Исай 62:6 - Библи

⁶ Иерусалим, шинии хананууд дээрэ Би харуулшадые табибаб. Тэдэ үдэр, һүнигүй зальбарал уншажа, дуугаа хуряахагүй. Тэдэ Эзэндэ найдуулганууд тушаань һануулдаг байха, хэзээдэшье дуугаа таһалдуулхагүй.

Исай 62:6 ပူးပေါင်းရင်းမြစ်များ

Эхин 32:12

Та намда һайн һайханиие хүргэжэ, уг удамыем далайн эрьеын элһэн мэтэ тоо томшогүй болгохоб гэжэ айладаа бэлэйлта. Тэрэ үгэеэ һанажа, намда туһалыт!

Эхин 32:26

Тиигээд Тэрэ Яковта хэлэбэ: – Намайе таби, үүр сайхаяа байна. – Намай үреэгөөгүйдэтнай табихагүйб, – гэбэ Яков.

2 Угай бэшэг 8:14

Давид эсэгынгээ захиралта дүүргэн, санаартадай үдэр бүриин ажал, санаартадта туһалдаг левидүүдэй Бурханиие магтан дуулаха ажалаа жэншэдгүй ябуулхаар гурим Соломоон эмхидхэбэ. Һүмын хашаа бүхэндэ харуул тэрэ табюулаа. Бурханай хүн болохо Давид эсэгынь захяа тиимэ байгаа юм.

Псалманууд 74:2

Бидэ Танда магтаал үргэжэ байнамди, магтанамди, аманһаамнай Танай нэрэ унанагүй, Танай гайхамшагта хэрэгүүдые тунхагланабди.

Дуунай дуун 3:3

Һүниин харуултай уулзаад, би «Сэдьхэлэйм амарагые хараа гүт?» гээб.

Дуунай дуун 5:7

Хотын гудамжаар эрьен ябадаг һүниин харуулшад намтай дайралдаад, хүхэржэ нязартар намайе сохёод, хубсаһымни тоножо абаа.

Исай 43:26

Зарга шүүлгэдэ ошоё! Зүб байһанаа баталхын тула ши ушар шалтагаанаа хэлэ!

Исай 49:16

Альган дээрээ нэрыеш бэшээб, хэрэмүүдшни Минии урда ходо үзэгдэнэ.

Исай 52:8

Хотын харуулай дуу хоолой дуулдана! Тэдэ хамта баяртайгаар хашхарба. Тэдэ Эзэнэй Сион руу дахин бусажа ерэһые өөһэдынгөө нюдөөр хаража байна бшуу.

Исай 56:10

Тэрэ иигэжэ айладхана: Арад зониием һэргылхэ үүргэтэй ударидагшадынь һохор! Юушье мэдэнэгүй! Тэдэ бултадаа хусажа шададаггүй, гансал унтадаг, һанаандаа гоёор зураглан хэбтэдэг нохойнуудта адли!

Исай 62:1

Иерусалимай абарагдатар, харанхыда носожо байгша зула мэтэ илалтынь мандатар би дуугаржал, хашхаржал байхаб.

Ерэмияа 14:21

Өөрынгөө найдуулһан зүйл тухай бү мартыт, маанадые бү шоодборилыт! Алдар солынтнай хан шэрээ болохо Иерусалимай нэрэ хүндэ бү хухалыт! Бидэнтэй байгуулһан хэлсээгээ һанажа, тэрэнээ бү эбдыт!

Ерэмияа 6:17

Би Эзэн бүреэгэйнь дохёо шагнахынтнай тула лүндэншэдые харуулшадаар таанад дээрэ табяаб. Гэбэшье таанад «Бидэ шагнахагүйбди» гээ һэнта.

Гашуудал 5:1

Эзэн! Бидэнтэй юу болоһые һаныт! Маанадай доромжологдоһониие харыт, үзыт!

Гашуудал 5:20

Юундэ Та маанадые орхёобта?! Иимэ удаан маанад тушаа мартаабта?!

Лука 18:39

Иисүүсэй урда ябаһан хүнүүд абяагүй боло гэжэ тэрэ һохорые зандарба, теэд тэрэнь: – Давидай үри һадаһан Иисүүс, намайе үршөөжэ хайрлыт! – гэжэ бүри шангаар хашхарба.

Хэрэгүүд 10:31

«Корнелий, шинии зальбарал болон хэһэн буяншни Бурханда хүрөө. Тэрэ шамайе һанаандаа барижа байна.

Хэрэгүүд 10:4

Корнелий тэрэниие айн шэртэжэ: – Юун болооб даа, Эзэмни? – гэжэ асууба. – Шинии зальбарал болон хэһэн буяншни Бурханда хүрөө. Тэрэ шамайе һанана, – гээд Эльгээмэл Корнелидэ хэлэбэ. –

Коринфынхидтэ 1-дэхи 12:28

Һүзэглэгшэдэй бүлгэм соо Бурхан хүн бүхэниие байрадань байлгаба: анха түрүүн, элшэнэрые, хоёрдохи һуурида Бурханай мэдээсэл элирүүлэгшэдые, гурбадахи һуурида һургагшадые, тиигээд гайхамшагта үйлэ хэрэгүүдые бүтээдэг зониие, хойноһоонь үбшэн хүнүүдые аргалан эдэгээдэг, бусад зондо туһалдаг, бусадые ударидадаг, элдэб танигдахагүй хэлэн дээрэ дуугардаг абьяастай хүнүүдые табяа.

Фессалоникиинхидтэ 1-дэхи 5:17

Ходо зальбаржа ябагты.

Еврейнүүдтэ 13:17

Өөһэдынгөө хүтэлэгшэдэй мэдэлдэ байгты, захиралтануудыень дүүргэжэ байгты. Тэдэнэр һүүлдэнь алба хэһэн тухайгаа Бурханай урда тоосоо хэхэ ёһотой ушарһаа танай һүнэһэ һүлдэдэ үргэлжэ һанаагаа табидаг. Хэрбээ таанадай хүтэлэгшэдэйнгөө үгөөр байбалтнай, тэдэнэр баяртайгаар ажалаа хэхэ, үгы болбол, тэдэнэр гунигтайгаар үүргэеэ дүүргэжэ байха, тиимэ ажалынь таанадта ашаг туһагүйл.

Гэршэлгэ 6:10

«Нангин гэгээн, хамагые зонхилогшо үнэн бодото Эзэн Бурхан аа! Газар дэлхэй дээрэ бидэниие алаашадые гэмнэнгүй, хэһээнгүй хэды болотор хүлеэхэбта!» – гэжэ тэдэ алуулагшад шанга шангаар хашхаралдаба.