Исай 60:22 - Библи

²² Эгээл үсөөн бүлэһөөшье хамагай олон, хүсэтэй үндэһэ яһатан үдэн гаража болохо. Таатай сагай тохёолдоходо, Би, Эзэн, энэ хэрэг түргөөр бүтээхые оролдохоб!»

Исай 60:22 ပူးပေါင်းရင်းမြစ်များ

Исай 10:22

Далайн элһэндэл адли тоогүй олон зоной Израильда мүнөө байгаашье һаань, оройдоол үсөөхэниинь лэ һөөргөө бусаха. Усадхалга хамагай зүб шүүлгээр тодорхойлогдонхой.

Исай 5:19

«Эзэн айладхалаа түргөөр бэелүүлэг лэ, бидэ тэрэнииень нюдөөрөө харахаяа һананабди. Израилиин арюун Бурхан түсэбөө бэелүүлэг лэ, бидэ тэрэнииень лаб мэдэхэеэ хүсэнэбди!» гэжэ тэдэ хэлэнэ.

Исай 51:2

Элинсэг эсэгэ Абраһаам, таанадые түрэһэн эхэ Саррые һанаандаа оруулагты. Би Абраһаамай ори ганса, үхи хүүгэдгүй байхадань үреэжэ, үхи хүүгэдые үршөөгөө бэлэйб. Иигэжэ уг удамынь угаа үнэржүүлээ һэм.

Исай 66:8

Хэн иимэ юумэ дуулаа, хараа юм? Нэгэ үдэр соо арад түмэн бии боложо байгаа юм аал? Үндэһэ яһатаниие түрэхэдөө, Сион удаан үбдэжэ байгаагүй.

Даниил 2:35

Тэрэ дары түмэр, шабар, гуулин, мүнгэн, алтан бутаржа, нажарай сагта гүмнээ дээрэ хиидэдэг мэхиинэ мэтэ болоод, һалхинда туугдажа, һэе мүргүй үгы болобо. Мантан хүрэг дээрэ унааша тэрэ шулуун агуу хада боложо, бүхы газар дэлхэйе эзэлбэ.

Даниил 2:44

Тэдэ хаан түрэнүүдэй үедэ Огторгойн Бурхан хэтэ мүнхэдөө һандархагүй, бусад арадта диилдэхэгүй нэгэ хаан түрэ байгуулжа, тэрэнь бүхы хаан түрэнүүдые һандаргаажа, өөрөө мүнхэ оршохо.

Михей 4:7

Тэрэ дохолон һалга, холуур тараагдаһан зониие хүсэтэй шанга арадай эхи табигшад болгохоб. Энэ сагһаа эхилэн, хэтэ мүнхэдөө Сион хада уулаһаа Би тэдэниие хааншалан зонхилон байхаб».

Аввакуум 2:3

Тогтоогдоһон саг тушаа үзэгдэл юм. Теэд тэрэнэй удаараашье һаань, хүлеэгөөрэй, заабол бэелдэхэ. Тэрэ болюулагдахагүй, заабол ерэхэ.

Лука 18:7

Тэрэнэй тиигэжэ байхадань, Бурхан шэлэжэ абаһан зонойгоо үдэр һүнигүй туһаламжа гуйхадань, бүришье һайнаар харгалзаха хамгаалха бэшэ гү? Тэдэндээ анхаралаа табиха бэшэ гү?

Хэрэгүүд 2:41

Пётрой үгэдэ этигэһэн хүнүүд уһан арюудхалгада хүртэжэ, гурбан мянга тухай хүнөөр һүзэглэгшэдэй тоо нэмэгдэбэ.

Хэрэгүүд 5:14

Бүри олон эхэнэрнүүд, эрэшүүл Эзэндэ этигэжэ, һүзэглэгшэдэй тоо олошоржол байба.

Еврейнүүдтэ 10:36

Бурханай эрхэ хүсэлые бэелүүлэн, найдуулһан юумыень абаха гэбэл, таанад тэсэбэритэй байха ёһотойт.

Пётрой 2-дохи хандалга 3:8

Хайрата аха дүүнэрни, Эзэндэ нэгэ үдэр мянган жэлнүүдтэ адли, тиин мянган жэлнүүд нэгэ үдэртэл адли. Энээниие бү мартаарайгты.

Гэршэлгэ 7:9

Тэрэнэй удаа харахадамни, тооложо барагдашагүй олон зон урдамни үзэгдэбэ. Тэдэ зоной дунда бүхы үндэһэ яһатан, арадууд, угсаатан, янза бүриин хэлэтэй хүнүүд ерээд байгаа һэн. Тэдэ зон хаан шэрээгэй урда, Үргэлэй Хурьганай урда зогсобо. Тэдэнэр сагаан хубсаһа үмдэнхэй, гартаа пальма модоной мүшэрнүүдые баринхай.