Исай 61:10 - Библи

¹⁰ Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Исай 61:10 ပူးပေါင်းရင်းမြစ်များ

Эхин 24:53

Тиигээд тэрэ зараса үнэтэй һайхан хубсаһа, алта мүнгөөр хэһэн гоёолто гаргажа, Рэбээккаагай аха эжы хоёрто бэлэг болгон бариба.

2 Угай бэшэг 6:41

Эзэн Бурхан, Та хүсэ шадалайнгаа ханзатай хамта Өөрын амарха газарта заларыт! Эзэн Бурхан, санаартадтнай хубсаһаар мэтээр абаралтаар хубсалаг, Танай үнэн сэхэ зон һайн һайхандатнай баярлаг!

Нэхэмьяа 8:10

Тэрэ арад зондо иигэжэ хэлэбэ: – Гэртээ харижа, эрхим эдеэ хоол эдигты, үзэмэй дараһан архинһаа хүртэгты, тиигээд үгытэй зондо хүндэһөө хубаалдагты. Энэ үдэр манай Эзэнэй нангин үдэр. Бү гашуудагты: Бурханай баяр таанарта шадал нэмээхэ.

Иоов 29:14

Гэм нүгэлгүй амидарха гээшэ минии хубида хубсаһа үмдэхэтэй адли юрын нэгэ хэрэг бэлэй.

Псалманууд 28:7

Эзэнэй дуу хоолой гал сахин гаргадаг.

Псалманууд 35:9

Тэдэ үргөөгэйтнай баян хэшэгээр садхалан байдаг, тэдэниие Өөрын тааламжатай голһоо ундалуулнат.

Дуунай дуун 1:10

Ордоной дархашуулай урлажа хээлэһэн мүнгэн угалзатай алтан зүүлтэ шиниимни хүзүүе шэмэхэл.

Исай 12:1

Тэрэ үдэр ши иигэжэ хэлэхэш: «Эзэн, Таниие магтанаб! Хэды намда уурлаашье һаа, уураа татажа, минии һанаа амаруулаат.

Исай 12:2

Оо, Бурхан – минии абарал! Тэрээндэ найданаб, юунһээшье айнагүйб. Юуб гэбэл, Эзэн – минии хүсэн, минии шадал! Тэрэ – минии абарал!»

Исай 17:10

Израилиин улад зон, таанад абарагша Бурханаа, хабсагай мэтээр таанадые аршалдаг Бурханаа мартаат. Таанад шүтөөнэй мододые тарижа, хариин бурхадта зальбардаг болоот.

Исай 25:1

Эзэн, Та – минии Бурханта. Таниие ехэ хүндэлэн, нэрыетнай магтан-дуулан байнаб. Та эртэнһээ түсэблэһэн гайхамшагта хэрэгүүдээ түгэс найдамтайгаар дүүргэбэт.

Исай 25:9

Эдэ бүгэдын тохёолдоһон үдэр зон иигэжэ хэлэхэ: «Энэл даа, манай Бурхан! Тэрээндэ этигэн найдаа бэлэйбди, тиихэдэмнай Тэрэ маанадые абараа. Энэл даа, Эзэн! Бидэ Тэрээндэ этигэн найдаа һэмди, маанадые абарһандань баясан сэнгэел!»

Исай 35:10

Тэдэ Иерусалим руу баяртайгаар хашхаралдан ерэхэ. Уй гашуудал, һанаа алдалга оро һэегүй үгы боложо, баяртай, аза жаргалтай тэдэ хэтэ мүнхэдөө болохо.

Исай 41:16

Таанад тэдэниие һагшажа, һалхин хиидүүлжэ, шуурган тарааха. Тиихэдэнь Минии танай Бурхан байһанда баясажа, Израилиин арюун Бурхан болохо Намайе магтан байхат.

Исай 48:18

Хэрбээ Минии захяа заабаринуудта анхаралаа хандуулдаг һаатнай, үршөөлнүүд гол мүрэн мэтэ таанад руу урдаха байгаа, далайн долгид мэтээр буян таанадта ерэхэ һэн.

Исай 49:18

Тойроод эрьен харыш! Арад зоншни гэр руугаа, шамдаа ерэжэ байна. Хадамда үгтэжэ байһан басаганай шэмэглэлээрээ омогорходогтол адли, ши тэдэ зоноороо омогорхон байхаш. Энэ хадаа Минии, Эзэнэй, амиды мэндэ байһантайл адли баталгаатай!

Исай 49:4

Иигэжэ бодожо байгааб: «Би дэмы ажал хээб! Өөрын хүсые хооһон юумэндэ гаргашалан һалгааб». Харин үнэн, зүб байһыем гансал Эзэн тодоруулха, ажал хэрэгүүдэйм түлөө Бурхамни намайе шагнаха.

Исай 51:11

Танай абарһан зон Сион руу баяртайгаар дуулалдан гараха, зугаа, баяр дэлгэрхэ. Тэдэ хэтэ мүнхэдөө жаргалтай байха, гай тодхор, гашуудал тэдээнһээ һэегүй һалаха.

Исай 51:3

Би Сиониие, һандарһан гэрнүүд соонь байгша бүхы зониие хайрлажа, элһэн сүл губииень Эдээмэй сэсэрлиг мэтэ, Эзэнэй сэсэрлиг мэтэ болгохоб. Тэндэ баяр баясхалан, зугаа наадан, Намайе магтан дуулаһан дуунууд зэдэлхэл.

Исай 52:1

Сион, һэрииш, һэрииш, дахин хүсэ шадалаа нэмэрыш! Нангин хото Иерусалим, алдар солынгоо хубсаһа үмдыш! Буруу номнолтон ба бэеэ арюудхаагүй зон шинии бартаануудаар бэшэ орохогүй.

Исай 56:7

«Би таанадые Өөрын нангин уула руу асархаб, Намда зальбардаг үргөө соо тэдээндэ баяр үршөөхэб, үргэлэй шэрээ дээрэ дурадхаһан түгэс шатаалта үргэл болон бусад үргэлнүүдыетнай дуратайгаар абахаб. Минии гэр бүхы үндэһэ яһатадай зальбарха мүргэл зальбаралай гэр гэжэ нэрлэгдэхэ».

Исай 58:14

таанад Намда мүргэжэ, баярта хүртэхэт. Би таанадые хада ууланууд өөдэ гаргахаб, элинсэг эсэгэтнай болохо Яковта Минии үгэһэн орон нютагаар сэдьхэлээ ханан байхат. Энэ болбол Би, Эзэн, айладхана мүн!»

Исай 61:3

Сион уула дээрэ гашуудан уйлалдагшадта үнэһэнэй орондо гоёолто, бархираанай орондо баяр баясхалан, гай гасаланта шэг шарайн орондо гоёлой хубсаһан үгтэхэ гэжэ минии хэлэхые Тэрэ эльгээгээ. Эзэн Бурханай алдар солынгоо тула Өөрөө һуулгаһан модод мэтэ тэдэ болохо, зүб шударга хэрэгүүдые үйлэдэхэ.

Исай 65:18

Таанад Минии бүтээжэ байгаа юумэндэ хүхилдэн, хэтэ мүнхэдөө баясан байхат. Минии бүтээжэ байгааша Иерусалим хүхюун зугаагаар билтаржа, арад зониинь баяраар халин байха.

Ерэмияа 2:32

Залуу үхин гоёолто шэмэглэлээ, хадамлуулагдажа байгаа басаган гоёолой хубсаһаяа мартажа байха юм гү? Харин Минии улад зон Намайе тоолохын аргагүй оло дахин мартадаг байгаа.

Эзэкээл 42:14

Санаартан нангин үргөөһөө газаашаа гараха болоходоо эдэ таһалганууд соо нангин хубсаһаяа һэлгэжэ, юрын хубсаһаа үмдөөд, арад зон руу гараха ёһотой.

Аввакуум 3:18

би Эзэндэ баясан байхаб, юуб гэхэдэ, Тэрэ минии Абарагша Бурхан мүн!

Захарияа 10:7

Эпрааим хүсэрхэг эрэ боложо, үзэмэй дараһан архи ууһан мэтэ баясаха. Хүүгэдынь энээниие харахадаа хүхижэ, тэдэнэй зүрхэ сэдьхэлые Эзэн баярлан хөөрүүлхэ.

Захарияа 3:5

Удаань иигэжэ хэлэбэ: – Тэрэнэй толгойдо сэбэр орёолто үмдэхүүлэгты. Эльгээмэлэй зогсоод хаража байхадань, сэбэр орёолто толгойдонь орёобо, жабхалангай хубсаһа бэедэнь үмдэхүүлбэ.

Лука 15:22

Эсэгэнь барлагуудтаа: «Түргэхэн эгээ һайн хубсаһа асараад, хүбүүндэм үмдэхүүлэгты, хургандань үнэтэ шулуутай бэһэлиг зүүлгэгты, хүлдэнь гутал үмдэхүүлэгты.

Римэйхиндэ 13:14

Харин Эзэн Иисүүс Христоосые хуяг дуулгадал адли үмдэел, нүгэлтэ мүн шанар байдалаа анхархаяа, хүсэлэнгүүдыень хангахаяа болиёл.

Римэйхиндэ 14:17

Ушарынь юуб гэбэл, Бурханай хаан орон эдихэ, ууха тухай бэшэ, харин Арюун Һүлдэһөө эхи абадаг үнэн сэдьхэл, энхэ тайбан, баяр жаргал тухай юм.

Римэйхиндэ 3:22

Иисүүс Христоосто һүзэглэһэн этигэл һүзэгэйнь ашаар Бурхан хүн бүхэниие, ямаршье илгаагүйгөөр, үнэн сэдьхэлтэнэй тоондо оруулна.

Римэйхиндэ 5:11

Бурханай маанадтай эб найрамдал тогтоохоор Эзэн Иисүүс Христоосые эльгээһэн ушарта бидэ аргагүй баяртай байнабди.

Галадуудта 3:27

Иисүүс Христоосой нэрэ алдараар уһаар арюудхуулһан зон, таанад булта Иисүүс Христоостой нэгэдэбэт.

Филиппынхидтэ 3:9

Тиимэһээ би Хуули сахижа байһанаараа бэшэ, харин Христоосто һүзэгтэй байһанаараа Бурханай урда үнэн сэдьхэлтэн болоноб. Бурхан этигэл һүзэгөөрнь лэ хүниие үнэн сэдьхэлтэнэй тоодо оруулдаг.

Филиппынхидтэ 4:4

Эзэнтэй нэгэдэһэндээ ходо баясажа байгты. Баясагты гэжэ би дахин хэлэнэб.

Пётрой 1-дэхи хандалга 1:8

Тэрэниие хараагүйшье һаа, таанад Тэрээндэ дуратайт; мүнөө Тэрэниие харангүйшье байхадаа, Тэрээндэ этигэнэт. Тиимэһээ таанад үгэнүүдээр дамжуулхын аргагүй, гайхалтай баяраар баясанат,

Гэршэлгэ 21:2

Нангин Хотые – шэнэ Иерусалимые би харааб. Хадамда гарахаяа нүхэр хүбүүгээ хүлеэжэ байһан шэнэ Иерусалим гоёнхой юумэ тэнгэриһээ, Бурханһаа буужа ябаба.

Гэршэлгэ 21:9

Удаань гай аюулай һүүлшын долоон дүүрэн аягатай долоон Эльгээмэлэй нэгэниинь ерэжэ, намтай хөөрэлдэбэ: «Харалши даа, би шамда бэриеэ – Үргэлэй Хурьганай һамгые үзүүлхэб!» – гэбэ.

Гэршэлгэ 4:4

Энэ хаан шэрээе тойроод, баһа хорин дүрбэн хаан шэрээнүүд байгаа. Тэдэ хаан шэрээнүүд дээрэ хорин дүрбэн ахамадууд һуугаа. Эдэ ахамадууд сагаан хубсаһа үмдэнхэй, толгойдонь алтан титим малгайнууд табяатай.

1 Хаан түрэнүүд 2:1

Ханнаа иигэжэ зальбаран мүргэбэ: – Эзэн зүрхыем баяраар билтаруулаа, Бурханай туһаар хүсэн түгэс болооб. Дайсадаа наада харан хүхинэб, Эзэнэй туһалһанда угаа баяртайб.