Исай 60:18 - Библи

¹⁸ Орон нютагташни хүсэрхэл, һандарал бэшэ үзэгдэхэгүй, хана хэрэмүүдтэш адли Би шамайе аршалхаб, тиихэдэм ши Намайе магтан байхаш.

Исай 60:18 ပူးပေါင်းရင်းမြစ်များ

2 Хаан түрэнүүд 7:10

Би Израилиин арадые ажаһууха газартай болгохоб, тэрэнэй байдал батадхахаб, өөһэдынгөө газар дээрэ амгалан ажаһууха, тэдэнэр хэзээдэшье һамаргаанда орохоёо болихо. Энээнһээ хойшо тэрэниие хашаашад дахин харшалхагүй.

Исай 11:9

Бурханай нангин хада дээрэ ямаршье муу юумэн болохогүй. Уһан далайе дүүргэдэгтэл, газар дэлхэй хадаа Эзэн тухай мэдэсээр дүүрэнхэй байха.

Исай 2:4

Үндэһэтэдэй хоорондохи арсалдаае Тэрэ болюулха, олон арад түмэниие шүүхэ. Тэдэ һэлмэнүүдээ анзаһанай шүдэн болгон, жадануудаа хадуур болгон дабтаха. Үндэһэтэн нүгөө үндэһэтэнэй урдаһаа һэлмэ бэшэ далайхагүй, дайнай эрдэм шудалхаяа болихо.

Исай 26:1

Иудын хан түрын газар дайдада иимэ дуу дууладаг болохо саг дүтэлжэ байна: «Манай хото хүсэтэй! Бурхан Өөрөө хана хэрэмынь болон хамгаалжа байна!

Исай 26:2

Хотын бартаануудые нээгыт! Бурхандаа үнэн сэхэ, зүб шударга үндэһэтэн орог лэ!

Исай 51:19

Дабхар гай тодхор шамайе дайраа! Хэн шамайе хайрлахаб?! Дээрмэдэлгэ ба хюдалга, үлэсхэлэн байдал ба һэлмээр усадхалга! Шамайе һаатуулха хэншье үгы!

Исай 54:14

Зүб шударга, эрхэ сүлөө мандажа, шамайе хүсэтэй болгохо. Дарлалта харшалалгаһаа айхагүйш, Аюултай һүртэй юумэн шамда ойртохогүй.

Исай 56:5

таанадай нэрэнүүдые Минии нангин үргөө соо удаан сагта дурдан байха, үхи хүүгэдтэй байжа, нэрэеэ нэрлүүлһэнһээ үлүүгээр таанадые хэтэ мүнхэдөө зон дурдахал».

Исай 60:11

Үдэр, һүнигүй бартаануудтнай нээлтэтэй байха, иигэжэ үндэһэ яһатадай хаашуул эд баялигаа шам руу асаржа байхал.

Исай 60:17

Би шамда гуулин түмэрэй орондо алта, түмэрэй орондо мүнгэ, модоной орондо гуулин, шулуунай орондо түмэр асархаб. Удамаршадшни бэшэ шамайе дарлахагүй, хэрэгүүдые тэдэ зүб шударга, амар амгаланаар шиидхэдэг болохо.

Исай 61:11

Үрэ хүрэнгэһөө ургаса гарадагтал, Эзэн Бурхан Өөрын арадые абархаб гэһэн үгэеэ дүүргэхэ, тиигээд бүхы үндэһэ яһатанда магтуулха.

Исай 62:10

Иерусалимай улад зон, хотоһоо гаража, баряанһаа бусажа байһан арад зондоо харгы зам баригты! Зам жэгдэлэгты, шулуунуудһаа сэбэрлэгты! Арадуудай ойлгохын тула дээшэнь туг үргэгты!

Исай 62:4

Энээнһээ хойшо шамайе «орхигдоһон», газарыешни «Хооһон, һубай» гэжэ нэрлэхэгүй. Харин шамайе «Бурханай баяр» гэжэ, газарыешни «гэрлэһэн» гэжэ нэрлэхэ. Юуб гэхэдэ, Эзэн шамда баясана, газарыешни һамга абаһан хүндэл адли болохо.

Исай 62:7

Иерусалимые һэргээн бодхооторынь, бүхы дэлхэйн магтаал болготорынь тэдэ Эзэндэ амар заяа үгэхэгүйл.

Эзэкээл 42:20

Иигэжэ нангин үргөө дүрбэн талаһаа тэб тэбхэр, алишье хажууһаа табан зуун тохой байба. Хананууд иигэжэ нангин зүйлые нангин бэшэһээ илгадаг бэлэйл.

Михей 4:3

Олон арадуудай хоорондохи арсалдаае Тэрэ болюулха, холын холо байдаг, хүсэ шадалтай үндэһэтэдые шүүбэрилхэ. Тэдэ һэлмэнүүдээ анзаһанай шүдэн болгон, жадануудаа хадуур болгон дабтаха. Үндэһэтэн нүгөө үндэһэтэнэй урдаһаа һэлмэ бэшэ далайхагүй, дайнай эрдэм шудалхаяа болихо.

Цэпаанияа 3:19

Хараарайгты даа, тэрэ сагай ерэхэдэ дарлагшадыетнай Би суглуулхаб, дохолон эрэмдэгүүдые абархаб, тараһан арадаа суглуулхаб, тиигээд шоо үзэжэ байһан энэ газартань тэдэниие хүндэтэй, нэрэ түрэтэй зон болгохоб.

Захарияа 2:5

Эзэн айладажа байна: «Тэрэ хотые хүреэлһэн галта хана болохоб, тэрэнэй дунда алдар соломни дэлгэрхэ» гээ.

Захарияа 2:9

Түмэн Сэрэгтэ Эзэн айладана: «Мутараа тэдээндэ далайхадам, богоолнуудайнгаа олзо болохол даа». Тиихэдэнь намайе Түмэн Сэрэгтэ Эзэн эльгээгээ гэжэ таанад мэдэхэт.

Захарияа 9:8

Орон соогуур сэрэг зон һүндэлхэеэ болихо, ямаршье дарлагшад дээгүүрнь ябахагүй. Би энээниие алдангүй хаража байхаб, үргөөгөө Өөрөө хамгаалхаб.