадаһадайнь Бурхан болохоб гэжэ Яковай обогто тангариг үргэһэн тухайм тэдээндэ дуулгаарай.

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Амоос 9:14

Өөрын арад түмэн Израильда урданайнь һалбарал бусаахаб: хооһорһон хотонуудые тэдэ дахин шэнээр барижа, зониие байрлуулха; уһан үзэмэй модо һуулгажа, үзэмэй дараһан архи ууха; сэсэрлиг ургуулжа, жэмэс эдихэл!

Хуули дабталга 28:30

Басага өөртөө хадамлахаш, теэд ондоо хүн тэрээнтэйш гэрлэхэ. Гэр барихаш, теэд тэрээн соогоо ажаһуухагүйш. Үзэмэй модо тарин һуулгахаш, теэд тэрээнһээ амталхагүйш.

Хуули дабталга 28:31

Хараһаар байтаршни ондоо хүн үхэрыеш үүсэлхэ, харин ши тэрээнһээ эдихэгүйш. Элжэгыешни буляаха, шамда бусаахагүй. Хониншни дайсадта хүртэхэ, теэд шамда туһалха хүн олдохогүй.

Хуули дабталга 28:33

Хариин улад зон газарайшни хэшэг, ажалайшни бүхы үрэ дүн эдижэ хэрэглэжэ байха. Харин ши наһаараа хашагдажа, үйлөө үзэжэ байхаш.

Хуули дабталга 32:40

Гараа огторгой руу һарбайжа, Өөрын амиды байһаар тангаригланаб: