Исай 62:11 - Библи

¹¹ Эзэн бүхы дэлхэйдэ иигэжэ соносхоно: «Сионой хотодо Минии тэдэниие абархаяа ерэжэ байһан тушаа дуулгаарайгты. Тэдээндэ шагнал хүртөөхэ тухайм хэлээрэйгты».

Исай 62:11 ပူးပေါင်းရင်းမြစ်များ

Исай 12:2

Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»

Исай 17:10

Израилиин улад зон, таанад абарагша Бурханаа, хабсагай мэтээр таанадые аршалдаг Бурханаа мартаат. Таанад шүтөөнэй мододые тарижа, хариин бурхадта зальбардаг болоот.

Исай 42:10

Эзэндэ шэнэ дуу дуулажа, бүхы дэлхэйгээр Тэрээндэ магтаал дуулагты! Далайгаар тамарагшад болон далайн бүхы амитад, Тэрэниие магтагты! Олтирогууд болон ажаһуугша зониинь, Эзэндэ магтаал дуулагты!

Исай 46:13

Би һайн юумэ һаяар хэхэб, тэрэ саг ойртоо. Абарал буулгаха сагни удааржа байхагүй. Би Сиониие абархаб, Израильда нэрэ хүндэ олгуулхаб».

Исай 48:20

Вавилоонһоо гарагты, Халдейһээ зугадагты! Баяртайгаар хашхаран, тунхаглагты, дэлхэйн хизаар хүрэтэр иимэ мэдээ тараагты: «Эзэн Өөрынгөө богоол Яковта эрхэ сүлөө үршөөгөө!»

Исай 49:4

Иигэжэ бодожо байгааб: «Би дэмы ажал хээб! Өөрын хүсые хооһон юумэндэ гаргашалан һалгааб». Харин үнэн, зүб байһыем гансал Эзэн тодоруулха, ажал хэрэгүүдэйм түлөө Бурхамни намайе шагнаха.

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Исай 51:5

Минии заларха саг ойртоо, тиигээд Би тэдэниие абархаб. Би Өөрөө үндэһэ яһатадые сүүдлэхэб, алас холын орон нютагууд Минии залархые, тэдэниие абархые ехэ найдан хүлеэнэ.

Исай 59:20

Эзэн иигэжэ айладхана: «Сионой зондо болон муу муухайһаа зайлагша Яковай үринэртэ Абарагша заларха.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Матвей 21:5

«Номгон даруу шинии Хаан эмэ элжэгэ зайдаланхай, тэрэнэй унага – даагыень зайдаланхай, шамда дүтэлжэ ябана гээд Сионой басаганда дуулгаарайгты».

Марк 16:15

Тиигээд тэдэндээ иигэжэ хэлэбэ: – Бүхы газар дэлхэйгээр ябажа, хүн бүхэндэ Һайн Мэдээсэл номногты.

Иоанн 12:15

«Сионой басаган, ши бү ай! Харыш! Тээ тэрэ шинии Хаан залуу элжэгэ унаад, шамда дүтэлжэ ябана!»

Хуули дабталга 30:4

Тэнгэриин хирхаг хүрэтэр тараагдаһан байгаашье һаатнай, Эзэн Бурхантнай таанадые суглуулжа, тэндэһээ һөөргэнь асархал.

Гэршэлгэ 22:12

«Иигээд Би һаядаа ерэхэб! Хүн болгониие хэһэн хэрэгэйнь зэргээр шагнаха, хэһээхын тула шагналаа, хэһээлтэеэ Өөртөө абажа ябанаб.