Исай 62:4 - Библи

⁴ Энээнһээ хойшо шамайе «орхигдоһон», газарыешни «Хооһон, һубай» гэжэ нэрлэхэгүй. Харин шамайе «Бурханай баяр» гэжэ, газарыешни «гэрлэһэн» гэжэ нэрлэхэ. Юуб гэхэдэ, Эзэн шамда баясана, газарыешни һамга абаһан хүндэл адли болохо.

Исай 62:4 ပူးပေါင်းရင်းမြစ်များ

Псалманууд 149:4

Юуб гэбэл, Эзэн Өөрын арад түмэндэ дуратай, номгон даруу зониие магтана, абарна!

Псалманууд 16:3

Та минии зүрхэн руу шэртэн хараат, һүниндөө намайе туршахаа ерээт, намда ямаршье гэм үгы байһые ойлгоот, аманһаамни муу юумэн гараагүй.

Исай 49:14

Гэбэшье Иерусалимай ажаһуугшад иигэжэ хэлэнэ: «Эзэн маанадые хаяа! Тэрэ маанад тушаа мартаа!»

Исай 54:1

Иерусалим, ши үхибүү түрөөгүй, үри хүүгэдгүй эхэнэр, хүхин баясыш! Үхибүү түрэхын зоболон мэдэрээгүй эхэнэр, хүхииш, баярлыш! Юуб гэхэдэ, хадамда гараагүй эхэнэр хадамтай эхэнэртэ орходоо тоогүй олон үхибүүтэй байха. Иигэжэ Эзэн айладхаа.

Исай 60:15

Хаясаанай, үзэн ядадагай, хооһон хото байһаншье һааш, Би шамайе хэтэ мүнхын бахархал, үеһөө үедэ баярай газар болгохоб.

Исай 60:18

Орон нютагташни хүсэрхэл, һандарал бэшэ үзэгдэхэгүй, хана хэрэмүүдтэш адли Би шамайе аршалхаб, тиихэдэм ши Намайе магтан байхаш.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 62:12

Таанад «Эзэнэй абарһан нангин арад түмэн» гэжэ нэрлэгдэхэт. Иерусалим хадаа «Эзэнэй орхёогүй хото, Бурханай дуратай хото» гэжэ нэрлэгдэхэ.

Исай 62:2

Иерусалим, үндэһэ яһатад шинии илалта хараха. Тэдэнэй хаашуул алдар солыншни мандахые обёорхо. Тиигээд Эзэнэй үгэһэн нэрээр шамайе нэрлэхэ.

Исай 62:5

Залуу хүнэй эдир басагантай гэрлэдэг шэнги, шамайе Бүтээгшэ шамтай гэрлэнэ. Һамга абажа байгша хүбүүнэй хадамлажа байгша басагандаа баясадаг мэтэ Бурханшни шамдаа баясана.

Исай 65:19

Иерусалимда баярлан, арад түмэндөө баясажа байхаб. Тиигээд тэндэ уйлаха, туһа эрин орилхо абяан саашадаа бэшэ дуулдахагүй.

Ерэмияа 3:14

Танда этигэхын аргагүй, гэбэшье бусыт, юуб гэхэдэ, Би танай Эзэн гээшэб. Би таанарые хотоһоо нэгые, уг урагһаа хоёрые абажа, Сион руу асархаб.

Ерэмияа 32:41

Тэдээндэ һайн юумэ хэхэдээ, Би баясадаг байхаб, энэ газар дайдада тэдэниие хододоо байлгахаб.

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Эзэкээл 36:35

Ханха зайдан, хооһон байһан газар мүнөө Эдээмэй сэсэг мэтэ болоо, һандарһан, хооһорһон, тонуулһан хотонууд бүхэлэгдөө, ажаһуугшадтай болоо гэжэ зон хэлсэхэ.

Һошээ 2:21

Тэрэ үдэр Би газар дэлхэйдэ бороо эльгэхыень огторгойдо захирхаб.

Һошээ 2:22

Езрээлэй газарта таряа талха, үзэм, олива ургуулхаб.

Цэпаанияа 3:17

Эзэн Бурхантнай таанартай хамта. Тэрэ таанадые абарха баатар хүсэтэй. Тэрэ таанар тушаа баясан хүхихэ, хайра дуран соогоо аалихан, таанар тушаа баяртай зугаалан сэнгэхэ.

Малаахи 3:12

«Нютаг оронтнай баяртай хүүртэй болохо, бүхы үндэһэ яһатан таанадые үреэлдэ хүртэһэн гэжэ дуудаха болоно» гэжэ Түмэн Сэрэгтэ Эзэн айладажа байна.

Иоанн 3:29

Гэрлэхэ басагые гэртээ асарһан хүн тэрэ басаганай нүхэрынь гээшэ. Гэрлэхэ хүнэй хажууда зогсожо байһан дүтынь нүхэр хүбүүниинь тэрэнэй хэлээшые шагнан баясадаг. Тиин намдашье тиимэ ехэ баяр баясхалан тудаа.

Коринфынхидтэ 2-дохи 11:2

Би Бурхандал адляар таанадта һанаагаа табинаб. Таанадые хүнэй гар хүрөөгүй, арюун басагандал мэтэ гансал хүндэ, Христоосто хадамда үгэхэ гэжэ үгөө үгэһэн байнаб.

Хуули дабталга 30:9

Танай бүхы хэрэгүүдые Эзэн Бурхантнай угаа урагшатай болгохо, олон үхибүүдые үршөөхэ, олон түл, баян ургаса үреэн үгэхэ. Тэрэ таанадта эльгэтэй байжа, һайн юумэ таанадта хэхэдээ баярлаха. Үбгэ эсэгэнэртэтнай һайн юумэ хэхэдээ мүн лэ баясадаг бэлэй.

Еврейнүүдтэ 13:5

Алта мүнгэндэ шунангүй, бии юумээрээ сэдьхэл дүүрэн байгты. Ушарынь гэхэдэ, «Би шамайе хэзээшье орхихогүйб, би шамайе хэзээшье хаяхагүйб», – гэжэ Бурхан айладаа.

Пётрой 1-дэхи хандалга 2:10

Урдань таанад Бурханай хүнүүд бэшэ һэнта, зүгөөр мүнөө таанад Тэрэнэй хүнүүдта. Урдань таанад Бурханай үршөөл хайрые мэдэхэгүй һэнта, мүнөө таанад Тэрэнэй үршөөл хайрада хүртэбэт.

Гэршэлгэ 21:2

Нангин Хотые – шэнэ Иерусалимые би харааб. Хадамда гарахаяа нүхэр хүбүүгээ хүлеэжэ байһан шэнэ Иерусалим гоёнхой юумэ тэнгэриһээ, Бурханһаа буужа ябаба.